Dagblaðið Vísir - DV - 29.11.2016, Síða 6

Vikublað 29. nóvember–1. desember 20166 Fréttir
Verum þjóðleg
til hátíðabrigða
Frakkastíg 10 | Sími 551 3160 | gullkistan@vortex.is | www.thjodbuningasilfur.is
Kvika og
Virðing í
eina sæng
Hafa undirritað viljayfirlýsingu
S
tjórnir Kviku banka hf. og
Virðingar hf. hafa undirritað
viljayfirlýsingu um undirbún-
ing samruna félaganna undir
nafni Kviku. Í aðdraganda samein-
ingar verður eigið fé Kviku lækkað
um 600 milljónir króna og lækkunin
greidd til hluthafa bankans. Hluthaf-
ar Kviku munu eftir samruna eiga 70
prósenta hlut í sameinuðu félagi og
hluthafar Virðingar 30 prósent.
„Sameinað félag yrði einn stærsti
aðili í eignastýringu á Íslandi með
um 220 milljarða króna í stýringu og
fjölda sjóða í rekstri s.s. verðbréfa-
sjóði, fjárfestingasjóði, framtakssjóði,
fasteignasjóði, veðskuldabréfasjóði
og ýmsa fagfjárfestasjóði. Auk þess
myndi sameinað félag ráða yfir öflug-
um markaðsviðskiptum, fyrirtækja-
ráðgjöf, sérhæfðri lánastarfsemi og
einkabankaþjónustu. Á næstu vikum
verður unnið að samkomulagi um
helstu skilmála fyrir samrunanum,
þ.m.t. um forsendur, gerð áreiðan-
leikakannana, endanlega samnings-
gerð og aðgerðar- og tímaáætlun. Ef
sameining félaganna nær fram að
ganga er stefnt að því að hún taki gildi
um mitt næsta ár,“ segir í tilkynningu
um samrunann. n
ritstjorn@dv.is
Sameinast undir nafni Kviku Á
næstu vikum verður unnið að samkomu-
lagi um helstu skilmála fyrir
samrunanum.
Keyptu aflandskrónur á
lægra gengi rétt fyrir útboð
Vogunarsjóðir áttu viðskipti á genginu 195 krónur gegn evru nokkrum vikum fyrir aflandskrónuútboð
E
igendur aflandskróna áttu
viðskipti með slíkar krónu-
eignir á lægra gengi en 190
krónur fyrir hverja evru að-
eins nokkrum vikum áður
en Seðlabanki Íslands hélt sérstakt
gjaldeyrisútboð þar sem stór hluti
aflandskrónueigenda féllst ekki
á að losa um eignir sínar fyrir er-
lendan gjaldeyri á því gengi. Íslensk
stjórnvöld vöktu athygli á þessu í
athugasemdum sínum til Eftirlits-
stofnunar EFTA (ESA) síðastliðið
sumar í kjölfar kvartana sem bárust
frá tveimur stórum aflandskrónu-
eigendum – vogunarsjóðnum
Autonomy Capital og sjóðastýr-
ingarfyrirtækinu Eaton Vance – um
að aðgerðir stjórnvalda um að losa
fjármagnshöft hafi falið í sér ólög-
mæta eignaupptöku og brot á jafn-
ræðisreglu stjórnarskrárinnar. Í til-
kynningu sem ESA sendi frá sér í
síðustu viku kom fram að ESA tæki
ekki undir kvörtun aflandskrónu-
eigenda. Aðgerðir íslenskra yfir-
valda hefðu verið í samræmi við
skuldbindingar Íslands gagnvart
EES-samningnum.
Þegar úrskurður ESA er lesinn
í heild sinni kemur í ljós að stofn-
unin tekur ekki undir neinar af
athugasemdum sjóðanna. Þannig
segir í úrskurðinum að þeir hafi
ekki lagt fram nein gögn sem sýni
fram á að íslensk stjórnvöld hafi
með gjaldeyrisútboði Seðlabank-
ans þvingað erlenda aðila sem áttu
aflandskrónur til að samþykkja
„óeðlilegan afslátt“ af krónueignum
sínum. Þvert á móti, eins og stjórn-
völd nefna í bréfi sínu til ESA, sé
ástæða til að benda sérstaklega á í
því samhengi að vísbendingar séu
um viðskipti með aflandskrónur á
lægra gengi en 190 krónum gagn-
vart evru nokkrum vikum fyrir út-
boð Seðlabankans. Samkvæmt
heimildum DV áttu þau viðskipti
sér stað á genginu 195 krónur fyrir
hverja evru og var það vogunarsjóð-
urinn Autonomy Capital sem stóð
að baki kaupunum.
