Dagblaðið Vísir - DV - 26.08.2016, Blaðsíða 28

Helgarblað 26.–29. ágúst 201628 Skrýtið Sakamál
n Sadie fékk draumaprins Söruh n Hið fullkomna morð mundi leysa málið
S
arah Williams heitir 35 ára
kona frá borginni Chest-
er í norðvesturhluta Eng-
lands. Sarah var hjákona 75
ára „sykurpabba“, Davids
Hardwick. Hvað sem því fyrirkomu-
lagi leið þá segir sagan að Sarah hafi
kolfallið fyrir Ian Johnston, fyrrver-
andi slökkviliðsmanni sem hún hitti
í Chill Factore, innanhússskíða-
brekku í Manchester árið 2012.
Samband Söruh og Ians varð
skammlíft og Ian batt enda á það
eftir að Sarah varð „eigingjörn á
hann og erfið“ en hún hélt þó áfram
í „óraunhæfa von um draumalíf
með hinum fullkomna manni“.
Morð skipulagt
Ian kynntist Sadie nokkurri Hartley,
þau rugluðu saman reytum og hófu
sambúð í Helmshore í Lancashire.
En Söruh hugnaðist ekki að vita af
Ian í örmum annarrar konu. Hún
greip til þess ráðs að hafa samband
við vinkonu sína, Katrinu Walsh, 56
ára reiðkennara, og þær ákváðu að
fremja „hið fullkomna morð“.
Í 18 mánuði lögðu þær á ráðin og
Katrina skráði öll smáatriði í dagbók
sína; Sadie skyldi fyrirkomið í anda
„þess sem gerist í njósnasögum“.
Rafbyssan notuð
Stöllurnar gerðu sér ferð til Þýska-
lands í desember 2015 og keyptu
rafbyssu og í janúar 2016 setti
Katrina blóm við útidyrnar á heim-
ili Sadie og Ians. Var verknaðurinn
hugsaður sem einhvers konar fyrir-
boði þess sem koma skyldi. Þann 14.
janúar, daginn eftir að dóttir Sadie
trúlofaðist, var dyrabjöllunni heima
hjá henni hringt og hún fór til dyra.
Fyrir utan stóðu Sarah og Katrina
og biðu ekki boðanna. Sadie var
lömuð með rafbyssu og síðan stakk
Sarah hana og skar með hníf, oftar
en 40 sinnum. Sadie var síðan skil-
in eftir í blóði sínu í anddyrinu. Síð-
ar fannst gaddur úr rafbyssu á kraga
blússu hennar.
Kynferðisleg skilaboð
En, eins og síðar kom í ljós, fór því
fjarri að um „fullkomið morð“ væri
að ræða og Sarah og Katrina þurftu
að svara til saka fyrir dómstólum.
Auk þess sem að framan hefur
verið reifað kom ýmislegt upp úr
kafinu við réttarhöldin. Ian John-
ston hafði verið á skíðaferðalagi
þegar Sadie var myrt, en hann var
ekki allur þar sem hann og Sarah
höfðu sent hvort öðru kynferðis-
leg skilaboð og myndir allar götur
frá því að upp úr slitnaði hjá þeim –
nánast allt til þess dags er Sarah lét
til skarar skríða gegn Sadie.
Sveifst einskis Engu að síður
þvertók Ian fyrir að hafa kynt undir
tilfinningum Söruh og sagði við rétt-
arhöldin að þeirra samband hefði
einungis snúist um kynlíf. Í ljósi
orða Katrinu Walsh þarf þó enginn
að fara í grafgötur um hugmynd-
ir Söruh hvað samband hennar og
Ians áhrærði: Sarah sveifst einskis
til að vera með Ian, hún setti meira
að segja GPS-sendi á bifreið hans til
að fylgjast með ferðum hans.
Myrtu „sér til ánægju“ Dóm-
ur lá fyrir 17. ágúst og var dómar-
inn ómyrkur í máli þegar þar var
komið sögu. Sagði hann að Sarah
og Katrina hefðu myrt Sadie „sér til
ánægju“: Sarah Williams, í eitt og
hálft ár úthugsaðir þú morð á konu
sem hafði það eitt sér til sakar unnið
að elska manninn sem þú girntist.
En við skulum taka af allan vafa;
þetta var ekki ástríðuglæpur.
Þetta var glæpur hroka, villi-
mennsku en fyrst og fremst hrein
illska. Og á þessu 18 mánaða
tímabili skipulagningar fannstu í
Katrinu Walsh hvort tveggja félaga
í andanum og viljugan samverka-
mann.“
Það tók kviðdóm sjö klukku-
stundir og níu mínútur að komast
að niðurstöðu. Þegar upp var staðið
fékk Sarah Williams dóm upp á 30 ár
hið minnsta og Katrina Walsh upp á
25 ár hið minnsta. n
Þrjár konur – eitt morð
Heltekin Sarah Williams vildi ekki missa
draumaprinsinn.
Reiðkennari Katrina Walsh var Söruh
innanhandar.
„Hún setti meira að
segja GPS-sendi á
bifreið hans til að fylgjast
með ferðum hans.
Elskaði Ian
Sadie Hartley
skyldi rutt úr
vegi.
Komdu
þér í form
Glæsibæ • www.sportlif.is
Stacker 4
Sterkustu
brennslutöflur
í Evrópu