Dagblaðið Vísir - DV - 17.02.2017, Blaðsíða 38

Helgarblað 17.–20. febrúar 201734 Skrýtið Sakamál
B
retinn Robert Clive Napper
er elstur barna hjónanna
Brians og Pauline Napper,
fæddur í Erith í London og
ólst upp í Plumstead í suð­
austurhluta London. Hjónaband for­
eldra hans var stormasamt og varð
Robert iðulega vitni að því þegar fað­
ir hans lagði hendur á móður hans.
Það tók endi þegar Robert var tíu ára
er foreldrar hans skildu.
Robert og systkin hans, tveir
bræður og systir, voru sett í fóstur og
fengu sálfræðimeðferð sem í tilfelli
Roberts varði í sex ár.
Atferlisbreyting í
kjölfar misnotkunar
Þegar Robert var tólf ára sætti hann
misnotkun af hálfu fjölskylduvin­
ar. Sá fjölskylduvinur fékk fyrir vikið
fangelsisdóm en Robert var að sjálf­
sögðu litlu bættari við það. Hann
hvarf inn í sig, varð snyrtilegur svo
jaðraði við áráttu og afskiptalaus.
Systkin hans fóru ekki varhluta
af breytingum á Robert því hann
níddist á þeim auk þess sem hann
lá á gægjum þegar færi gafst er systir
hans afklæddist.
Fetar stigu afbrota
Árið 1986 fékk Robert dóm eftir
að hafa beitt loftbyssu við óskil­
greint afbrot og fékk síðar reynslu­
lausn. Í október 1989 lét lögreglan
undir höfuð leggjast að kanna mál
í kjölfar símtals við móður Roberts.
Pauline sagði lögreglunni að Robert
hefði viðurkennt fyrir henni að hafa
nauðgað konu á almenningi í Plum­
stead. Lögreglan hafði ekki fengið
vísbendingar um nokkurn slíkan at­
burð og hélt því að sér höndum.
Síðar, þegar Robert fékk sinn ann­
an fangelsisdóm, kom í ljós að móð­
ir hans hafði engu logið; konu hafði
verið nauðgað fyrir framan börn sín
en, og þar lá hundurinn grafinn,
þetta hafði átt sér stað í húsi við al­
menninginn í Plumstead, en ekki á
almenningnum sem slíkum.
Myrðir konu og aðra
Víkur nú sögunni til 15. júlí 1992.
Daginn þann, á Wimbledon­al­
menningnum, stakk Robert konu að
nafni Rachel Nickell 49 sinnum með
hnífi, fyrir framan tveggja ára son
hennar sem reyndi í örvæntingu að
vekja móður sína í kjölfarið. Robert
var yfirheyrður af lögreglunni en síð­
an útilokaður sem sökudólgur og
ekki kannaður frekar.
Hann fékk því svigrúm til að
endurtaka leikinn og það gerði hann
svikalaust og gott betur í nóvem­
ber 1993. Þá réðst hann á Samönthu
Bisset á heimili hennar í Plumstead
og stakk hana til dauðs. Að því loknu
misþyrmdi hann fjögurra ára dóttur
Samönthu, Jazmine Jemimu, kyn­
ferðislega og kæfði síðan.
Sagt er að ljósmyndari lög­
reglunnar hafi verið frá vinnu í tvö ár
vegna þess sem hann sá á vettvangi
ódæðisins.
Green Chain-nauðgarinn
Robert var sakfelldur fyrir morð
á Samönthu og dóttur hennar í
október 1995. Þá játaði hann á sig
nauðgun og tilraunir til nauðgana
en neitaði aðild að morðinu á Rachel
Nickell.
Talið er líklegt að Robert og
„Green Chain­nauðgarinn“ séu einn
og sami maðurinn en sá var bendl­
aður við að minnsta kosti 70 hrotta­
legar líkamsárásir í suðausturhluta
London yfir fjögurra ára tímabil.
Andlega vanheill
Tekist hefur að tengja Robert við
elstu árásirnar sem eignaðar voru
„Green Chain­nauðgaranum“.
Í desember 2008 hafði DNA­
rannsóknum fleygt svo fram að unnt
var að ákæra Robert fyrir morðið á
Rachel Nickell og var hann sakfelld­
ur fyrir manndráp í því máli. Þá var
enda ljóst að Robert gekk ekki heill til
skógar hvað andlega heilsu áhrærði
og hafði verið greindur með geðklofa
og Asperger­heilkenni í ofanálag.
Hann hefur síðan 1995 verið
vistaður á Broadmoore­geðsjúkra­
húsinu. n
Green Chain-
nauðGarinn
n robert var afkastamikill í glæpum sínum n Vistaður á geðsjúkrahúsi
Ungur Robert Þegar framtíðin var
óskrifað blað.
Rachel Nickell Var stungin 49 sinnum.
Samantha og Jazmine Lentu í klónum á Robert Napper.
Robert Napper Gengur ekki andlega heill til skógar.
Glæsibæ • www.sportlif.is
PróteinPönnukökur
Próteinís Próteinbúðingur