Dagblaðið Vísir - DV - 17.02.2017, Blaðsíða 16

Helgarblað 17.–20. febrúar 201716 Fréttir
K
eyptir verða tveir nýir raf­
magnsbílar til afnota fyrir
starfsfólk Ráðhúss Reykja­
víkur á næstunni. Þetta var
samþykkt á fundi borgar­
ráðs í síðustu viku. Allir bílar sem
ætlaðir eru til notkunar innan
stjórnkerfis borgarinnar eru vist­
vænir og ríkir mikil ánægja með þá
þróun að sögn formanns umhverfis­
og skipulagsráðs.
Aðeins 4 ráðherrabílar vistvænir
DV greindi frá því í lok janúar að á
síðustu tveimur árum hefðu átta af
tíu ráðherrabílum stjórnarráðsins
verið endurnýjaðir og þörf væri á
endurnýjun þeirra tveggja síðustu,
auk þess sem nauðsynlegt væri að
kaupa ellefta bílinn eftir að ráðherr­
um var fjölgað. Athygli vekur að að­
eins fjórir ráðherrabílanna geta
talist vistvænir upp að einhverju
marki, þ.e. fjórir bílanna eru tengi­
tvinnbílar sem ganga bæði fyrir raf­
magni og jarðefnaeldsneyti.
Breytingar gerðar
á síðasta kjörtímabili
Þessu er öfugt farið hjá Reykja­
víkurborg þar sem lögð hefur verið
áhersla á vistvæna kosti í samgöng­
um. Þá er það aðeins borgarstjórinn,
Dagur B. Eggertsson, sem hefur sér­
stakan bíl til afnota. Um árabil höfðu
bæði borgarstjóri og forseti borgar­
stjórnar bíl til afnota og störfuðu
tveir bílstjórar hjá borginni í þessu
skyni. Á síðasta kjörtímabili var
staða forsetabílstjórans hins vegar
lögð niður og báðir bílarnir seldir.
Þess í stað var árið 2014 keyptur
Volkswagen­skutbíll sem gengur
fyrir bæði metani og bensíni. Sam­
kvæmt upplýsingum frá skrifstofu
borgarstjóra er sá bíll notaður bæði
til að koma borgarstjóra milli staða
í borginni í opinberum erindum en
einnig er hann notaður í sendiferðir
af öllu tagi fyrir borgarkerfið.
Einnig í boði að fá hjól
Með kaupunum á
raf magnsbílunum sem borgarráð
samþykkti verða rafmagnsbíl­
ar sem starfsfólk ráðhússins hef­
ur aðgang að orðnir fjórir en tveir
bílar voru þegar í notkun. Auk þess
eru rafmagnsbílar til sömu nota
á Höfðatorgi. Bílarnir eru ætlaðir
starfsfólki til að sinna erindum og
fara á fundi milli starfsstöðva. Með
því að síðustu misseri hefur fólk af
starfsstöðvum um bæinn verið flutt
í nokkrum mæli í ráðhúsið hefur
ferðum af því tagi fjölgað nokkuð
og því var talin ástæða til að fjölga
bílunum. Þá hefur starfsfólk borg­
arinnar aðgang að hjólum til að
komast á milli í styttri ferðum.
Mikilvægt að borgin
sýni gott fordæmi
Hjálmar Sveinsson, borgarfulltrúi
og formaður umhverfis­ og
skipulagsráðs Reykjavíkurborgar,
segir að innan borgarkerfis­
ins sé ánægja með þá stefnu sem
uppi hefur verið í þessum efnum.
„Borgin leggur áherslu á bæði
breyttan ferðamáta en líka að þeir
sem þurfi að vera á bílum hugi
að orkuskiptum og notist við vist­
vænni bíla. Því þarf borgin að sýna
gott fordæmi í þessum efnum, það
er mjög mikilvægt.“
Hjálmar bendir á að notkun á
rafbílunum hafi verið veruleg og
sömuleiðis hafi notkun á hjólum
borgarinnar einnig verið talsverð.
Almennt sé horft til þess í sam­
göngustefnu borgarinnar að hvetja
starfsmenn til að nýta sér vistvænar
samgöngur þegar þess er kostur
og þetta sé liður í því. Reykjavíkur­
borg hlaut náttúru­ og umhverfis­
verðlaun Norðurlandaráðs fyrir árið
2014 og þar var meðal annars tiltekið
að 87 prósent ökutækja borgarinnar
gengju fyrir rafmagni eða gasi og
ekki væri vitað um annað sveitar­
félag sem hefði viðlíka hlutfall um­
hverfisvænna ökutækja. n
Ánægja með vist-
vænan bílaflota
n Reykjavíkurborg fjölgar rafmagnsbílum n ber höfuð og herðar yfir stjórnarráðið
„Því þarf
borgin
að sýna gott
fordæmi í þessum
efnum
Freyr Rögnvaldsson
freyr@dv.is
Hjálmar Sveinsson Formaður umhverfis-
og samgönguráðs Reykjavíkurborgar.
Borgarstjórabílinn Bifreiðin sem borgarstjóri hefur til afnota er einnig notuð í ýmsar
sendiferðir í borginni.
Vistvænn bílafloti
Árið 2014 voru 87
prósent ökutækja
borgarinnar vistvæn.
Þú færð fallega borð-
búnaðinn og fullt af fíneríi
frá greengate hjá okkur
Austurvegi 21, Selfoss / Sími 482 3211
facebook.com/sjafnarblom
Höfðabakka 3, Reykjavík / Sími 587 2222
facebook.com/litlagardbudin