Ráðunautafundur - 11.02.1979, Blaðsíða 61

53
Stelkur:
Átti hreióur á svæði II bæði sumarið 1975 og 1976. Sumarið 1975 kom
hann upp 4 ungum, en hreiðrið var rænt sumarið 1976.
Jaðrakan:
1 jaðrakanshreiður fannst á svæði II sumarið 1976 og komust þar upp
4 ungar.
Hrossagaukur:
Sumarið 1975 fannst 1 hrossagaukshreiður á svæði II, en ungar voru
farnir úr því. Sumariö 1976 fannst sðmuleiöis 1 hreiður hrossagauks
og komust þar upp 4 ungar.
Heiðlóa:
Sumarið 1975 fannst 1 lóuhreiður, en 2 sumarið 1976. I öllum
hreiðrunum komust upp 4 ungar.
Þúfutittlingur:
Eitt yfirgefið hreiður fannst sumarið 1975, og eitt hreiður sumarið
1976. Þar komst upp 1 ungi.
Skógarþröstur:
Eitt hreiður fannst 1975 og komust þar upp 4 ungar.
Fuglar sem vergtu í mýrinni_sjálfri_(svæði I).
Hreiðurstæði fugla sumarið 1975 og 1976 getur að líta á meðfylgjandi
mynd. Árinu 1977 er hér sleppt sökum þess að rannsóknir það ár tóku yfir
mun skemmri tíma en rannsóknir 1975 og 1976 auk þess sem þær beindust
fyrst og fremst að beit og beitaratferli sauðfjár.
Sumarið 1975 fundurst hreiður eftirfarandi fugla í mýrinni:
Lóuþræll (Calidris alpina):
Undir lok júnímánaðar (23/6) fannst yfirgefiö hreiður lóuþræls í
jaðarsvæöi x austurhluta mýrarinnar. Land er þar fremur þurrt og stór-
þýft. Gróðurfar einkennist af ýmsum grösum í þúfum (snárrót, lm-
gresi og hálmgresi), en störum (nær einvörðungu mýrarstör) og einstaka
blómjurtum (engjarós t.d.) milli þúfna.
Skammt frá hreiðrinu fannst 1 ungi lifandi og annar dauður.
Hrossagaukur (Gallinago gallinago):
30/7 fannst hreiður hrossagauks í jaðarsvæði í austurhluta mýrarinnar.
Hreiðrið var tómt, en hjá því fannst einn ungi. Land á þessum
slóðum er mjög svipað og við hreiður lóuþrælsins, sem minnst var á
hér að framan.
Jaðrakan (Limosa limosa):
12/6 fannst jaðrakanshreiður á mótum jaðars og þurrlendis £ eystri
hluta mýrarinnar. 1 hreiðrinu voru 3 egg. 6/7 var jaðrakan buinn að
unga út og urðu athugunarmenn ekki varir við unga hans það sem eftir
var sumars. Land í kring um hreiðurstæðið var rakara og smáþýfðara
en við hreiður hrossagauksins og lóuþrælsins. Gróður var að mestu
leyti starir, en þó dálítið af grösum í þúfnakollum (fyrst og fremst
língresi).
L