Autonomy tregastur í taumi
Sami sjóður var hins vegar á meðal
þeirra aflandskrónueigenda sem
tóku ekki þátt í útboði Seðlabank-
ans 16. júní síðastliðinn, eða skil-
uðu inn tilboðum sem bankinn
féllst ekki á, og þurfa þess í stað
að lúta því enda fastir með fé sitt
á vaxtalausum reikningum um
ófyrir séðan tíma. Í þessum hópi eru
langsamlega umsvifamestir, með
aflandskrónur upp á um 150 millj-
arða, vogunarsjóðirnir Autonomy
Capital og Discovery Capital
ásamt sjóðastýringarfyrirtækjun-
um Loomis Sayles og Eaton Vance.
Á fundum sem sjóðirnir áttu með
fulltrúum íslenskra stjórnvalda í að-
draganda aflandskrónuútboðsins,
eins og greint var frá í DV 8. júlí síð-
astliðinn, kom fram að þeir vildu
ekki losna út fyrir höft með eignir
sínar í skiptum fyrir gjaldeyri á
gengi sem væri óhagstæðara en 165
krónur fyrir hverja evru. Slík niður-
staða hefði þýtt útboðsgengi sem
væri um 15 prósentum lægra en þá-
verandi skráð gengi krónunnar.
Vogunarsjóðurinn Discovery
Capital var sá eini sem skilaði inn
tilboðum í nýafstöðnu gjaldeyr-
isútboði, sem voru samþykkt af
Seðlabankanum, og minnkaði
um 17 milljarða aflandskrónu-
eign sjóðsins við það um helm-
ing. Af fjárfestingarsjóðunum fjór-
um er Discovery Capital minnsti
aflandskrónueigandinn – sjóður-
inn var á sínum tíma langsamlega
stærstur – en hinir sjóðirnir eiga
hver um sig aflandskrónur að fjár-
hæð 30 til 40 milljarða. Í opinberum
fjárhagsupplýsingum frá Loomis
Sayles og Eaton Vance má sjá að
sjóðirnir bókfæra þær eignir hjá sér
á annars vegar 220 krónur gagnvart
evru og hins vegar 195 krónur fyrir
hverja evru. Að stórum hluta keyptu
sjóðirnir þessar aflandskrónur á
sínum tíma á genginu 270 til 300
krónur fyrir hverja evru.
Í kjölfar útboðs Seðlabankans
áttu fulltrúar stjórnvalda og helstu
eigendur aflandskróna í óformleg-
um samskiptum til að kanna hvort
grundvöllur væri fyrir samkomu-
lag um að leysa út eignir þeirra
sem væri ásættanlegt fyrir báða að-
ila. Þær tilraunir báru aftur á móti
engan árangur ekki frekar en þegar
Bandaríkjamaðurinn Rob Citrone,
stofnandi og forstjóri Discovery
Capital, reyndi að fá alla sjóðina til
ná sameiginlegu samkomulagi við
íslensk stjórnvöld. Sá fjárfestingar-
sjóður sem reyndist langsam-
lega tregastur í taumi gagnvart
stjórnvöldum er Autonomy Capi-
tal, sem er samtals með eignir
upp á um fimm milljarða Banda-
ríkjadala í stýringu, en sá sem fer
fyrir sjóðnum er Robert Gibbins.
Aflandskrónueign sjóðsins nemur
um 35 milljörðum og eru eignirnar
nánast að öllu leyti í ríkisskulda-
bréfum sem eru á gjalddaga á þessu
ári og því næsta.
Hafa talsvert svigrúm
Í fyrrnefndri tilkynningu sem ESA
sendi frá sér í liðinni viku var bent
á að standi EES-ríki frammi fyrir
greiðslujöfnunarvanda eða alvarleg
hætta sé á að örðugleikar skapist þá
hafi stjórnvöld og löggjafinn, sam-
kvæmt því sem EES-samningur-
inn heimilar, talsvert svigrúm til að
grípa til verndarráðstafana. „ESA
telur meðferð íslenskra stjórnvalda
á aflandskrónum til ráðstafana
sem samræmast EES-samningn-
um. Markmið laganna er að skapa
grundvöll fyrir frjálst flæði íslensku
krónunnar, sem á endanum mun
gera Íslandi kleift að taka á ný fullan
þátt í frjálsum fjármagnsflutning-
um,“ var haft eftir Frank J. Büchel,
sem fer með málefni fjármálamark-
aða í stjórn ESA, í tilkynningu. n
Hörður Ægisson
hordur@dv.is
Aflandskrónufrumvarp Stjórnvöld bentu ESA á að sjóðirnir áttu viðskipti með aflandskrónur á lægra gengi en 190 krónum fyrir hverja
evru rétt fyrir útboð Seðlabankans. Mynd Sigtryggur Ari
Stofnandi Autonomy Robert Gibbins.