Dagblaðið Vísir - DV - 17.02.2017, Blaðsíða 54

Helgarblað 17.–20. febrúar 201750 Fólk
V e g a m ó t a s t í g u r 4 | 1 0 1 R e y k j a v í k | s í m i 5 1 1 3 0 4 0 | v e g a m o t @ v e g a m o t . i s
FRÁ 11–16
„Ég er alltaf að
hugsa um hann“
n Dagbjartur svipti sig lífi 11 ára í kjölfar eineltis n frásögn foreldranna vakti þjóðarathygli
Þ
ann 15. febrúar síðastliðinn
hefði Dagbjartur Heiðar
Arnarsson orðið 17 ára
gamall. Dagbjartur var að-
eins 11 ára þegar hann féll
fyrir eigin hendi, þann 23. septem-
ber 2011. Ástæðan var einelti. Saga
Dagbjarts vakti þjóðarathygli eftir
að foreldrar hans, Kaja Emilsdóttir
og Arnar Helgason, stigu fram í við-
tali við Kastljós árið 2012, í þeim til-
gangi að opna augu fólks fyrir þessu
grafalvarlega samfélagsmeini.
Dagbjartur Heiðar var
næstelstur fimm systkina en hann
fæddist með alvarlegan hjartagalla
og glímdi einnig við ADHD og ein-
hverfu. Hann var fórnarlamb ein-
eltis alla sína skólagöngu og hafði
gert nokkrar tilraunir til sjálfsvígs
fyrir 11 ára aldur. Kaja og Arnar hafa
undanfarin ár rætt opinskátt um
andlát sonar síns og aðdraganda
þess, en meðal annars hefur kom-
ið fram að lítið hafi verið gert til
að sporna við eineltinu sem Dag-
bjartur varð fyrir.
Snæða alltaf makkarónugraut
Það er fastur liður hjá Erlu Kaju og
systkinum snæða makkarónugraut
á afmælisdegi hans Dagbjarts enda
var það hans uppáhaldsmatur.
„Síðan höfum við haft það fyrir
venju að fara út í kirkjugarð með
blóm eða engil og gefa honum af-
mælisgjöf, og stundum syngjum við
afmælisönginn líka. Síðan hlustum
við alltaf á eitt ákveðið lag á þessum
degi, þetta er eiginlega eini dagur-
inn á árinu þar sem við leyfum okk-
ur að hlusta á þetta tiltekna lag,“
segir Erla Kaja, Kaja eins og hún
er alltaf kölluð, í samtali við blaða-
mann DV.
Umrætt lag er Home Sweet Home
með Motley Crue. „Þegar Dagbjartur
fæddist var hann mikið á spítala
vegna hjartagalla. Við fórum með
hann til útlanda í aðgerð og vorum
með hann í mánuð á spítala hérna
heima. Kvöldið þegar við vorum
loks á leiðinni heim af spítalanum
og vorum að keyra á Sandgerðis-
heiðinni þá heyrðist þetta lag í út-
varpinu. Okkur þótti titillinn á
laginu eiga alveg einstaklega vel við
og þetta lag festist einhvern veginn
við Dagbjart. Þetta varð „hans“ lag.“
Kaja kveðst óneitanlega leiða
hugann að því sem hefði orðið.
Hefði Dagbjartur verið eins og aðr-
ir 17 ára piltar, áhyggjulaus að sækja
menntaskóla og með hugann við
bílprófið? „Ég er alltaf að hugsa um
hann. Alveg stöðugt. Þá velti ég því
fyrir mér hvernig hann myndi líta
út, hvernig persóna hann væri í dag
og hvernig honum myndi líða.“
„Vildi ekki að dauði
hans yrði til einskis“
Kaja telur að mikið vatn hafi runnið
til sjávar á undanförum árum hvað
varðar eineltismál og umræðuna
um sjálfsvíg, sem og aðstoð til að-
standenda. Hún segist sannarlega
hafa orðið vör við þau miklu við-
brögð sem frásögn hennar og föður
Dagbjarts hefur vakið.
„Ég held að þetta hafi að vissu
leyti opnað augu fólks fyrir einelti
og hversu mikil dauðans alvara það
er. Mér finnst hafa orðið ákveðin
vitundarvakning í kjölfarið á þessu,
eins og fólk sé orðið meðvitaðra um
vandann. Það er ekki lengur litið á
þetta sem bara einhver „strákapör“,“
segir hún en hún kveðst einnig
fagna því hversu mikið umræðan
um sjálfsvíg hefur opnast á undan-
förnum árum. Þó séu enn ekki allir
sem geri sér grein fyrir því að sjálfs-
víg ungra barna er staðreynd.
Ókunnugir einstaklingar hafa
sett sig í samband við Kaju og tjáð
henni að þeir hafi íhugað sjálfsvíg
en hætt við eftir að hafa heyrt sögu
Dagbjarts.
„Það var einmitt það sem við
vildum, og það var ástæðan fyrir
því að við töluðum svona opinskátt
um þennan harmleik. Ég tók þá
ákvörðun að ég vildi ekki að dauði
Dagbjarts yrði til einskis. Ég vil að
fólk læri af þessu. Bara það að þetta
hafi bjargað, eða muni bjarga ein-
um einstaklingi, það er nóg. Og það
hefur hjálpað mér ólýsanlega mikið
í gegnum þetta allt saman, að sjá að
þetta hefur áhrif. Að vita til þess að
þetta hjálpar öðrum gerir það auð-
veldra að lifa með þessu.“
Í viðtali við Kastljós árið 2012
kom fram að þau Kaja og Arnar
hefðu tekið ákvörðun um að leggja
reiðina til hliðar og beðið um að
drengirnir sem lögðu Dagbjart í
einelti fengju aðstoð. Kaja kvaðst
ekki vera reið út í drengina en viður-
kenndi að hún fyndi stundum
fyrir reiði í garð Dagbjarts. En
hvernig stendur hún gagnvart
því í dag?
„Þessi reiði var í manni fyrst
um sinn. En ég finn ekki fyrir
henni í dag. Ég ákvað hrein-
lega að ég ætlaði ekki að búa
með þessari tilfinningu það
sem eftir væri. En ég ákvað
á sínum tíma að opinbera
þessa reiði af því að ég held að
þetta sé svo ótrúlega algeng
tilfinning sem fólk síðan felur
vegna þess að það skammast
sín. Manni finnst svo rangt að
vera reiður út í daginn. En að
vera reiður í hljóði, það gerir
bara illt verra. En svona leið
mér og ég ákvað að segja frá
þessu vegna þess að ég vildi
að aðrir myndu sjá að það er
ekki rangt að líða svona.“ n
Auður Ösp Guðmundsdóttir
audur@dv.is
Finnur fyrir viðbrögðum Kaja segir umræðuna um einelti hafa opnast á undanförnum árum: „Að vita til þess að þetta hjálpar öðrum
gerir það auðveldra að lifa með þessu.“
„Þá velti ég því
fyrir mér hvernig
hann myndi líta út,
hvernig persóna hann
væri í dag og hvernig
honum myndi líða.
Dagbjartur Heiðar Arnarsson
Svipti sig lífi í september 2011.