Dagblaðið Vísir - DV - 07.03.2017, Blaðsíða 14

vikublað 7.–9. mars 201714 Fréttir Erlent
„2009 martröðin“ eitt
glæsilegasta einbýlishús
landsins í dag
n Áður kallað steypuvirkið nEngan áhuga á sundlaug n Góð fjárfesting
E
itt glæsilegasta einbýlishús
landsins stendur við Sunnu­
flöt í Garðabæ. Eigandi þess
í dag er Halldór Kristmanns­
son framkvæmdastjóri hjá
lyfja fyrirtækinu Alvogen. Hann keypti
húsið árið 2014 en þá hafði það verið
í sölu í um tvö ár. Húsið rataði fyrst í
fréttir árið 2009 eftir bankahrun en á
Kjarnanum var greint frá því að það
var stundum kallað „2009 martröðin.“
Húsið er á tveimur hæðum og samtals
982 fermetrar. Þá er lóðin 1.590 fer­
metrar og afgirt. Samkvæmt teikning­
um átti þar að vera sundlaug og heitur
pottur, fataherbergi og vínkjallari og
lyfta á milli hæða. Húsið var auglýst
fokhelt til sölu árið 2012 og verðið þá
93 milljónir. Það var síðan lækkað nið­
ur í 69 milljónir og að lokum niður í 60
milljónir. Magnús Geir Pálsson, sölu­
maður hjá Eignamiðlun, sagði árið
2012 að þá myndi kosta um 150 millj­
ónir að klára byggingu þess.
Saga hússins
Í DV árið 2010 var greint frá því að
athafnakonan Íris Björk Jónsdótt­
ir oft kennd við verslunina GK hefði
keypt hús við Sunnuflöt árið 2006
á 50 milljónir. Lét hún rífa húsið og
stóð til að byggja 600 fermetra glæsi­
hús. Áður en kom til þess seldi hún
Arnari Sölvasyni og konu hans hús­
ið og teikninguna á 70 milljónir og
græddi á því 20 milljónir. Skömmu
síðar skall hrunið á. Í samtali við Séð
og heyrt sagði Arnar að kaupin hefðu
snúist upp í martröð og hjónin sæju
fram á að missa allt sem þau áttu.
Saga lóðarkaupanna væri sorgarsaga
frá a til ö – allt hefði farið á versta veg
og þau sætu nú í skuldasúpu. Sex fé­
lög Arnars voru svo tekin til gjald­
þrotaskipta árið 2014 og námu kröfur
í búið 2.513 milljónum króna. Engar
eignir fundust í búinu.
Landsbankinn leysti til sín hús­
ið 19. október árið 2012 og næstu tvö
ár rataði það ítrekað í fjölmiðla. Í um­
fjöllun Viðskiptablaðsins sagði að ein
hugmynd væri að húsið yrði fullklárað
og leigt stórstjörnum þegar þær væru
hér á landi við kvikmyndatökur.
Engan áhuga á sundlaugum
Halldór tjáði sig um kaupin á húsinu
við Kjarnann. Það sagði hann að fjöl­
skyldan hefði engan áhuga á sund­
laug og spa.
„Mér bauðst að kaupa húsið á
mjög góðu verði, en við ætlum okk­
ur að minnka það,“ sagði Halldór og
bætti við:
„Þetta er góð fjár fest ing, fyrir ein­
býl is hús sem er fokhelt í dag.“ Hann
vildi ekki gefa upp hvað kostaði að
gera húsið íbúðarhæft eða hvað hann
hefði borgað fyrir það.
Samkvæmt fasteignaskrá er fast­
eignamat 231 milljón og brunabóta­
mat 248 milljónir. Miðað við miklar
hækkanir á fasteignamarkaði má
fastlega gera ráð fyrir að hið um­
deilda hús, sem áður var kallað „2009
martröðin“, steypuvirkið og stund­
um steypuklumpurinn í Garðabæ, fái
annað viðurnefni enda fagurt að sjá
og fari á mun hærri upphæð yrði það
sett í sölu. n
Aðkoman
allt önnur
Ekkert
hefur verið
til sparað
að koma
húsinu í gott
horf. Mynd
igtryggur Ari
glæsilegt einbýlishús Allt annað sjá
húsið í dag. Mynd Sigtryggur Ari
Kristjón Kormákur guðjónsson
kristjon@dv.is