Dagblaðið Vísir - DV - 12.04.2016, Blaðsíða 14

14 Fréttir Erlent Vikublað 12.–14. apríl 2016
Rændi 15 mánaða
barni og myrti það
n Barnið fannst í læk stuttu frá Ólympíugarðinum í Melbourne n Móðirin hljóp á eftir morðingjanum
L
ögreglan í Melbourne leitar
nú að manni sem grunað-
ur er um að hafa rænt 15
mánaða gömlu barni og
banað því. Barnið, Sanaya
Sahib, var í vagni hjá móður
sinni þegar því var rænt klukkan
tíu á laugardagsmorgun. Sanaya
fannst á grúfu í læk um miðja nótt
á sunnudag. Lögreglan biðlar til
allra sem telja sig hafa upplýs-
ingar um dauða barnsins að hafa
samband og segist óttast mjög ef
maðurinn sem rændi barninu var
ótengdur því með öllu.
Voru í göngutúr
Móðir stúlkunnar, Sofina Nikat, var
á gangi með hana í vagni í Ólympíu-
garðinum í Melbourne klukkan tíu
á laugardagsmorgun.
Hún segist hafa orðið vör við
mann sem virtist fylgjast með henni
og gekk í humátt á eftir henni.
Skyndilega kom maðurinn aftan
að henni, skellti henni í jörðina,
greip barnið og hljóp af stað. Hún
hljóp á eftir honum en hann hljóp
svo hratt að hún náði ekki að fylgja
honum eftir. Hún hljóp þá heim og
hringdi á lögreglu sem setti af stað
neyðaráætlun og leit að mannin-
um. Fjölmargir sjálfboðaliðar buðu
sig fram til aðstoðar og hófst leit
skömmu eftir símhringingu Sofinu.
Fannst látin
Þrátt fyrir mikla leit fannst Sanaya
Shaib ekki fyrr en aðfaranótt
sunnudags. Það var fjölskylda sem
vildi ólm taka þátt í leitinni sem
fann hana í Darebin-læknum í
Melbourne klukkan þrjú um nótt
og var hún þá látin.
Ástralskir fjölmiðlar hafa greint
frá því að fjölskyldan sem fann
hana hafi boðið sig fram til að taka
þátt í leitinni vegna þess að hún
hafði áður staðið í svipuðum spor-
um og foreldrar Sanayu. Ættingi
þeirra hvarf fyrir nokkrum árum –
en fannst eftir umfangsmikla leit.
Þau vildu aðstoða fólk sem upp-
lifði sömu hremmingar og þau
höfðu gert áður.
Angaði af áfengi
Maðurinn sem lögregla leitar
að er dökkur yfirlitum og líklega
svartur. Hann mun vera á þrítugs-
aldri og hávaxinn. Hann var svart-
klæddur og berfættur. Hann ku
hafa angað af áfengi. Hann var
sprettharður og komst á undan á
hlaupum. Engar öryggismynda-
vélar eru í garðinum og því hef-
ur lögregla aðeins lýsingar móður
barnsins til staðfestingar. Svo virð-
ist sem enginn annar hafi verið á
svipuðum slóðum og mæðgurnar í
garðinum fyrir utan þennan mann
á þessum tíma.
Ekki grunuð
Móðir telpunnar og faðir eru skil-
in og hafði Sofina búið hjá vin-
um nærri Ólympíugarðinum. Hún
taldi öruggast að hlaupa heim
þegar hún sá að hún náði ekki
manninum. Sofina Nikat er 22 ára
og Sanaya var hennar fyrsta barn.
Nafn föður barnsins hefur ekki
komið fram í áströlskum fjölmiðl-
um en foreldrarnir eru sagðir hafa
tekið þátt í leitinni og upplýsingar
frá Sofinu eru notaðar til að leita
að hinum grunaða. Hún er ekki
grunuð um að hafa átt þátt í hvarf-
inu eða bera ábyrgð á dauða barns-
ins, segir lögregla. Foreldrarnir eru
sagðir vera í miklu uppnámi, eðli-
lega, en geri sitt besta til að lið-
sinna lögreglu.
Lögreglan veit ekki hversu lengi
barnið var í læknum og dánar-
orsök þess hefur ekki verið stað-
fest. Krufning verður framkvæmd
á næstu dögum. Foreldrarnir
eiga einnig eftir að bera kennsl á
barnið, en það mun þó aðeins vera
formsatriði. „Það er mjög ógnvekj-
andi ef þetta var tilefnislaus árás,“
segir yfirmaður rannsóknarinnar,
Stuart Bailey. „Við þurfum að vera
varkár, vitandi hvað hefur gerst, en
við þurfum líka að bíða og leyfa
rannsókn málsins að hafa sinn
gang,“ sagði hann við fjölmiðla á
sunnudagsmorgun. Hann hefur
biðlað til almennings að gefa sig
fram ef einhver telur sig hafa upp-
lýsingar um þennan harmleik. n
„Það er mjög ógn-
vekjandi ef þetta
var tilefnislaus árás.
Ásta Sigrún Magnúsdóttir
astasigrun@dv.is
Mæðgurnar Hér má sjá mæðgurnar
saman. Myndina setti Sofina inn á Facebook
á fimmtudag. Sanaya er sögð hafa verið
hamingjusamt barn, búið við mikið atlæti
foreldra sinna og umhyggju. Mynd FAcEbook
Sjálfstætt
starfandi
apótek
í Glæsibæ
Opnunartími: Virka daga frá kl. 8.30-18.00
Laugardaga frá kl. 10.00-14.00
Okkar markmið er að veita þér og þínum
framúrskarandi þjónustu og ráðgjöf
Fylgist með okkur á Facebook.com/Lyfsalinn
Uppakomur • Leikir • Tilboð
Skútuvogi 12h, Reykjavík
S: 568-9620 - bilaretting.is
Vinnum fyrir öll
tryggingafélög
Útvegum bifreið meðan á viðgerð stendur