Víkurfréttir - 04.12.2003, Blaðsíða 33

VÍKURFRÉTTIR I 49. TÖLUBLAÐ I FIMMTUDAGURINN 4. DESEMBER 2003 I 33
KEFLAVÍK-ÍS
Keflavík vann góðan sigur á ÍS,
68-41, í undanúrslitum Hópbíla-
bikars kvenna. Keflavíkurstúlkur
höfðu forystu allan leikinn og
voru 10 stigum yfir í hálfleik 34-
24. Hjörtur Harðarson var
ánægður með leikinn. „Vörnin
var fín hjá okkur en ég vona að
sóknin batni fyrir næsta leik.”
Stigahæst Keflvíkinga var Erla
Þorsteinsdóttir sem skoraði 18
stig og tók 15 fráköst.
Stella Kristjánsdóttir var stiga-
hæst ÍS með 11 stig.
KR-GRINDAVÍK
Grindavík tapaði fyrir KR í und-
anúrslitum Hópbílabikars
kvenna í DHL-Höllinni, 88:58.
KR mætir því Keflavík í úrslita-
leik keppninnar þann 20. desem-
ber. Pétur Guðmundsson, þjálfari
Grindavíkur, var vonsvikinn að
leik loknum. „Þetta var bara
skelfilegt! Við stóðum okkur
ágætlega í fyrsta leikhluta, en svo
hrundi spilið og leikurinn klárað-
ist fljótlega í seinni hálfleik. Lið-
ið virðist bara ekki ná að rétta sig
af í svona mótlæti nema að Sól-
veig (Gunnlaugsdóttir) stóð sig
eins og hetja og bar liðið uppi
enn einn leikinn.”
Katie Wolfe skoraði 31 stig fyrir
KR og Hildur Sigurðardóttir 25
og tók 14 fráköst.
Sólveig Gunnlaugsdóttir skoraði
22 stig fyrir Grindavík og tók að
auki 10 fráköst.
KEFLAVÍK-CAB MADEIRA
Keflavík bar sigurorð af CAB
Madeira á miðvikudagskvöld
eftir frækilega frammistöðu.
Lokastaðan var 99-88 eftir
mikinn baráttuleik, mjög gott
spil á köflum og óhemju gott
framtak einstakra leikmanna.
Leikurinn var afskaplega jafn
framan af en Madeira-menn
höfðu yfirleitt frumkvæðið. Nick
Bradford bar þó Keflavíkurliðið
áfram og tryggði tveggja stiga
forskot í hálfleik. Í seinni hálfleik
kom loks að því að Keflavík-
urmaskínan hrökk í gang þar
sem sóknirnar voru leiftursnögg-
ar og vörnin setti í lás. Þar fór
fremstur í flokki Sverrir Þór
Sverrisson sem kom af bekknum
og gaf gestunum engin grið.
Keflvíkingar lentu í villuvand-
ræðum undir lokin og misstu Jón
Norðdal og Bradford útaf með
fimm villur. Þá fór loks að sjást
til stjörnuleikmanns Madeira,
Nate Johnston, og félaga hans
Ken Leeks, sem fram að þessu
hafði bara verið sóun á plássi á
vellinum. Keflvíkingar sýndu af
sér mikla seiglu í lokin og héldu
haus í sókninni og börðust af
miklu kappi í vörninni þar sem
fyrrnefndur Sverrir Þór fór
fremstur í flokki.
Falur Harðarson var í sjöunda
himni í leikslok. „Þetta var bara
helvíti gott! Við sýndum bara frá-
bæran fókus í erfiðum leik.
Menn voru greinilega með það á
hreinu hversu mikilvægur þessi
leikur er fyrir okkur. Það er líka
alveg frábært að vera búinn að
vinna tvo heimaleiki í röð og
möguleikar okkar til að komast
upp eru alveg prýðilegir ef við
höldum áfram á sömu braut.”
Guðjón Skúlason tók í sama
streng. „Við erum með betra lið
en þeir og eigum að vinna þá án
mikilla erfiðleika. En ég er sér-
staklega ánægður með vörnina
sem stóð sig mjög vel gegn svo
mikið stærri leikmönnum.” Að-
spurður játaði Guðjón því að það
væri erfitt að standa á hliðarlín-
unni í svona leik, „En ég stend
bara hérna og garga mig hásan í
staðinn”, sagði Guðjón og hló.
Nate Johnston, einn besti leik-
maður Portúgalanna, var ekki
sérstaklega skilvirkur í leiknum. Í
viðtali við Víkurfréttir sagðist
hann ekki vera sáttur við úrslitin.
„Við vorum ekki að spila mjög
vel, en Keflvíkingar eiga allan
heiður skilinn því þeir komu til
leiks og gerðu það sem til þurfti
og unnu leikinn á endanum.”
