Dagblaðið Vísir - DV - 29.11.2016, Qupperneq 42
Vikublað 29. nóvember–1. desember 201634 Lífsstíll
Skráðu þig í Bed&Breakfast klúbbinn
okkar og fáðu betri kjör
s: 426 5000 — booking@bbkefairport.is — bbkeflavik.com
Ertu á leið í flug?
Við geymum bílinn frítt,
keyrum þig á flugvöllinn og
sækjum þig við heimkomu
Systur gefa hugmynd að
fallegum aðventukransi
n Gamaldags skreyting með rómantísku ívafi n Katla og María ákváðu að láta gott af sér leiða og gefa hönnunina
Á
dögunum létu systurnar
Katla og María Krista
Hreiðarsdætur, sem eru
eigendur verslunarinnar
Systur & Makar, mynd af fal-
legum aðventukransi í Facebook-
hópinn Skreytum hús. Aðrir notend-
ur voru fljótir að taka við og „lækin“
og ummælin hrönnuðust inn.
Það er hægt að útfæra aðferðina
á margan hátt. Til dæmis með því að
líma ysta lagið á fallegri servíettu á
kerti eða prenta út fallegar myndir.
Til dæmis hefur verið vinsælt
að líma mynd af barnabörnunum
og gefa ömmu og afa í jólagjöf.
Það sem skiptir mestu máli, þegar
kertaskreytingar eru gerðar úr papp-
ír er að hann sé örlítið þykkari en
hefðbundinn prentpappír. Áferðin
er sömuleiðis önnur. Kertapappír-
inn fæst í bóka- og föndurbúðum og
er til í nokkrum litatónum.
Ákváðu að gefa hönnunina
Systurnar, sem eru báðar hönnuðir,
ákváðu að gefa öllum þeim sem vildu
pdf-skjöl með áletrun og myndum til
að líma á kerti. Það gerðu þær til að
flestir ættu þess kost að útbúa sinn
eigin aðventukrans, en fyrsti í að-
ventu var síðastliðinn sunnudag.
„Ég hef selt aðventukertin síðustu
árin en nú langaði mig að bjóða við-
skiptavinum okkar þau frítt svona
í anda jólanna,“ segir María Krista
sem hannaði kertin.
Kveikjan að hönnuninni var að
Maríu langaði í gamaldags skreytingu
með rómantísku ívafi. Þá ákvað hún
að bæta nöfnunum á kertunum við
með það fyrir augum að fræða fólk
um söguna á bak við aðventukrans-
inn, ekki síst börnin sem bíða spennt
eftir því að hátíðin gangi í garð.
Einfalt og sniðugt
„Það fást allar græjur í verkefnið í
föndurbúðum. Kertalímið er fljót-
andi og því gott að bera það á t.d.
með lítilli svampmálningarrúllu.
Ég skreytti mín kerti í ár aukalega
með örlitlu af hvítu glimmer og það
kom mjög vel út.“
María hefur gert sinn aðventu-
krans með þessum hætti undan-
farin þrjú ár. Hún hefur ýmist rað-
að kertunum upp á langan bakka,
kökustand eða glerdiska og skreyt-
ir á mismunandi hátt hverju sinni.
„Það þarf þó alltaf að passa vel
upp á svona heimatilbúin kerti
því það geta orðið slys ef þau fá að
loga of lengi í einu. Ég mæli með að
settur sé skrautsandur ofan í kertið
þegar það er um það bil hálfnað og
lauma einu sprittkerti ofan í hólk-
inn sem myndast eftir að kertið hef-
ur brunnið niður.“
Fyrir áhugasama er hægt að
finna skjölin í netútgáfu þessarar
greinar á dv.is
Taktu þátt í aðventuleik
Maríu Kristu og Kötlu þætti mjög
gaman að fylgjast með og sjá af-
raksturinn af aðventukransa-
gerðinni. Því biðja þær fólk um að
taka mynd af herlegheitunum og
merkja myndina #systurogmakar og
#systurogmakaradventa
„Við munum velja úr einn hepp-
inn þátttakanda og hann fær að
launum 20.000 króna gjafabréf í
verslun Systra & Maka.“ Skilafrestur
rennur út á miðnætti á morgun, 30.
nóvember. n
Veist þú
hvað aðventu-
kransinn táknar?
Byggir á norðurevrópskri hefð
Aðventukransinn byggist á norður
evrópskri hefð. Hið sígræna greni
táknar lífið sem er í Kristi og hringurinn
táknar eilífðina. Fyrsta kertið nefnist
spádómskertið og minnir á fyrirheit spá
manna Gamla testamentisins er höfðu
sagt fyrir um komu frelsarans. Annað
kertið nefnist Betlehemskertið. Þar er
athyglinni beint að þorpinu sem Jesús
fæddist í, og þar sem ekkert rúm var fyrir
hann. Þriðja kertið nefnist hirðakertið en
snauðum og ómenntuðum fjárhirðum
voru sögð tíðindin góðu á undan öllum
öðrum. Fjórða kertið nefnist síðan
englakertið og minnir okkur á þá sem
báru mannheimi fregnirnar.
Aðventukransinn, sem talinn er vera
upprunninn í Þýskalandi á fyrri hluta 19.
aldar, barst til SuðurJótlands og varð
algengur í Danmörku eftir 1940. Frá
Danmörku barst þessi siður til Íslands.
Í fyrstu var aðventukransinn aðallega
notaður til að skreyta búðarglugga en
á milli 1960 og 1970 fór hann að tíðkast
á íslenskum heimilum og er nú orðinn
ómissandi hluti þessarar árstíðar.
Heimild: Vísindavefurinn
Kristín Clausen
kristin@dv.is