Dagblaðið Vísir - DV - 25.04.2017, Blaðsíða 16

16 Vikublað 25.–27. apríl 2017fréttir - erlent
n Bandarísk kona greindist með lungnakrabbamein
n Hún brá á það ráð að leita lækninga á Kúbu
F
erða- og viðskiptabann Banda-
ríkjanna á Kúbu hefur staðið
formlega yfir í rúmlega hálfa
öld og þó svo að ástandið fari
batnandi er enn ólöglegt að
ferðast á milli landanna. Nýlega virti
Judy Ingels bannið að vettugi og flaug
til Kúbu til að fara í krabbameinsmeð-
ferð.
Judy Ingels, 74 ára og búsett í Kali-
forníufylki, flaug til Kúbu í síðustu viku
og mun dvelja þar í sex daga. Að því er
fram kemur á vef BBC greindist hún
með fjórða stigs lungnakrabbamein
fyrir tveimur árum og hefur reynt að
leita sér aðstoðar við því í heimalandi
sínu.
Uppgötvaði undralyf
Eftir viðamikla heimildaöflun á netinu
fann Judy krabbameinslyfið Cimavax
sem var upprunalega þróað á Kúbu.
„Ég eru búin að lesa fjölmarga góða
hluti um lyfið,“ segir hún, en það er
ekki fáanlegt í Bandaríkjunum.
Judy flaug með eiginmanni
sínum, Bill Ingels, og dóttur þeirra,
Cindy, til Kúbu og innritaði sig inn
á spítalann La Pradera International
Health Centre, vestan við höfuð-
borgina Havana. Þar stendur inn-
lendum og erlendum sjúklingum
til boða meðferðir af ýmsum toga.
Ólíkt því sem tíðkast í Bandaríkjun-
um er íbúum Kúbu boðin öll heil-
brigðisþjónusta ókeypis, þó svo að
útlendingar eins og Judy þurfi að
greiða fyrir hana. En þrátt fyrir að
búast við kostnaði upp á rúma eina
og hálfa milljón íslenskra króna við
ferðina til Kúbu og öll lyfjakaup þar,
kemur fjölskylda Judy betur út fjár-
hagslega en hún myndi gera í Banda-
ríkjunum.
Cimavax örvar taugaboð gegn sér-
stöku prótíni sem kemur af stað út-
breiðslu lungnakrabba og nær þannig
að halda sjúkdómnum í skefjum. Lyfið
er gefið með mánaðarlegum stungu-
skömmtum og samkvæmt rannsókn-
um frá Kúbu getur það lengt líf krabba-
meinssjúklinga um fjölda mánaða – ef
ekki ára.
Þótt ótrúlegt megi virðast á til-
urð lyfsins viðskipta- og ferðabann-
inu mikið að þakka. Þegar Kúbumenn
hafa ekki mátt flytja inn lífsnauðsyn-
leg lyf, þróuð í Bandaríkjunum, hafa
þeir einfaldlega gripið til þess ráðs að
framleiða sín eigin. Lyfjaframleiðslan
á Kúbu er nú nýtur nú meðbyrjar. Í
geiranum starfa um 22.000 manns og
er Cimavax, ásamt öðrum lyfjum, selt
til landa um allan heim – að Banda-
ríkjunum undanskildum.
Einstakur árangur
Judy bindur góðar vonir við verkun
Cimavax, enda hefur hún lesið sæg af
sögum um krabbameinssjúklinga sem
náð hafa undraverðum bata með hjálp
lyfsins. Þeirra á meðal er Lucrecia de
Jesus Rubillo, en BBC gerir sögu hennar
skil í frétt sinni um málið.
Lucrecia, sem er 65 ára og búsett í
Havana, á við sama sjúkdóm að stríða
og Judy; fjórða stigs lungnakrabba. Í
september í fyrra sögðu læknar hana
aðeins eiga tvo til þrjá mánuði eftir ólif-
aða. Hún hafði orðið vör við sáran verk
í öðrum fæti sínum sem rekja mátti til
lungnakrabba sem hafði dreift sér. Hún
var í kjölfarið sett í hefðbundna lyfja-
meðferð sem hún lýsti sem hroðalegri
lífsreynslu. „Lyfin ollu mér óbærilegri
ógleði og verkjum um allan líkamann,“
segir hún. Því næst gekkst hún undir
geislameðferð. Hvorug meðferðin skil-
aði árangri. En Lucrecia var staðráðin í
að vinna bug á sjúkdómnum. „Börnin
mín báðu mig að hafa allar klær úti og
það er það sem ég gerði.“
Lucrecia ákvað í fram-
haldinu að láta reyna á Cimavax og
fékk nokkra stunguskammta – sú
meðferð bar árangur hið snarasta.
Lucrecia er enn á lífi, fjórum mánuð-
um fram yfir þann tíma sem læknarnir
gáfu henni. Og að auki er hún farin að
geta gengið á ný upp stigann að íbúð
sinni á fimmtu hæð, án nokkurra erf-
iðismuna. Líkamsstyrkur hennar hef-
ur eflst svo um munar og hún er laus
við látlausan hósta sem hafði hrjáð
hana áður. „Ég er auðvitað afar feg-
in en einnig sorgmædd því margir
vinir mínir, sem áttu ekki völ á þessari
meðferð, hafa beðið lægri hlut fyrir
lungnakrabbameini – mér finnst ég
vera á sérkjörum,“ segir Lucrecia.
„Þetta er í fyrsta
sinn sem ég
upplifi sanna hamingju
eftir að hafa greinst með
krabbameinið
Í krabbameins-
meðferð á
Kúbu
Havana
Höfuðborg Kúbu,
þar sem fornbílar
og litrík hús eru á
hverju strái.
Stungu-
skammtur Dóttir Judy, sem er hjúkrunar-
fræðingur, ætlar að sprauta móður sína
með Cimavax eftir að heim er komið. Fjöl-
skyldan er búin að birgja sig upp af lyfinu.
Cimavax Lyfið getur fram-
lengt líf krabbameinssjúkra
um fleiri ár.
Lungnaæxli
Sjúkdómurinn er
afar skaðlegur.
Rannsóknir
standa nú yfir
á Cimavax og
er vonast til
að lyfið megi
jafnvel nota til
að fyrirbyggja
sjúkdóminn.Judy Ingels Judy, 74 ára, greindist með alvarlegt lungnaæxli fyrir tveim árum.
Guðmundur Bjartur Einisson
ritstjorn@dv.is