Dagblaðið Vísir - DV - 25.04.2017, Blaðsíða 17

Vikublað 25.–27. apríl 2017 fréttir - erlent 17
Yfirleitt mánaðaspursmál
Að Cimavax framlengi líf krabba-
meinssjúklinga um mörg ár er ekki al-
gengt en kemur samt fyrir. Sýnt hefur
verið fram á að lyfið lengi líf þeirra oft-
ast um einhverja mánuði. Læknirinn
Neninger, sem starfar á Kúbu, segir í
samtali við BBC að nokkrir sjúklinga
hennar séu enn á lífi, 10 árum eftir að
hafa greinst með fjórða stigs lungna-
krabbamein. Allt sé það Cimavax að
þakka, en Neninger hefur gefið það
hundruðum sjúklinga á Kúbu síðustu
ár. Lyfið hjálpar flestum en ekki öllum.
Neninger segir að í 20 prósentum til-
vika hafi það lítil sem engin áhrif á líð-
an sjúklinga, en þá sé krabbameinið
líka mjög langt gengið.
Tilraunir byrjaðar í Bandaríkjunum
Enginn ráðlagði Judy að leita lækn-
inga á Kúbu. Þegar hún spurði lækn-
inn sinn í Bandaríkjunum út í Cima-
vax var frekar fátt um svör. En þótt
lyfið sé enn ófáanlegt þar í landi hafa
nú þegar hafist tilraunir með það á
bandarískum sjúklingum. Tilraun-
irnar, sem hófust í upphafi þessa árs,
fara fram í borginni Buffalo í New
York-fylki.
Bandaríski ónæmislæknirinn
Kelvin Lee, sem fer fyrir rannsóknun-
um þar, er ánægður með árangur-
inn sem náðst hefur með Cimavax
á Kúbu. Engar endanlegar niður-
stöður liggja fyrir enn sem komið er,
en reynslusögur af lyfinu lofa góðu.
Kelvin segir verð á krabbameinsmeð-
ferðum fara síhækkandi í heimalandi
sínu, en er vongóður um að Cima-
vax eigi eftir að sanna sig sem bæði
ódýrari og árangursríkari kostur fyrir
fólk með lungnakrabbamein. Hann
útilokar ekki heldur að lyfið geti haft
fyrir byggjandi verkun. „Ef hægt væri
að nota það sem bóluefni og gefa það
stórreykingamönnum sem eru í sér-
stakri hættu að þróa með sér lungna-
krabba, gæti það skipt sköpum fyrir
sjúklinga í Bandaríkjunum og öðrum
löndum.“
Stjórnmálin standa í vegi
Óvíst er hvenær flytja má Cimavax frá
Kúbu til Bandaríkjanna og setja í al-
menna sölu. Það veltur allt á pólitísku
sambandi þjóðanna.
Obama, fyrrverandi Bandaríkja-
forseti, fór í opinbera heimsókn til
Kúbu í mars 2016 – sem marka átti
lok þeirrar óvildar sem hófst milli
þjóðanna tveggja eftir kúbversku
byltinguna 1959. Undir lok valdatíma
síns hugðist Obama bæta stöðu mála
en ferðabanninu var aldrei aflétt
til fulls. Það var því formlega séð
ólöglegt fyrir Judy að fara til Kúbu í
krabbameinsmeðferðina.
Núverandi Bandaríkjaforseti,
Donald Trump, kvaðst í ræðu
nokkurri fyrir forsetakosningarnar
ekki mundu aflétta höftum á Kúbu
fyrr en þarlend ríkisstjórn gerði eitt og
annað í sínum málum. „Kröfur okkar
fela í sér pólitískt frelsi fyrir kúbverska
borgara og aflausn pólitískra fanga,“
sagði Trump.
Fjölskyldan skrökvaði
að yfirvöldum
Kúbuferðin stangast formlega á við
bandarísk lög, þó svo að eitthvað
hafi slaknað á banninu með heim-
sókn Obama í fyrra. En Judy og fjöl-
skylda láta það ekkert á sig fá. Þau
stálust til Kúbu án þess að spyrja kóng
eða prest. Bill sagðist aðspurður ekki
hafa neinar áhyggjur af viðbrögðum
bandarískra yfirvalda. „Ég sagði þeim
að við værum að fara út í menntunar-
skyni, að ég væri að læra um krabba-
meinsæxli og meðferðir við þeim,“
segir hann og bætir við að í raun réttri
sé hann ósköp heiðarlegur maður. „Ef
ég þarf að ljúga, þá geri ég það.“
Líta björtum augum á framtíðina
Judy fær það ekki á hreint fyrr en eftir
þrjá mánuði hvort lyfið hafi gert henni
eitthvert gagn. En hún og fjölskyldan
eru vongóð. Hún segir að burtséð frá
öllum árangri sem muni nást, hafi
ferðin til Kúbu lífgað mjög upp á til-
veruna hjá sér. Fjölskyldan hefur ekki
litið marga glaða daga síðan Judy
greindist með krabbamein árið 2015.
„Þetta er í fyrsta sinn sem ég upplifi
sanna hamingju eftir að hafa greinst
með krabbameinið,“ segir Judy í sam-
tali við BBC.
Judy og Bill ætla að birgja sig upp
af Cimavax á Kúbu og taka með heim
til Kaliforníu. Dóttir þeirra Cindy,
sem er hjúkrunarfræðingur, ætlar síð-
an að annast lyfjagjöfina og sprauta
móður sína mánaðarlega. „Við yrðum
yfir okkur glöð ef æxlið stækkaði ekki,
og vöxtur þess stöðvaðist. En ef það
skyldi minnka héðan í frá, þá væri það
hreint kraftaverk,“ segir
Cindy og er yfir sig stolt af
að hafa leitað ólöglegra
leiða í leit að lækningu
við lungnakrabbamein-
inu. n
Ávaxtaðu betur
H
ö
n
n
u
n
: I
n
g
va
r
Ví
ki
n
g
ss
o
n
www.avaxtabillinn.is • avaxtabillinn@avaxtabillinn.is • 517 0110
Gómsætir veislubakkar,
sem lífga upp á öll tilefni.
Er kannski heilsuátak
framundan?
saman
Ávextir í áskrift kosta um 550 kr.
á mann á viku og fyrirhöfn fyrirtækisins
er engin.
&
Bandaríkin og Kúba Við-
skipta- og ferðabann á milli
þjóðanna er enn í gildi.
Fegin fjölskylda Judy, maður hennar Bill og dóttir þeirra Cindy. Ferðin til Kúbu gerði Judy ekki aðeins
kleift að fara í krabbameinsmeðferð, hún hressti upp á alla fjölskylduna, sem hefur ekki verið svona ham-
ingjusöm síðan Cindy greindist með æxlið.