Dagblaðið Vísir - DV - 12.07.2016, Page 4

Vikublað 12.–14. júlí 20164 Fréttir
SJÓNMÆLINGAR
LINSUR • GLERAUGU
Skólavörðustígur 2 • 101 Reykjavík
Sími: 511 2500 • www.gleraugad.is
Í
nýlegri tilkynningu frá Nátt-
úrufræðistofnun var varað
við hættulegum hitasæknum
myglusveppum sem bera heitin
Súlufrugga (aspergillus fumigat-
us) og Svartfrugga (aspergillus
negro). Sýni sem barst stofnuninni
staðfestir að um tegundirnar sé að
ræða. Þá kom fram í tilkynningunni
að líkur væru á að maður hefði sýkst
af gróum tegundanna hérlendis með
þeim afleiðingum að sveppurinn fór
að vaxa og dafna í lungum hans.
DV hefur undir höndum stað-
festingu frá lækni um að sýkingin
átti sér stað og að maðurinn, sem
ekki vill láta nafns síns getið, hafi
glímt við veikindi síðustu 10 mánuði.
Mögulegt er að hann hafi orðið fyrir
óafturkræfum skaða á lungnaberkj-
um og þind.
Maðurinn fullyrðir að hann hafi
verið alheilbrigður áður en hann
sýktist en í tilkynningu frá landlækni
kemur fram að súlufruggan geti að-
eins valdið sýkingu hjá einstakling-
um með alvarlega ónæmisbælingu
eða langt gengna lungnasjúkdóma.
Að mati embættisins eru heilbrigðir
einstaklingar ekki í hættu.
Myglan getur vaxið í lungum og
taugakerfi
„Almennir iðnaðarmenn verða að fá
upplýsingar um þessa hættu. Myglan
getur vaxið í lungum og taugakerfi en
ég varð fyrir skemmdum á lungna-
berkjum og þind sem óvíst er að
gangi til baka,“ segir smiðurinn, sem
veiktist alvarlega í kjölfar þess að gró
hitasækinna myglusveppa komust
í lungu hans þar sem þau uxu og
döfnuðu.
Veikindi mannsins hafa stað-
ið yfir í 10 mánuði en upphaf þeirra
má rekja til þess að hann fékk það
verk efni að endurbæta ónýtt hús
sem heitavatn hafði runnið um í
smá tíma en það eru kjöraðstæður
fyrir sveppategundirnar súlufruggu
og svartfruggu. Sveppategundirnar
þekkjast vel í heitari löndum enda
þurfa þær 37–50 gráðu hita til að
vaxa. Slíkar aðstæður geta hins vegar
myndast þegar heitt vatn lekur eft-
irlitslaust um hús í nokkra sólar-
hringa og í raun má segja að Ísland
sé sér á báti varðandi þennan svepp
á norðurslóðum enda aðgengi að
rennandi heitu vatni gott hérlendis.
„Hefði gengið í burtu og neitað
að vinna“
„Áður en ég hófst handa hafði húsið
verið þurrkað í um tvö ár. Við feng-
um ekki rykgrímur við verkið, aðeins
var treyst á vélræna loftun. Núna veit
ég að það er ekki nóg að nota venju-
legar rykgrímur gegn myglugró því
hún er svo fíngerð að hún fer auð-
veldlega í gegnum þær. Það þarf sér-
stakar P95-grímur til að þær eigi að
gagnast. Það myndaðist mikið ryk
þegar ég var að saga niður spóna-
plötur og rífa niður milliveggi sem
sýktir voru af myglusveppnum. Ef
ég hefði haft hugmynd um hversu
hættulegar þessar aðstæður gætu
verið þá hefði ég gengið í burtu og
neitað að vinna,“ segir smiðurinn.
Hann var alheilbrigður áður en vinn-
an við húsið hófst. Drakk hvorki né
reykti og stundaði mikla útiveru í frí-
tíma sínum.
Litlir kögglar í lungunum
Fyrstu einkennin sem hann fann fyr-
ir var eins og rykkorn hefðu komist
í lungun. „Þetta voru hins vegar gró
myglusveppsins sem stækkkuðu síð-
an í lungunum þar til þau voru orðin
eins og litlir kögglar. Þá var ég farinn
að glíma við alvarlega öndunarerfð-
leika.“ Maðurinn fékk sterasprautur
við veikindunum sem hjálpuðu
honum að hósta upp einhverju af
óværunni í lungunum. Nokkrum
dögum seinna fór öndun hans hins
vegar aftur að daprast og þá greindist
hann með þindarlömun í sneið-
myndatöku. „Í dag er ég á steratöfl-
um sem hafa hjálpað mér mikið síð-
ustu mánuði þó að ég fái reglulega
hóstaköst.
Enn er óvíst hvort skemmdirnar á
lungaberkjunum og þindinni gangi
til baka,“ segir maðurinn. Það kem-
ur í ljós þann 18. ágúst hvort myglan
sé enn til staðar í lunganu en þá á að
framkvæma berkjuspeglun og taka
sýni til myglurannsókna. n
Myglusveppur óx og
dafnaði í lungum smiðs
n Hefur glímt við veikindi í 10 mánuði n Líklega óafturkræfur skaði á lungnaberkjum og þind
Björn Þorfinnsson
bjornth@dv.is
Myglusveppurinn Sýni sem barst Náttúrufræðistofnun reyndist vera Súlufrugga. „Í dag
er ég á steratöflum sem hafa hjálpað mér mikið,“ segir maðurinn.
Iðnaðarmaður
Maðurinn er smiður.
Mynd 123rf.coM
„Við fengum
ekki rykgrímur við
verkið, aðeins var treyst
á vélræna loftun