Dagblaðið Vísir - DV - 26.08.2016, Blaðsíða 11
Helgarblað 26.–29. ágúst 2016 Fréttir 11
Fylgist með okkur á Facebook.com/Lyfsalinn
Uppakomur • Leikir • Tilboð
Sjálfstætt starfandi
apótek í Glæsibæ
Okkar markmið er að veita þér og þínum framúrskarandi þjónustu og ráðgjöf
Fylgist með okkur á Facebook.com/Lyfsalinn
Uppakomur • Leikir • Tilboð
Opnunartími: Virka daga 8.30-18
Laugardaga 10.00-14.00
Níu ísleNdiNgar í haldi í erleNdum faNgelsum
n Flestir í haldi vegna smygls á fíkniefnum n Íslenskir fangar sitja inni í Banda- ríkjunum, Brasilíu, Ástralíu, Þýskalandi, Spáni og Noregi
Staður: Ríó de Janeiro
Land: Brasilía
Nafn: Sverrir Þór Gunnarsson
Lengd dóms: 22 ára fangelsi
n Hinn 2. júlí 2012 var hinn fertugi Sverrir
Þór Gunnarsson, betur þekktur sem
Sveddi tönn, handtekinn á kaffihúsi í
Ipanema-hverfi Ríó de Janeiro ásamt
brasilískum félaga sínum. Það var eftir
ábendingu 26 ára gamallar brasilískrar
konu sem handtekin var með 46 þúsund
e-töflur á Tom Jobim-flugvellinum í
brasilísku borginni. Hún var að koma til
landsins frá Lissabon í Portúgal. Um var
að ræða mesta magn slíkra eiturlyfja
sem lögreglan hafði lagt hald á á um-
ræddum flugvelli.
Burðardýrið ætlaði að hitta Sverri
Þór og félaga hans, sem reyndist vera
kærasti hennar, á kaffihúsinu og afhenda
þeim fenginn. Þess í stað fór lögreglan til
móts við tvímenningana og handtók þá.
Við handtökuna reyndi Sverrir Þór að
villa á sér heimildir með því að segjast
vera annar íslenskur maður en allt kom
fyrir ekki. Við leit á hótelherbergi hans
fannst hass sem lögreglan taldi að
Sverrir Þór hefði smyglað inn í landið í
sama flugi frá Portúgal og burðardýrið. Í
lok nóvember 2012 var Sverrir dæmdur í
22 ára fangelsi vegna málsins.
Sverrir Þór á langan afbrotaferil að
baki og meðal annars var hann einn af
höfuðpaurunum í Stóra fíkniefnamálinu.
Hann var dæmdur í 7 og hálfs árs fangelsi
vegna málsins í febrúar 2001 og gerðar
voru upptækar rúmar 20 milljónir í hans
vörslu.
Beið eftir 46 þúsund
e-töflum frá Portúgal
Staður: Melbourne
Land: Ástralía
Nafn: Siguringi Hólmgrímsson
Lengd dóms: Sjö ára fangelsi
n Hinn 29. maí 2015 var Siguringi
Hólmgrímsson, þá 26 ára gamall,
dæmdur í sjö ára fangelsi í Melbourne
fyrir smygl á fíkniefnum. Tæpum
tveimur árum fyrr, þann 20. ágúst
2013, var hann handtekinn ásamt
félaga sínum og fundust 1,2 kíló af
hreinu kókaíni í tösku Siguringa en
tæpt eitt kíló í tösku félaga hans.
Siguringi játaði sekt sína en hann
samþykkti að smygla fíkniefnunum
til að gera upp fíkniefnaskuld upp
á 2,2 milljónir hérlendis. Hann gaf
eiðsvarna yfirlýsingu um að félagi
hans hafi ekki vitað af fíkniefnunum
í tösku sinni. Siguringi hafði boðið
manninum í ókeypis frí til Ástralíu og
lagt til ferðatösku þar sem efnin voru
falin. Dómari í málinu sagði Siguringa
„grimman og hjartalausan“ fyrir að
hafa komið svona fram við félaga sinn
sem sat saklaus í gæsluvarðhaldi í
567 daga.
Siguringi þarf að lágmarki að sitja
inni í fimm ár að frádregnum þeim
647 dögum sem hann hafði setið í
gæsluvarðhaldi vegna málsins. Því
má gera ráð fyrir að Siguringi losni úr
haldi haustið 2018.
Kom saklausum félaga
sínum í gæsluvarðhald
Staður: Stavanger
Land: Noregur
Nafn: Kaj Anton Arnarson
Lengd dóms: 2 ára og 2 mánaða fangelsi
n Hinn 13. júní síðastliðinn var Kaj Anton dæmdur
í 28 mánaða fangelsi fyrir að hafa misþyrmt
tveggja ára dreng hrottalega. Árásirnar áttu sér
stað um tveggja daga skeið í október á síðasta
ári. Áverkar drengsins líktust helst því að hann
hefði lent í bílslysi. Hann var tvíhandleggs-
brotinn, með heilahristing og áverka um allan
líkamann.
Kaj Anton hafði nýlega endurnýjað kynni
sín við móður drengsins og var gestkomandi á
heimili mæðginanna í Stavanger. Móðir drengsins
hafði nýverið fengið vinnu í bænum og bauðst
Kaj Anton til þess að gæta drengsins heima við. Það traust misnotaði hann gróflega. Kaj Anton
afplánar dóminn í sérstöku fangelsi fyrir barnaníðinga.
Beitti tveggja ára gamlan
dreng hrottalegu ofbeldi
Staður: Valle
Land: Noregur
Nafn: Ámundi Reyr Jóhannsson
Lengd dóms: Ellefu ára fangelsi
n Hinn 4. júlí 2014 var Ámundi, 42 ára, dæmdur í
11 ára fangelsi fyrir morðið á norska útvarps-
manninum Helge Dahle. Voðaverkið átti sér
stað í einkasamkvæmi í Valle í Noregi að morgni
26. maí 2013.
Í umfjöllun norska blaðsins VG var haft eftir
sjónarvotti að Ámundi hefði drukkið ótæpilega
um kvöldið. Um nóttina hafi hann svo í ölæði
lýst því yfir að félagi hans, sem var með honum
í samkvæminu, hefði níu líf. Í kjölfarið tók hann
upp hníf og gerði sig líklegan til að sanna orð sín.
Helge reyndi að stöðva Ámunda, að sögn
sjónarvottsins, með þeim afleiðingum að hann
var stunginn þrisvar sinnum í bakið og einu sinni
í kviðinn. Héraðsdómari taldi það ljóst að Helge
Dahle, sem var dáður útvarpsmaður, hafi dáið
hetjudauða í tilraun til að bjarga hinum óþekkta
veislugesti.
Ámundi var handtekinn á vettvangi
glæpsins og var í kjölfarið dæmdur í fjögurra
vikna gæsluvarðhald. Honum var gert að greiða
aðstandendum Helge um ellefu milljónir króna
í miskabætur.
Myrti norskan útvarpsmann