Dagblaðið Vísir - DV - 12.07.2016, Síða 28

Vikublað 12.–14. júlí 201620 Lífsstíll
B
íddu, deyr rómantíkin ekki
hjá öllum?“ spurði vinkona
mín þar sem við sátum í
grillboði hjá vinum sem
virðast svei mér þá bálskot-
in eftir áratuga samband og að auki
með fimm börn á grunn- og leik-
skólaaldri á heimilinu.
„Auðvitað er meiri háttar vinna
að halda rómantíkinni á lífi,“ sagði
vinur minn sem er búinn að vera
kvæntur í tíu ár. „Einu sinni rædd-
um við um hvað myndi gerast ef
við opnuðum sambandið. Sögðum
hvort öðru frá þeim sem við mynd-
um sofa hjá og því sem við myndum
vilja prófa. Við gerðum aldrei neitt
slíkt, en þetta skapaði stemningu
og æsing á milli okkar sem entist í
marga mánuði.“
Leiðirnar eru ýmsar og mismun-
andi aðferðir henta eflaust ólíkum
pörum. Hér eru níu leiðir lesendum
til innblásturs. Lifi rómantíkin! n
1 Farið saman í sturtu Þetta
er eitthvað sem fólk
gerir gjarnan í
tilhugalífinu … en svo
hættir það þessari
„vitleysu“ og fer aftur að
baða sig í einrúmi. Það
er einfaldlega svo miklu
skemmtilegra að baða
sig saman. Ef sturtan
rúmar ekki tvo, er að
minnsta kosti hægt að
plana baðtíma saman.
Vera dálítið allsber,
knúsast, þvo hvort öðru
með sápulöðri og
nudda. Líkamleg nánd
sem leiðir ekki endilega
til kynlífs er líka
mikilvæg.
2 Verið tillitssöm í svefnherberginu Nei, ég er ekki að tala um kynlífið, heldur svefninn. Góður nætursvefn er nefnilega forsenda þess að allt annað í
lífinu geti gengið vel. Ef þú hrýtur mikið er það skylda þín að gera eitthvað í því máli –
láta athuga hvort þú ert með kæfisvefn, eða kaupa eyrnatappa fyrir þann sem þú deilir
bóli með. Ef annar aðilinn vill sofa í kulda og hinn í hita, er mikilvægt að komast að
málamiðlun. Sama gildir um birtustig í herberginu. Verið sveigjanleg – sofið vel – elskið
meira!
3 Knúsist og kelið Kelerí, faðmlög og kossar sem leiða ekki til neins meira eru með því hollara sem pör geta tekið sér fyrir hendur. Snerting, sérstaklega
faðmlög sem vara 20 sekúndur eða lengur, auka framleiðslu hamingjuhormóna í
líkamanum. Þannig verðið þið bæði örlítið hamingjusamari eftir hvert faðmlag og
hamingjusamt fólk er miklu flinkara í samböndum.
4 Planið matartímana saman Matartímar eru stór hluti af lífi okkar. Sumir hafa reyndar grínast með að hjónaband sé ekki annað en tveir einstaklingar sem
senda á milli sín „hvað eigum við að hafa í matinn?“-spurningunni þar til annað þeirra
deyr. Reynið þá frekar að gera eitthvað skemmtilegt úr þessum hluta lífsins. Setjist
niður og planið vikuna, skiptið með ykkur verkum, eldið saman og umfram allt njótið!
5 Hlæið saman Þetta atriði ætti kannski að vera efst á listanum og feitletrað með hástöfum. Það er svo mikilvægt að hlæja saman – eiginlega það mikilvægt
að ef þið gerið það ekki ættuð þið að endurskoða sambandið hið snarasta.
6 Gefið hvort öðru pláss Þegar við verðum hluti af pari – biti í stærra púsluspili – er kannski aldrei mikilvægara að halda í sitt persónulega líf. Eitt af
því yndislegasta sem hægt er að gera fyrir makann er að leyfa honum að vera einn
heima. Já, bara heima, án þess að neinar kvaðir fylgi því. Reglulegar fjarvistir beggja
aðila eru líka mikilvægar – þegar maður saknar verður svo gott að hittast aftur!
7 Rífist Já! Það er svo miklu betra að ná gremju út í loftið í stað þess að byrgja hana inni. Það er líka fullkomlega eðlilegt að fólk rífist endrum og sinnum, þó að
ástin sé heit og vináttan djúp. Rífist á réttlátan hátt og ekki nota það sem sagt er í hita
leiksins gegn hvort öðru síðar.
8 Stundið mikið kynlíf Saman og hvort í sínu lagi. Sjálfsfróun er nefnilega kynlíf líka – og ef þið eruð í opnu sambandi er um að gera að stunda kynlíf með
öðru fólki. Verið ævintýragjörn og opin fyrir nýjum hugmyndum hvort frá öðru.
9 Farið á stefnumót Skipuleggið samverustundir þar sem krakkar eru settir í pössun og öll verkefni hversdagsins á pásu. Það þarf ekki að vera dýrt eða flókið.
Ísbíltúr eða gönguferð getur alveg verið rómantísk.
Huggulegt í haganum
Snjólaug og Margeir kela
í haganum þó að hartnær
hálf öld sé liðin frá fyrsta
kossinum. Mynd www.123rf.coM
Sumargjöfin í ár!
fæst í scootlife ísland, Rofabæ 9, 110 Rvk
Þráðlausu Touch heyrnartólin eru seld í Scootlife Ísland.
Hægt að tengja við síma, ipad og öll bluetooth tæki.
Einnig er hægt að svara í símann með þeim.
Rífist, knúsist, hlæið og gefið hvort öðru pláss
Níu leiðir til að
halda í rómantíkina Komdu að kela! Eftir fimm ár í sambandi eru Jarþrúður og Jóna duglegar að gefa sér tíma til að kela.
ragnheiður Eiríksdóttir
ragga@dv.is