Dagblaðið Vísir - DV - 25.04.2017, Blaðsíða 26
22 sport Vikublað 25.–27. apríl 2017
Einn
mátti ekki
þyngjast og
annar mátti
ekki skíða
n Furðulegustu ákvæðin í samningum knattspyrnumanna
S
amningar sem knattspyrnu-
menn gera við félagslið um
víða veröld kveða ekki bara á
um laun og bónusa. Alls konar
misgáfulegum ákvæðum er
troðið inn í samningana. Þetta er gert
til að tryggja að liðin fái sem mest út
úr leikmönnum og auðvitað vilja leik-
menn einnig tryggja sína hagsmuni
sem best þeir geta. Hér gefur að líta
yfirlit yfir nokkur furðuleg ákvæði
sem ratað hafa í samninga á undan-
förnum árum og áratugum. n
einar@dv.is
Þyngdar
sinnar virði?
Enski varnarjaxlinn Neil
Ruddock átti blómlegan feril
á Englandi með liðum eins og
Southampton, Tottenham og
Liverpool þar sem hann átti
sín bestu ár. Ruddock þótti
stundum heldur þungur og
undir lok ferils síns samdi hann
við Crystal Palace á frjálsri
sölu. Þetta var árið 2000 en
þá var Ruddock orðinn 32
ára og kominn nokkuð yfir
sitt besta. Á þessum tíma
var Simon Jordan stjórnar
formaður Palace og lét hann
sérstakt ákvæði í samning
Ruddocks sem kvað á um að
hann mætti ekki vega meira
en 99,8 kíló meðan Ruddock
var samningsbundinn liðinu.
Ef það gerðist fékk hann sekt.
Ruddock er sagður hafa átt
erfitt með að halda sig innan
þessa ramma og fékk hann
sekt í nokkur skipti. Ruddock
spilaði eitt tímabil með Palace
og lék 20 leiki í það heila.
Mátti breyta
byrjunarliðinu
Líbanski kaupsýslumaðurinn Sam
Hammam átti stóran þátt í uppgangi
Wimbledon á níunda og tíunda áratug
liðinnar aldar. Hammam þótti nokkuð
litríkur karakter líkt og leikmenn
liðsins sem þóttu býsna harðir
í horn á taka. Árið 1987 réð
hann Bobby Gould sem
knattspyrnustjóra liðsins og
segir sagan að Hammam
hafi sett nokkuð umdeilt
ákvæði í samninginn.
Samkvæmt því mátti
Hammam gera breytingar
á byrjunarliðinu allt að 45
mínútum fyrir hvern leik
liðsins. Gould sagði síðar frá
því að aldrei hefði komið til
þess að Hammam nýtti
sér ákvæðið.Þurfti ekki að fljúga Hollenski knattspyrnu
maðurinn Dennis Bergkamp, sem er í guðatölu hjá stuðningsmönnum
Arsenal, ferðaðist aldrei með flugvél í leiki liðsins. Bergkamp er flug
hræddur og stígur ekki fæti upp í flugvél enn þann dag í dag. Þegar
hann samdi við Arsenal árið 1995 var ákvæði í samningi hans
sem kvað á um að hann þyrfti ekki að ferðast með liðinu í leiki ef
liðið notaði flugvél sem fararskjóta. Átti þetta til dæmis við leiki
liðsins á útivöllum í Evrópukeppnum. Bergkamp spilaði þó marga
þessara leikja en hann ók þá á milli staða eða notaði lest.
Vinirnir í heimsókn Brasilíumaðurinn
Neymar er án nokkurs vafa einn allra besti knattspyrnumaður
heims um þessar mundir. Þegar hann samdi við Barcelona árið
2013 var ýmsum ákvæðum komið fyrir í samningnum, bæði
af hans hálfu og hálfu Barcelona. Þannig má Neymar ekki
mótmæla því ef stjóri liðsins lætur hann spila stöðu á vell
inum sem hann kann ekki við. Ef svo ólíklega vill til að
Luis Enrique láti Neymar í miðvörðinn í næsta leik
má Neymar ekki mótmæla því. Brassinn samdi
svo við Barcelona á þann veg að hann má bjóða
vinum sínum frá Brasilíu í heimsókn til Spánar
á tveggja mánaða fresti og er allur kostnaður
greiddur úr vösum Barcelona.
Mátti ekki fara út í geim Svíinn Stefan Schwarz þótti býsna
öflugur knattspyrnumaður og lék hann með liðum eins og Arsenal, Benfica, Valencia, Bayer
Leverkusen og Fiorentina á ferli sínum. Hann samdi við sitt síðasta lið á ferlinum, Sunder
land, árið 1999 og skrifaði undir fjögurra ára samning. Um þetta leyti komust forsvarsmenn
Sunderland að því að ráðgjafi Schwarz hefði bókað ferðalag út í geim, en fara átti í ferðina
árið 2002. Forsvarsmenn Sunderland höfðu áhyggjur af því að Schwarz myndi slást í för
með ráðgjafanum og settu ákvæði í samninginn sem bannaði honum að fara út í geim.
Engin skíði,
takk fyrir
Norski bakvörðurinn Stig Inge Bjørnebye
gerði garðinn frægan með Liverpool
á tíunda áratugnum. Norðmenn eru
margir hverjir miklir skíðaáhugamenn
og var Bjørnebye þar engin undan
tekning. Faðir hans var mikilsvirtur
skíðastökkvari og keppti meðal annars
á Ólympíuleikum í íþróttinni. Á þeim
átta árum sem Bjørnebye lék með
Liverpool mátti hann ekki
koma nálægt skíðum af
þeirri ástæðu að forsvars
menn Liverpool vildu ekki
að hann slasaði sig. Því var
meira að segja haldið fram
að Bjørnebye mætti ekki koma nálægt
skíðabrekku en líklega er það ekki
sannleikanum samkvæmt.
Nýtt hús á hverju tímabili
Þjóðverjinn Giuseppe Reina kynntist því af eigin raun að það
borgar sig að orða hlutina nákvæmlega þegar samið er við
nýtt lið. Sagan segir að þegar hann samdi við Arminia Biele
feld árið 1996 hafi hann samið á þann veg að hann fengi
nýtt hús fyrir hvert tímabil. Með öðrum orðum þyrfti félagið
að láta byggja nýtt hús fyrir hann. Þar sem hann útlistaði
ekki nákvæmlega hvernig húsið ætti að vera segir sagan að
félagið hafi látið hann hafa lítið hús úr Legokubbum fyrir
hvert tímabil. Reina skoraði 22 mörk í 97 leikjum fyrir Biele
feld áður en hann samdi við Borussia Dortmund árið 1999.