Ráðunautafundur - 11.02.1979, Side 23

15
bændum hefur fækkað hlutfallslega mikið. Það á áreiðan-
lega við um Snæfellsnes og ef til vill Strandasýslu líka.
Væri að því ráði horfið að hætta að leysa
vandamálin á félagslegan hátt, þá held ég að bændastéttin
ætti skamma framtíð í landinu. Lögmál frjálsrar samkeppni
um innanlandsmarkaðinn yrði fljót að brjóta niður allt sem
gert hefur verið til uppbyggingar og skipulagningar í
afurðasölumálum í 40 - 50 ár. Þegar svo væri komið yrði
farið að flytja inn erlendar búvörur og þá væri séð fyrir
endann á innlendri búvöruframleiðslu.
Að gera ekkert í þessu efni væri því alversti
kostur, sem valinn væri.
Skylt er að skoða hverja ábendingu og tillögu
er fram kemur til lausnar á vandamálunum og engu skyldi
hafnað án umhugsunar.
En fara skal með hófsemd og gætni í allri
ákvarðanatöku í þessu sambandi, því margur er sá þol-
andi sem viðkvæmur er og harkalegar aðgerðir gætu haft
afdrifaríkar afleiðingar fyrir ýmsa þeirra.