Fréttablaðið - 01.06.2017, Page 8

EVRÓPUmál Hver þingmaður
á Evrópuþinginu fær sem sam­
svarar um 483 þúsund íslenskum
krónum skattfrjálst á mánuði til að
halda skrifstofu í heimalandi sínu.
Hópur rannsóknarblaðamanna frá
Evrópusambandslöndunum hefur
nú sýnt fram á að margar þessara
heimaskrifstofa eru í rauninni
ekki til. Um sé að ræða svokallaðar
draugaskrifstofur.
Fénu á að verja til almennra
útgjalda eins og til dæmis sím­
reikninga, kostnaðar vegna tölvu­
búnaðar og síma auk annars sem
þingmenn á Evrópuþinginu þurfa í
daglegu starfi sínu, að því er greint
er frá í Sænska dagblaðinu.
Stór hópur þingmannanna, sem
eru 751 talsins, greiðir sínum eigin
stjórnmálaflokki peningana, sem er
klárt brot á reglunum, eða stingur
þeim í vasann. Í sumum tilfellum
voru heimilisföng skrifstofanna,
sem stjórnmálamennirnir gáfu upp
þegar rannsóknarblaðamennirnir
leituðu svara, ekki til.
Þingmenn á Evrópuþinginu hafa
sent féð sem á að fara til skrifstofu­
halds til eiginkvenna sinna, barna
og annarra ættingja í heimalöndum
sínum. Starfsmenn Evrópuþingsins,
sem ekki vilja koma fram undir
nafni, segja að margir þingmann­
anna líti á féð til skrifstofuhalds
sem bónusgreiðslu.
Marine Le Pen, fyrrverandi for­
setaframbjóðandi í Frakklandi, er
sökuð um að hafa styrkt flokk sinn,
National Front, með fénu.
Breski stjórnmálamaðurinn
Nigel Farage var nýlega sakaður
um að hafa stungið sem nemur um
2,3 milljónum íslenskra króna af
heimaskrifstofufénu í eigin vasa.
Hann svaraði, og það réttilega, að
honum væri ekki skylt að gera grein
fyrir útgjöldunum. Evrópuþingið
krefst ekki kvittana fyrir þeim.
Sumir sænskir þingmenn á Evr­
ópuþinginu kváðust aðspurðir hafa
notað fé til kaupa á kaffi og ávöxt­
um fyrir skrifstofuna, til ferða og
gistingar auk annars. Aðeins þing­
menn umhverfisflokksins hafa það
sem stefnu að framvísa kvittunum
og skila fé sem ekki hefur verið
notað.
Krafist hefur verið meira gagn­
sæis en þingmenn hafa verið and­
vígir því. Síðast nú í apríl höfnuðu
þingmenn því í atkvæðagreiðslu að
þeir gerðu grein fyrir útgjöldunum.
– ibs
Evrópuþingmenn stinga fé til skrifstofuhalds í eigin vasa
Nigel Farage, þingmaður á Evrópu-
þinginu, er sakaður um að hafa
stungið sem nemur 2,3 milljónum
króna í eigin vasa af fé sem átti að fara
til heimaskrifstofu. FRÉTTABLAÐIÐ/EPA
99 kr.stk.
Croissant, nýbakað
Ný-
baka
ð!
Ódýrt
Samfélag Þingsályktunartillaga
þess efnis að tryggja verði jafnræði
með foreldrum í skráningu hjá Þjóð­
skrá var samþykkt á Alþingi í gær.
Með henni er dómsmálaráðherra
falið að setja reglugerð þar sem
„afnumin verði sú mismunun sem
á sér stað gagnvart mæðrum í sam­
kynja hjúskap eða sambúð“.
Fréttablaðið greindi ítarlega frá
mismununinni í september 2015.
