Dagblaðið Vísir - DV - 17.02.2017, Blaðsíða 6

Helgarblað 17.–20. febrúar 20176 Fréttir
L
andsbankinn, sem er í 98,2%
eigu íslenska ríkisins, sér allri
framkvæmdastjórn sinni fyrir
bifreiðum sem teljast til bif­
reiðahlunninda samkvæmt
ákvæðum ráðningarsamnings. Laun
og hlunnindi framkvæmdastjórnar
Landsbankans, sem telur sex fram­
kvæmdastjóra auk bankastjóra,
námu 208 milljónum króna á síðasta
ári samkvæmt nýbirtum ársreikningi
bankans.
Þegar rýnt hefur verið í ársreikn­
inga Landsbankans undanfarin ár
hefur ávallt verið að finna undir út­
listun á launum og hlunnindum
lykil stjórnenda og bankaráðs neðan­
málsklásúlu um að hlunnindi séu
„ópeningaleg hlunnindi eins og
afnot bifreiða í eigu samstæðunn­
ar.“ DV óskaði því eftir upplýsingum
frá bankanum um hversu mörgum
lykil stjórnendum bankinn sæi fyr­
ir bifreiðum í þessu samhengi og
hvert fyrirkomulagið væri á þeim
afnotum.
Geta óskað eftir bifreið
Samkvæmt svari við fyrirspurn
DV sér bankinn áðurnefndum
starfsmönnum fyrir bifreiðum í sam­
ræmi við ákvæði í ráðningarsamn­
ingi við viðkomandi starfsmenn. Um
er að ræða full og ótakmörkuð um­
ráð starfsmanna á bifreiðunum.
„Í ráðningarsamningi er kveðið
á um heildarlaun, en þar segir að
starfsmenn geti farið fram á að bank­
inn sjái þeim fyrir bifreið. Geri þeir
það lækka laun þeirra sem nemur
tekjumati ríkisskattstjóra fyrir við­
komandi bifreið. Viðkomandi starfs­
menn greiða hlunnindaskatt sam­
kvæmt tekjumati ríkisskattstjóra.“
Bankinn greiðir rekstrar-
kostnaðinn
Samkvæmt upplýsingum frá Ríkis­
skattstjóra um það tekjumat skal við
ákvörðun á fjárhæð fullra bifreiða­
hlunninda miða við verð bifreiðar
og aldur. Bifreið sem keypt er 2014
eða síðar miðast þannig við 28% af
upphaflegu kaupverði bifreiðarinn­
ar samkvæmt eignaskrá bankans í
þessu tilfelli. Heimilt er að færa verð
bifreiðarinnar niður um 10% á ári
en mest þannig að viðmiðunarverð
til útreikning á bifreiðahlunnindum
verði aldrei lægra en 50% af kaup­
verði hennar. Sambærilegt á við um
bifreiðar keyptar 2013 eða fyrr. Sam­
kvæmt svari bankans er meðalaldur
bifreiðanna sem um ræðir um 6 ár.
Samkvæmt svari bankans við
fyrirspurn DV annast Landsbank­
inn rekstur bifreiðarinnar en sam­
kvæmt skilgreiningu Ríkisskatt­
stjóra felur rekstrarkostnaður í
sér eldsneytiskostnað, smurn­
ingu, þrif og þess háttar. Lykil­
stjórnendurnir sjö fá því allir
bíla til fullra og ótakmark­
aðra umráða samkvæmt
ráðningarsamningi auk
þess sem bankinn greiðir
allan rekstrarkostnað vegna
þeirra. Þess ber að geta að fyrir­
komulag sem þetta um bifreiða­
hlunnindi lykilstjórnenda er nokkuð
algengt hjá stærri fyrirtækjum.
Nýr bankastjóri tekur við í
næsta mánuði
Sem kunnugt er lét Steinþór Pálsson af
störfum sem bankastjóri Landsbank­
ans í lok nóvember. Hreiðar Bjarna­
son, framkvæmdastjóri fjármála, tók
þá tímabundið við starfinu, en í síð­
asta mánuði var tilkynnt um eftirmann
Steinþórs. Lilja Björk Einarsdóttir
mun hefja störf 15. mars næstkom­
andi. Auk Lilju Bjarkar og Hreiðars
skipa framkvæmdastjórn bankans
þau Árni Þór Þorbjörnsson, fram­
kvæmdastjóri fyrirtækja, Helgi Teitur
Helgason, framkvæmdastjóri einstak­
linga, Hrefna Ösp Sigurfinnsdóttir,
framkvæmdastjóri markaða, Perla
Ösp Ásgeirsdóttir, framkvæmdastjóri
áhættustýringar, og Ragnhildur Geirs­
dóttir, framkvæmdastjóri rekstrar og
upplýsingatækni. n
Sigurður Mikael Jónsson
mikael@dv.is
„… starfsmenn
geti farið fram á
að bankinn sjái þeim fyrir
bifreið.
Sjö lykilstjórnendur
á bílum frá bankanum
n Landsbankinn sér sex framkvæmdastjórum og bankastjóra fyrir bifreiðum
Lilja Björk
Einarsdóttir
Tekur við sem
bankastjóri
Landsbank-
ans 15. mars
næstkom-
andi.
Hreiðar Bjarnason
Framkvæmdastjóri
fjármála og starfandi
bankastjóri. MyNdir
LaNdSBaNkiNN.iS
Árni Þór
Þorbjörnsson
Framkvæmdastjóri
fyrirtækja.
Helgi Teitur
Helgason
Framkvæmdastjóri
einstaklinga.
Hrefna Ösp
Sigfinnsdóttir
Framkvæmdastjóri
markaða.
Perla Ösp
Ásgeirsdóttir
Framkvæmdastjóri
áhættustýringar.
ragnhildur
Geirsdóttir
Framkvæmdastjóri
reksturs og upplýs-
ingatækni.
Fylgist með okkur á Facebook.com/Lyfsalinn
Uppakomur • Leikir • Tilboð
Sjálfstætt starfandi
apótek í Glæsibæ
Okkar markmið er að veita þér og þínum framúrskarandi þjónustu og ráðgjöf
Fylgist með okkur á Facebook.com/Lyfsalinn
Uppakomur • Leikir • Tilboð
Opnunartími: Virka daga 8.30-18
Laugardaga 10.00-14.00