Þegar Johnston var spurður út í
möguleika Madeira á því að
komast upp úr riðlinum var hann
ennþá bjartsýnn. „Þetta er ekki
búið. Keflavík á enn eftir að
koma á okkar heimavöll og þeir
fá ekki betri móttökur þar en við
fengum í kvöld.”
Stigahæstir Keflavíkur: Bradford
(29 stig, 12 fráköst), Allen (18
stig) og Falur (16 stig)
Stigahæstir Madeira: Gimenez
(20 stig, 4 þristar), Johnston (15
stig, 8 fráköst) og Termens (15
stig).
■Karfan / Evrópukeppni bikarhafa
HAUKAR-NJARÐVÍK
Njarðvík vann góðan útisigur á
sterku Haukaliði í Intersport-
deildinni á fimmtudaginn. Sig-
urinn var ákaflega sálrænn þar
sem Njarðvík hafði ekki unnið
Hauka í langan tíma.
Njarðvíkingar voru við stjórn-
völinn allan tíman og sigurinn
var aldrei í hættu. Friðrik Ragn-
arsson var ánægður með að hafa
loks bundið enda á sigurgöngu
Haukanna. „Þetta var alveg
ágætur leikur. Við höfðum tak á
þeim allan tímann og spiluðum
góða vörn. Þetta var enginn
glansleikur hjá okkur en við
kláruðum hann og þá er þessi
Grýla líka dauð!”
Fyrir fram var vitað að Njarð-
víkingar þyrftu að hafa góðar
gætur á hinum feikiöfluga mið-
herja Haukanna, Michael
Manciel. Hann hefur tekið flest
fráköst allra í deildinni og skor-
að 27 stig að meðaltali í leik.
Friðrik Stefánsson fékk það
hlutverk og leysti með prýði.
„Frikki var mjög góður í kvöld,”
sagði þjálfarinn. „Hann batt
vörnina saman og var fínn í
sókninni líka. Manciel er alger
boli, en Frikki er engin smá-
smíði heldur þannig að þetta var
bara stál í stál.”
Stigahæstir Njarðvíkur:
Brandon (20 stig, 9 fráköst),
Páll (16 stig) og Brenton (16
stig, 9 fráköst).
Stigahæstir Hauka: Manciel (21
stig, 12 fráköst) og Marel (11
stig).
GRINDAVÍK-KEFLAVÍK
Grindavík hélt sigurgöngu sinni
í Intersport-deildinni áfram á
mánudaginn og bar sigurorð af
Keflavík 92-90 á heimavelli sín-
um. Grindvíkingar voru yfir all-
an leikinn og höfðu 18 stiga for-
ystu í hálfleik 52-34. Keflvík-
ingar sóttu þó í sig veðrið undir
lokin en náðu ekki að skáka
heimamönnum.
Falur Harðarson var ómyrkur í
máli að leik loknum. „Við spil-
uðum einfaldlega ömurlega í
fyrri hálfleik. Það er alveg óaf-
sakanlegt að mæta ekki tilbúnir
í þennan leik. Við erum ekkert
of góðir til þess að leggja eitt-
hvað á okkur þegar við sækjum
Grindavík heim.”
Friðrik Ingi hjá Grindavík var
öllu sáttari við úrslit leiksins.
„Við byrjuðum þennan leik
mjög vel. Mínir menn voru að
voru að spila afbragðs fyrri
hálfleik þar sem við spiluðum
góða vörn og vorum áræðnir í
sókninni.”
Grindvíkingar náðu mest 22
stiga forystu í fyrri hálfleik en
svo var eins og botninn dytti úr
spilinu hjá þeim og Keflvíking-
ar gengu á lagið. „ Keflvíkingar
fóru að taka sénsa og komust
aftur inn í leikinn á meðan við
bökkuðum of mikið og reynd-
um að halda fengnum hlut, sem
gengur engan veginn upp gegn
liði eins og Keflavík. Þetta var
tæpt undir lokin, en við unnum
sanngjarnan sigur.”
Stigahæstir Keflvíkinga voru
Derrick Allen, sem skoraði 28
stig og tók 12 fráköst, og Falur
sem setti 24 stig, þar af 7 þrigg-
ja stiga körfur.
Darrel Lewis var stigahæstur
Grindvíkinga með 36 stig og 12
fráköst. Páll Axel Vilbergsson
kom næstur með 23stig og þá
Daniel Trammel, sem skorði 18
stig og tók 16 fráköst.
Að leik loknum er Grindavík
enn í efsta sæti deildarinnar
með 16 stig en Keflavík hefur
10 stig í fjórða sæti á eftir erki-
fjendunum úr Njarðvík og Snæ-
fellingum, sem hafa staðið sig
með mikilli prýði í vetur.
■ Intersport-deildin í körfuknattleik / síðustu leikir
Grindvíkingar
óstöðvandi!
■Hópbílabikarinn
Góður sigur
Keflavíkur
VF 49. tbl.03/ 40pages 3.12.2003 4:49 Page 33