Þá kom fram að öllum lesbískum
mæðrum bæri skylda til að skila inn
vottorði til Þjóðskrár, þess efnis að
barn þeirra væri getið með gjafa­
sæði. Hið sama gilti ekki um gagn­
kynhneigð pör þar sem barn væri
getið með gjafasæði. Kona í sambúð
eða hjónabandi með konu, sem ól
barn, var ekki sjálfkrafa skráð móðir
barns ólíkt því sem tíðkaðist í gagn­
kynhneigðum hjónaböndum. Væri
barn getið með öðrum hætti en með
gjafasæði hjá heilbrigðisstofnun er
gerð krafa um að barn sé feðrað.
Þá sagði Margrét Hauksdóttir, for­
stjóri Þjóðskrár, að stofnunin vildi
gjarnan að reglunum væri breytt en
til þess þyrfti breytingu á barnalög­
um. Í greinargerð þingsályktunar­
tillögunnar segir að Þjóðskrá hafi
ekki sýnt neina tilburði til að breyta
verklagi sínu. Ekki verði fallist á þau
sjónarmið sem haldið hefur verið
fram af hálfu stofnunarinnar. – snæ
Ber að laga mismunun lesbía
bRUni Bátasmiðjan Seigur á Akureyri
brann til kaldra kola í fyrrinótt og er
tjónið líklega upp á hundruð millj­
óna króna. Húsnæðið, sem er um tvö
þúsund fermetrar að stærð, er ónýtt
ásamt öllu sem inni í því var.
Slökkviliði Akureyrar barst til­
kynning um eld í bátasmiðjunni
klukkan 00.39 aðfaranótt miðviku­
dagsins. Þegar ljóst var að um stór­
bruna var að ræða voru allar vaktir
ræstar hjá slökkviliðinu og fenginn
liðsauki frá slökkviliðinu á Akur­
eyrarflugvelli.
Aðeins sextán mínútur liðu frá
því fyrsta útkall barst þar til allar
aukavaktir voru komnar út úr húsi
til að ráða niðurlögum eldsins.
Að sögn Ólafs Stefánssonar,
slökkviliðsstjóra á Akureyri, tókst
vel að ná tökum á aðstæðum þótt
húsið hafi orðið alelda mjög fljótt.
Líkur benda því til þess að eldur hafi
logað í húsinu í töluverðan tíma
áður en hans varð vart.
„Við áttum í töluverðum erfið­
leikum þar sem þakið hafði fallið
niður og lokað leið okkar að eld­
inum sjálfum. Síðar um nóttina
fengum við krabbakló frá Hring­
rás sem gerði okkur auðveldara
um vik að rjúfa þakið og komast
að eldinum,“ segir Ólafur. „Þegar
mest lét voru 15 einstaklingar að
störfum frá okkur um nóttina auk
lögreglu sem lokaði svæðið af. Við
nýttum allan okkar bílaflota, þar
með talið gamla dælubíla, til að
eiga við þetta.“
Þetta er ekki í fyrsta skipti á árinu
sem eldur kemur upp í húsinu. Í
janúar kom einnig upp eldur á sama
stað. „Þá varð sjálfsíkveikja í tusku
sem olli nokkrum skemmdum á
húsinu.“
Bátasmiðjan Seigur hét áður báta­
smiðjan Seigla. Það fyrirtæki var
tekið til gjaldþrotaskipta síðastliðið
haust. Þrátt fyrir ítrekaðar tilraunir
blaðamanns náðist ekki í forsvars­
menn fyrirtækisins við vinnslu
fréttarinnar. sveinn@frettabladid.is
Stórbruni er bátasmiðja
brann til kaldra kola
Iðnaðarhúsnæði sem hýsti bátasmiðjuna Seig á Akureyri brann til grunna í
fyrrinótt. Fimmtán slökkviliðsmenn tóku þátt í slökkvistarfi. Tjónið er metið á
hundruð milljóna króna. Eldur kom einnig upp í húsinu í janúar síðastliðnum.
