Dagblaðið Vísir - DV - 29.11.2016, Síða 16

Vikublað 29. nóvember–1. desember 201616 Fréttir
Eldbakaðar pizzur
hafnargata 36a, kEflavík / nálægt flugstöðinni
salur
fyrir
hópa
sími 557 1007
hamborgarar,
salöt, pasta,
kjúklingavængir
og flEira
Einu eggin á neytendamarkaði
með löggilda vottun
Lífrænu hænurnar
hjá Nesbúeggjum
• Fá lífrænt fóður
• Fá mikið pláss
• Njóta útiveru
nesbu.is
NESBÚ
EGG
Kanna opnun neyðar-
brautar í KeflavíK
n Kostar að lágmarki 280 milljónir n nýrrar ríkisstjórnar að ákveða framhaldið
t
il skoðunar er hvort
nauðsynlegt sé að opna
svokallaða neyðarbraut á
Keflavíkurflugvelli í stað
þeirrar sem lokað var á
Reykjavíkurflugvelli í byrjun júlí síð-
astliðins. Kostnaður við opnun slíkr-
ar brautar væri að lágmarki 280 millj-
ónir en gæti orðið mun hærri.
Hluti af samkomulagi
Hanna Birna Kristjánsdóttir, þá-
verandi innanríkisráðherra, og Jón
Gnarr, þáverandi borgarstjóri, undir-
rituðu í október 2013 samþykkt
þess efnis að ljúka skyldi vinnu við
deiliskipulag Reykjavíkurflugvallar
og að því loknu skyldi tilkynna um
lokun flugbrautar 06/24, svokallaðrar
neyðarbrautar. Á fundi innanríkis-
ráðherra og borgarstjóra 11. júlí 2014
var lokun brautarinnar meðal annars
til umræðu. Í fundargerð fundar-
ins segir: „Samkvæmt samkomulagi
ríkis og borgar liggur fyrir að NA-SV-
braut verði lokað. Innanríkisráðherra
staðfesti að það samkomulag hvað
það varðar standi. Verið er að ljúka
áhættumati til að meta hvort opna
þurfi samsvarandi braut í Keflavík.
Tímaáætlun áhættumatsins er um 6
vikur eða til 22. ágúst.“
Lokun neyðarbrautarinnar dróst
þó eftir þetta, svo mjög Reykjavíkur-
borg höfðaði mál á hendur ríkinu til
að fá fá henni lokað. Héraðsdómur
féllst á það með borginni og stað-
festi Hæstiréttur þann dóm í júní á
þessu ári. Brautinni var síðan lokað
í byrjun júlí.
Lokun brautarinnar á Reykja-
víkurflugvelli gagnrýnd
Lokun brautarinnar vakti mikla
úlfúð, einkum á landsbyggðinni. Þá
hafa flugmenn Mýflugs, sem sinnir
sjúkraflugi, gagnrýnt hana harðlega.
Í frétt DV 23. nóvember síðastliðinn
var greint frá því að Þorkell Ásgeir Jó-
hannsson, flugstjóri hjá Mýflugi, hafi
í pistli á Facebook lýst því að hann
hafi fyrir skemmstu þurft að lenda
sjúkraflugvél við getumörk sjúkra-
flugvélarinnar „í hámarks hliðar-
vindi og á blautri braut að auki. Mun
öruggara hefði verið að lenda á braut
24 (neyðarbrautinni) en hún er lok-
uð. Á um það bil 3ja til 4ra klukku-
stunda bili í gærkvöldi var ófært á
öllu suðvesturhorni landsins, þar
sem hliðarvindur var langt út fyrir
mörk á öllum flugbrautum í Reykja-
vík og Keflavík, nema á neyðarbraut-
inni, sem er lokuð.“
Lokað vegna lítillar notkunar
Isavia, rekstraraðili Keflavíkurflug-
vallar, lét vinna minnisblað um
kostnað við opnun neyðarbraut-
ar á Keflavíkurflugvelli og er minn-
isblaðið dagsett 29. september
síðastliðinn. Slík braut, nefnd flug-
braut 07/25 er til staðar á vellinum
en var lokað árið 1994 af banda-
ríska hernum. Ástæða lokunarinnar
var fyrst og fremst afar lítil notkun,
var hún nýtt í innan við einu pró-
senti tilvika lendinga og flugtaka.
Yrði neyðarbraut opnuð á ný á
Keflavíkurflugvelli yrði það á grunni
þeirrar flugbrautar.
Í minnisblaðinu kemur fram að
ástand brautarinnar í dag sé slíkt
að ekki sé hægt að opna hana fyrir
notkun. Til þess þyrfti að fara í fram-
kvæmdir og eru í minnisblaðinu
drepið á þrenns konar útfærslu til
þess. Sú kostnaðarminnsta felur í
sér að sett verði upp brautarljós og
brautin lögð með flotbiki. Áætlaður
kostnaður við það nemur 280 millj-
ónum króna. Hinar tillögurnar fela
annars vegar í sér að brautin verði
malbikuð og hins vegar að hún verði
lengd og malbikuð. Kostnaður við
þær framkvæmdir nemur á bilinu 1
til 1,4 milljarðar króna. Brautin gæti
aðeins þjónustað litlar flugvélar en
myndi ekki geta borið millilandaflug.
Samkvæmt upplýsingum frá Isavia
er afar sjaldgæft að flugvélar þurfi
frá að hverfa vegna veðurskilyrða á
Keflavíkurflugvelli. „Ekki er vitað til
dæmis um vél sem hefur þurft frá
að hverfa en hefði getað lent á braut
07/25 hefði hún verið til staðar,“ seg-
ir í svari frá Isavia við fyrir spurn DV.
Ákvörðun um framhald málsins
liggur hjá innanríkisráðuneytinu.
Samkvæmt upplýsingum þaðan
hefur ekkert verið ákveðið og ljóst
að það bíður nýrrar ríkisstjórnar að
ákveða framhaldið, hvort eitthvað
verður gert og þá hvað. Ekki hefur
verið gert ráð fyrir fjármunum í ver-
kefnið eins og mál standa núna. n
Freyr Rögnvaldsson
freyr@dv.is
Umdeild lokun Neyðarbrautinni á Reykjavíkurflugvelli var lokað í júlí síðastliðnum.