Dagblaðið Vísir - DV - 25.04.2017, Blaðsíða 40

Vikublað 25.–27. apríl 2017
30. tölublað 107. árgangur Leiðbeinandi verð 554 kr. dv.is/frettaskot askrift@dv.is Sími 512 7000
Eða hvort
tveggja!
Sólrún ósátt við
framhjáhalds-
spurningar
n Sólrún Diego er einn vinsæl-
asti snappari landsins. Þús-
undir fylgjast með henni þrífa í
hverri viku. Í raun má segja að
hún hleypi þúsundum ókunn-
ugra inn á heimili sitt reglulega.
Sólrún ákvað að loka fyrir þann
möguleika að fylgjendur gæti
sent henni spurningar og þá
ákvörðun tók hún eftir að hafa
fengið gagnrýni á sig sem móður.
Sólrún opnaði aftur á spurningar
um helgina og segir að sama
skítkastið hafi hafist á ný. Stein-
inn tók úr þegar hún var spurð
hvort framhjáhald hefði átt sér
stað en Sólrún þvertók
fyrir það og kvaðst
hamingjusöm með
sínum manni,
Frans, sem stund-
um má sjá bregða
fyrir á Snapchat-
reikningi Sól-
rúnar.
Gæðahreinsun Þvottahús Dúkaleiga
Fyrirtækjaþjónusta Sækjum & sendum
GÆÐI•ÞEKKING•ÞJÓNUSTA
Góð þjónusta í yfir 60 ár
„Mökkaður“ eða
„útrunninn“?
n Karl Th. Birgisson vakti tals-
verða reiði með ummælum sem
hann lét falla á Facebook-síðu
sinni á föstudagskvöld. Þar virtist
hann gera grín að holdafari Hall-
dórs Halldórsssonar, Dóra DNA,
í þættinum Vikunni með Gísla
Marteini.
„Fékk veruleg ónot þegar Dóri
DNA birtist með fitukeppina sína.
Er í alvörunni enginn sem getur
kennt honum að klæða þetta af
sér,“ spurði Karl meðal annars
sem fékk yfir sig holskeflu af
gagnrýni, meðal annars á Twitter.
Karl dró síðar í land og sagði
að um misheppnað grín hefði
verið að ræða. Það virtist þó ekki
duga öllum og sá tónlistarmaður-
inn Bubbi Morthens ástæðu til að
ausa úr skálum reiði sinnar yfir
Karl. Bubbi sagði á Twitt-
er: „Karl TH drullar yfir
DNA. Þegar drullan
slettist á hann segir
hann djók. Annaðhvort
skrifar hann mökkað-
ur eða þá hann
er útrunninn.
Hvort er?“
Vilja ókeypis námsgögn fyrir
grunnskólanema í Reykjanesbæ
„Mikilvægt réttlætismál,“ segir Helgi Arnarsson, sviðsstjóri fræðslusviðs Reykjanesbæjar
V
onandi fær tillagan brautar-
gengi. Ég hef tröllatrú á því,“
segir Helgi Arnarsson, sviðs-
stjóri fræðslusviðs Reykjanes-
bæjar sem lagði þá tillögu fram á síð-
asta fundi að Reykjanesbær veiti
öllum nemendum í grunnskólum
Reykjanesbæjar nauðsynleg náms-
gögn frá og með næsta hausti.
Vill ókeypis námsgögn
Helgi segir tillöguna mikilvægt rétt-
lætismál. Hún hafi verið í gerjun um
nokkurt skeið en tvö önnur sveitar-
félög á landinu sjá um að útvega
námsgögn fyrir nemendur í sínum
grunnskólum. Það eru Ísafjörður og
Sandgerði.
„Sandgerðingar byrjuðu á þessu
fyrir þetta skólaár. Þeir láta ljóm-
andi vel af þessu og allt hefur geng-
ið vel. Ég veit að þeir eru mjög sáttir
við að hafa riðið á vaðið,“ segir Helgi
og bætir við að sama sé uppi á ten-
ingnum á Ísafirði. „Þeir eru búnir að
vera með þetta fyrirkomulag í ein-
hvern tíma og ætla ekkert að bakka
út úr því.
Vonandi verður þetta samþykkt
og Reykjanesbær verður fyrst af
þessum stærri sveitarfélögum til að
samþykkja þessa breytingu.“
Eiga að njóta jafnræðis
Helgi bendir á að gjaldfrjáls náms-
gögn styðji við barnasáttmála Sam-
einuðu þjóðanna sem Íslendingar
hafa staðfest aðild sína að og Fjöl-
skyldustefnu Reykjanesbæjar. Þetta
skref sé því liður í að vinna gegn mis-
munun barna og styður að öll börn
njóti jafnræðis í námi.
