Dagblaðið Vísir - DV - 12.04.2016, Blaðsíða 4

4 Fréttir Vikublað 12.–14. apríl 2016
… komdu þá við hjá okkur
Ertu á leið í flug?
Hafnargötu 62, KEflavíK / pöntunarsími 421 4457
Hádegis-tilboð alla daga
SJÓNMÆLINGAR
LINSUR • GLERAUGU
Skólavörðustígur 2 • 101 Reykjavík
Sími: 511 2500 • www.gleraugad.is
Tryggvi Þór veðjar
á píTsur og karókí
Þingmaðurinn fyrrverandi opnar ítalskan veitingastað í JL-húsinu
Þ
etta eru raunverulega þrír
veitingastaðir, þeir verða
þar sem Nóatúnsbúðin var,
og þarna verða kaffihús,
Bístró-bar og fínn ítalskur
veitingastaður,“ segir Tryggvi Þór
Herbertsson, fjárfestir og fyrrverandi
þingmaður Sjálfstæðisflokksins, um
veitingastaðinn Bazaar sem hann er
helmingshluthafi í og til stendur að
opna í JL-húsinu við Hringbraut á
næstu vikum.
„Núna erum við að ganga frá
leyfum og fínpússa staðinn og ætli
við opnum ekki í næstu viku eða þar
næstu fyrir almenningi.“
Karókí og kokteilar
Tryggvi Þór er stjórnarformaður
einkahlutafélagsins JL veitingar
sem heldur utan um rekstur
veitingastaðarins. Samkvæmt upp-
lýsingum DV, sem Tryggvi vil ekki
staðfesta, á hann helmingshlut
í verkefninu á móti Guðjóni Þór
Guðmundssyni, framkvæmdastjóra
veitingastaðarins. Tryggvi segir ekki
rétt að hann hafi fullyrt að Bazaar
verði „besti ítalski veitingastaður-
inn á Norðurlöndunum“.
Það er þvæla að ég hafi sagt það.
En ég get lofað þér því að hann mun
slaga hátt í að verða besti ítalski
veitingastaðurinn á Íslandi,“ segir
Tryggvi kíminn.
„Kaffihúsið mun þjónusta
hótelið sem verður í JL-húsinu með
morgunverð og svo verður hægt að
fara þangað í kaffi, kökur, brauð og
létta rétti yfir daginn. Síðan verður
Bistró-staðurinn með salöt, steikur,
hamborgara og annan góðan mat.
Ítalski veitingastaðurinn verður
fínni veitingastaður og þá aðallega
opinn á kvöldin.“
Samkvæmt Facebook-síðu
Bazaar verða þar sérsmíðuð hús-
gögn og vínskáp-
ur og karókí salur.
Tryggvi segir
tímann einn geta
leitt í ljós hvort
hann muni opna
fleiri veitinga-
staði. Aðspurð-
ur segist hann
ekki hafa komið
áður að veitinga-
rekstri.
„Nei, nei, ég
er einungis aum-
ur hagfræðingur. Fyrir mér
er þetta einungis fjárfesting. Ef þetta
gengur vel verður kannski hægt að
víkka það út. Félagi minn [Guðjón
Þór Guðmundsson] er mjög sjóaður
í þessu en hann var kostnaðar- og
innkaupastjóri hjá Icelandair og
er lærður kokkur og hefur unnið á
mörgum stöðum. Svo er rétt að það
komi fram að sjónvarpskokkurinn
Eyþór Rúnarsson er yfirkokkur
staðarins. Þetta stendur allt og fellur
með því hversu góður maturinn
hans verður,“ segir Tryggvi.
Opna hótel í húsinu
Rúmt ár er síðan eigendur JL-
hússins tilkynntu að þeir ætluðu að
opna þar samblöndu glæsihótels og
gistiheimilis. Bræðurnir Arnar og
Bjarki Gunnlaugssynir koma að fé-
laginu JL Holding sem á bygginguna
en Margrét Ásgeirsdóttir, athafna-
kona og fyrrverandi eiginkona Skúla
Mogensen, forstjóra WOW air, og
Sturla Sighvatsson, fjárfestir og fyrr-
verandi framkvæmdastjóri leigu-
félagsins Heimavellir, eru einnig í
hluthafahópnum.
Tryggvi segist enga aðkomu
hafa að hótelverkefninu og að
hann muni áfram koma að öðrum
fjárfestingum og ráðgjöf. DV fjall-
aði í fyrra um tilraunir hans og
hóps fjárfesta til að leggja fram til-
boð í alla stofnfjárhluti Arion banka
í AFLi-sparisjóði, sem var á þeim
tíma stærsti sparisjóður landsins,
og Sparisjóði Norðurlands. Hópur-
inn féll frá þeim áformum þegar
tilkynnt var um samruna AFLs og
Arion banka í byrjun júní 2015.
„Veitingastaðurinn er búinn að
taka mikinn tíma síðasta hálfa árið
en svo er hitt og þetta sem dettur
inn á borð til mín.“ n
Haraldur Guðmundsson
haraldur@dv.is
Kemur víða við Tryggvi Þór Herbertsson hyggst hasla sér völl í veitingageiranum.
JL-húsið Iðnaðarmenn voru önnum kafnir
þegar ljósmyndara DV bar að garði.
myndir siGtryGGur ari