Dómsmálaráðherra er falið að breyta reglugerð svo að lesbískar mæður þurfi
ekki að ráðast í óþarfa skriffinnsku lengur. NoRDIcPhoTos/AFP
húsið er gjörónýtt eins þessi drónamynd sýnir. FRÉTTABLAÐIÐ/AuÐuNN
Við áttum í tölu-
verðum erfiðleikum
þar sem þakið hafði fallið
niður og lokað leið okkar að
eldinum sjálfum.
Ólafur Stefánsson,
slökkviliðsstjóri á Akureyri
Hópur rannsóknarblaða-
manna hefur sýnt fram á að
fé til skrifstofuhalds Evrópu-
þingmanna fer oftar en ekki í
eitthvað allt annað.
STJÓRNSTÖÐ FERÐAMÁLA
REKSTRARLEG AFKOMA
RÍKIS OG SVEITARFÉLAGA
AF FERÐAÞJÓNUSTU
Opinn kynningarfundur
Föstudaginn 2. júní 2017
Klukkan 13.00 – 15.00
Grand Hótel Reykjavík
Stjórnstöð ferðamála auglýsir opinn kynningarfund þar sem
niðurstöður greininga Deloitte á beinum tekjum og kostnaði ríkis
og sveitarfélaga af ferðaþjónustu verða kynntar.
Þá munu ráðgjafar Deloitte kynna aðferðafræði við að greina óbein
og afleidd áhrif atvinnugreina á ríki og sveitarfélög.
DAGSKRÁ
ÁVARP
Óskar Jósefsson, framkvæmdastjóri Stjórnstöðvar ferðamála
KYNNING Á NIÐURSTÖÐUM
Björn Ingi Victorsson og Lovísa Anna Finnbjörnsdóttir, Deloitte
ÓBEIN OG AFLEIDD ÁHRIF FERÐAÞJÓNUSTUNNAR MÆLD
Majbritt Skov, Deloitte
PALLBORÐSUMRÆÐUR
Skráning á fundinn fer fram á stjornstodin@stjornstodin.is
Stjórnstöð ferðamála
Fundurinn verður sendur út á netinu. Slóðin verður birt á vefsíðu
Stjórnstöðvar ferðamála www.stjornstodin.is áður en fundur hefst.
afganiStan Sprengjuárás sem
felldi að minnsta kosti níutíu í
Kabúl, höfuðborg Afganistans, var
merki um heigulshátt. Þetta sagði
Ashraf Ghani, forseti landsins, í
gær. Um fjögur hundruð særðust
í árásinni.
Engin samtök hafa lýst yfir
ábyrgð á árásinni og hafa talib­
anar þvertekið fyrir að hafa staðið
að henni. Nýverið hafa bæði talib­
anar og hryðjuverkasamtökin sem
kenna sig við íslamskt ríki gert
sprengjuárásir á borgina.
Flestir þeirra sem fórust í árás
gærdagsins voru afganskir ríkis­
borgarar en í ljósi staðsetningar
voru útlendingar einnig á meðal
fórnarlamba. Særðist til að mynda
fjöldi starfsfólks þýska sendiráðs­
ins. – þea
Segir árásina
heigulshátt
1 . j ú n í 2 0 1 7 f i m m t U D a g U R8 f R é t t i R ∙ f R é t t a b l a ð i ð
0
1
-0
6
-2
0
1
7

0
4
:3
3
F
B
0
7
2
s
_
P
0
6
5
K
.p
1
.p
d
f
F
B
0
7
2
s
_
P
0
6
0
K
.p
1
.p
d
f
F
B
0
7
2
s
_
P
0
0
8
K
.p
1
.p
d
f
F
B
0
7
2
s
_
P
0
1
3
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
C
F
C
-8
8
3
8
1
C
F
C
-8
6
F
C
1
C
F
C
-8
5
C
0
1
C
F
C
-8
4
8
4
2
7
5
X
4
0
0
.0
0
1
7
B

F
B
0
7
2
s
_
3
1
_
5
_
2
0
1
7
C
M
Y
K