Barnaheill hafa frá árinu 2015
vakið athygli á kostnaði foreldra
vegna innkaupa á námsgögn-
um grunnskólabarna. Samtökin
telja slíkan kostnað töluverðan
bagga á barnafjölskyldum sam-
hliða því að vera í ósamræmi
við barnasáttmála Sameinuðu
þjóðanna. Barnaheill hafa ítrek-
að skorað á yfirvöld að vinna að
þessum breytingum. n
kristin@dv.is
Helgi Arnarsson Vill
að öll börn fái ókeypis
fræðslugögn.
Guðný afþakkaði
afmælisgjafir á
eins árs afmæli
dóttur sinnar
Safnaði þess í stað 250 þúsund krónum fyrir vökudeild Landspítalans
M
ér finnst að foreldrar ættu
oftar að gera eitthvað
svona,“ segir Guðný María
Waage, sem gaf vökudeild
Landspítalans 250 þúsund
krónur sem hún safnaði í tilefni eins
árs afmælis dóttur sinnar, Arnheiðar
Maríu Hermannsdóttur þann 22. apríl
síðastliðinn. Arnheiður fæddist með
lungnaháþrýsting og dvaldi á vöku-
deildinni í þrettán daga áður en hún
þótti nógu hraust til að fara heim með
foreldrum sínum, sem fóru heim
rúmri viku á undan henni.
Afþakkaði áþreifanlegar gjafir
Guðný fékk þá hugmynd að afþakka
áþreifanlegar gjafir og biðja fjölskyldu
og vini þess í stað að styrkja deildina
um síðustu jól. Hún ákvað svo að láta
af þessu verða eftir að langamma Arn-
heiðar stofnaði reikning fyrir mál-
efnið og lagði inn 30 þúsund krónur,
segir hún og bætir við: „Dóttir mín
hefur ekkert við afmælisgjafir að gera.
Henni þykir gjafapappírinn miklu
meira spennandi en það sem svo
leynist í pakkanum.“
Þegar Arnheiður fæddist grun-
aði engan að hún væri með lungna-
háþrýsting. Því þurfti hún að vera í
öndunarvél í viku. „Ég fékk ekki að sjá
hana fyrr en hún var orðin sex klukku-
stunda gömul. Ég fékk hana heldur
ekki í fangið fyrr en hún var orðin
þriggja daga gömul. Þetta var mjög
erfið lífsreynsla og snerti alla í fjöl-
skyldunni.“
Það sem Guðnýju þótti hvað
erfiðast í veikindum dóttur sinnar var
að þurfa að skilja hana eftir á spítal-
anum. „Auðvitað ættu að vera miklu
fleiri foreldraherbergi á spítalanum.
Það tekur afskaplega á að skilja svona
pínulítil kríli eftir. Maður var mættur
eldsnemma á morgnana og svaf
heima með símann í höndinni.“
Endurnýja foreldraherbergið
Peningagjöfin vill Guðný að verði not-
uð til að endurnýja foreldraherbergið
sem þau dvöldu í fyrstu sólarhring-
ana eftir að Arnheiður kom í heiminn.
„Rúmið var pínulítið, afar óþægilegt
sjúkrarúm, og fjarstýringin á sjón-
varpinu var týnd. Það er kominn tími
til að laga þetta.“
Guðný kveðst alls ekki hafa búist
við því að svo há upphæð myndi safn-
ast. „Hjúkrunarfræðingnum, sem tók
á móti okkur, brá líka. Þetta var yndis-
leg stund og ég mæli svo sannarlega
með því að fólk geri eitthvað svona í
stað þess að fylla heimilið af barna-
dóti sem annaðhvort týnist eða
barnið leikur sér ekki með.“ n
Afmælisbarnið Arnheiður afhenti gjöfina
á afmælisdaginn sinn. MyND THorKEll SigVAlDASoN
guðný og Arnheiður Ákvað um síðustu jól að safna fyrir vökudeild
Landspítalans í tilefni af eins árs afmæli Arnheiðar MyND THorKEll SigVAlDASoN
Arnheiður fæddist
með lungnaháþrýsting
MyND FríðA ÁgúSTSDóTTir
Kristín Clausen
kristin@dv.is