Tímarit hjúkrunarfræðinga - 01.12.1999, Blaðsíða 32

Dagana 9.-13. apríl árið 2000 verður haldið námskeið í heilsu-
vernd starfsmanna (High quality in the Practice of Occupa-
tional Health Services) á Hótel íslandi í Reykjavík. Námskeiðið
er ætlað sérfræðingum sem starfa við heilsuvernd starfs-
manna eða móta heilbrigðisstefnu. Markmið námskeiðsins
eru þau helst að gera þátttakendur betur færa um að skipu-
leggja þjónustu af þessu tagi og að meta árangur starfsins.
Námskeiðið er haldið á vegum NIVA (the Nordic Institute
for Advanced Training in Occupational Health) sem hefur
aðsetur í Finnlandi. Stofnunin nýtur styrkja frá Norrænu
ráðherranefndinni og hefur það hlutverk að halda námskeið
fyrir rannsakendur, sérfræðinga og aðra sem þekkingu hafa
og starfa á sviði heilsuverndar starfsmanna eða við annað
sem tengist atvinnulífinu. Stjórnendur námskeiðsins eru þrír
prófessorar í læknisfræði sem starfa við rannsóknarstofn-
anir í vinnuvernd í Finnlandi og í Svíþjóð.
Markmið námskeiðsins eru:
• að gera þátttakendur færa um að greina þarfir starfs-
manna og stjórnenda fyrir heilsuvernd og hvað leggja
beri áherslu á í starfsmannaheilsuverndinni á hverjum
stað fyrir sig
• að fræða þátttakendur um stefnu og strauma í heilsu-
vernd starfsmanna, einkum að því er það varðar að
meta árangur heilsuverndar af þessu tagi
• að gera þátttakendum fært að nota þessar aðferðir í
eigin starfi
• að gera þátttakendum kleift að beita aðferðum gæða-
stjórnunar í heilsuvernd starfsmanna.
Markhópur:
Þeir sem starfa við eða tengjast heilsuvernd starfsmanna
(t.d. féiagsfræðingar og félagsráðgjafar, hjúkrunarfræð-
ingar, hoilustuháttafræðingar, iðjuþjálfar, læknar, sálfræð-
ingar, sjúkraþjálfarar, verkfræðingar og vinnuvistfræðingar)
svo og stjórnendur, þeir sem móta heilbrigðisstefnu og
aðrir sem hafa áhuga á þróun heilsuverndar starfsmanna
og mati á slíkri starfsemi.
E.R.F. hjálpartaski
Gervibrjóst • Brjóstahöld • Sundföt
Rauðagerði 39 • 108 Reykjavík • sími 568 7377
Meginefni:
• Leiðbeiningar og líkön við skipulagningu heilsuverndar
starfsmanna.
• Aðferðir við mat á heilsuvernd starfsmanna.
• Heilsufarsskoðanir og eftirlit með heilsufari starfsmanna
• Áhættumat á vinnustað.
• íhlutunaraðgerðir og mat á þeim.
Á námskeiðinu er lögð jöfn áhersla á fyrirlestra,
umræður, hópvinnu og æfingar. Þátttakendur eru hvattir til
að kynna eigin verkefni og velta upp spurningum.
Námskeiðsgjald er 2.600 finnsk mörk eða um 33.500
ísl. kr.
Sérstök heimasíða námskeiðsins verður opnuð á
heimasíðu NIVA til að miðla upplýsingum og koma tillögum
á framfæri. Heimasíða NIVA er: www.niva.org
Tekið er á móti skráningum á námskeiðið hjá NIVA fram til
25. febrúar árið 2000. Ritari námskeiðsins er Pirjo Turtiainen.
Frekari upplýsingar er hægt að fá á atvinnusjúkdóma-
og heilsugæsludeild Vinnueftirlits ríkisins í síma: 567 2500.
Söngur steindepilsins
í bókinni eru frásögur fólks sem fengið hefur krabbamein og
flest hlotið bata. Ekkja og ekkill tala um sorgina og
sjúkrahúsprestur ritar huggunarorð. Útgefandi er Hólmfríður
Gunnarsdóttir en hún skrifaði einnig viðtölin og ritstýrði
bókinni. Krabbameinsfélag íslands styrkti útgáfu bókarinnar.
Heimagisting
Félag íslenskra hjúkrunarfræðinga auglýsir eftir
hjúkrunarfræðingum sem áhuga hafa á að bjóða
evrópskum hjúkrunarfræðingum, sem koma hingað
til lands á WENR-ráðstefnuna 25.-27. maí á næsta
ári, ókeypis gistingu í heimahúsum. Slíkur stuðningur
er mikilvægur fyrir hjúkrunarfræðinga sem koma frá
efnaminni löndum Evrópu. Með því að bjóða þeim
ódýra eða ókeypis gistingu aukum við mögueiika
þeirra á að koma hingað og taka þátt í því evrópska
samfélagi sem WENR er.
Þeir sem áhuga hafa vinsamlega hafið samband
við skrifstofu félagsins í síma 568 7575 fyrir 1. febrúar
2000.
320
Tímarit hjúkrunarfræðinga • 5. tbl. 75. árg. 1999