Víkurfréttir - 16.12.2004, Qupperneq 45

VÍKURFRÉTTIR Jólablað 1 I 51. TÖLUBLAÐ 2004 I FIMMTUDAGURINN 16. DESEMBER 2004 I 45
Sýn ing in var að þessu sinni með sögusniði þar sem ung stúlka spurði afa
sinn um hitt og þetta er tengist
jólunum og voru atriðin svo í
samræmi við það. Opnunar-
og lokaatriðin voru einstaklega
glæsileg en í því fyrrnefnda
voru Norðurljósin túlkuð á
frumlegan hátt og í því síðar-
nefnda komu allir iðkendur
deildarinnar fram í fallegum
dansi við lagið „Hin fyrstu jól”
í flutningi Ragnheiðar Grön-
dal. Það er ekki laust við að tár
hafi læðst niður vanga sumra
sýningagesta og jólafriðurinn
lagst yfir íþróttahúsið.
Íris Dröfn Halldórsdóttir, yfir-
þjálfari deildarinnar, var sýning-
arstjóri þetta árið en hún er eng-
inn nýgræðingur því hún hefur
haldið utan um þó nokkrar
jólasýningar við góðan orðstýr.
„Undirbúningurinn stóð yfir í
um þrjár vikur. Við gerum alltaf
miklar kröfur til okkar og á
hverju ári viljum við gera sýn-
inguna stærri og flottari”, sagði
Íris og var að vonum ánægð
með afraksturinn. Magdalena,
formaður deildarinnar, sagði
aðsókn á sýninguna hafa auk-
ist ár frá ári og í þetta skiptið
voru um 900 manns í hús-
inu. Sýningin er aðalfjáröflun
deildarinnar og allir iðkendur,
auk flestra þjálfara, tóku þátt í
henni, svo aldursbil þeirra sem
fram komu var 4ra til 28 ára.
Að sýningu lokinni var boðið
upp á veitingar sem stjórnar-
meðlimir og foreldrar sáu um.
Nokkur fyrirtæki í Reykjanesbæ
styrktu félagið með matföngum
t.d. Samkaup, Sigurjóns bak-
arí, Ragnars bakarí, Kaffi tár
og fl. „Það fer gífurleg vinna í
þessa sýningu og ég vil koma á
framfæri þökkum til þjálfara,
iðkenda og foreldra þeirra,
auk styrktaraðila okkar”, sagði
Magdalena.
Þær stöllur segja undir-búning sýningarinnar hafa verið mikinn og
Lára segist hafa verið svolítið
stressuð en Elísa var heldur ró-
legri. Hópurinn þeirra sýndi
dans auk þess sem hann tók
þátt í opnunar- og lokaatrið-
inu. Þær hlökk uðu báð ar
mikið til að sýna en þetta var í
fimmta skiptið sem Lára sýndi
en fjórða skipti Elísu. „Það er
rosalega gaman að sýna á jóla-
sýningunni. Maður fer í svo
mikið jólastuð”, segir Elísa.
Lára tekur undir það og bætir
við: „Við vit um ekki hvað
komu margir en við vonum að
fólk hafi skemmt sér.”
Þær er u í hópi Tinnu Káradóttur sem tók þátt í tveimur atriðum á sýn-
ingunni. „Við sýndum eitt at-
riði með hónum okkar, sem var
við jólalag með Jóhönnu Guð-
rúnu og eitt með öllum hinum
hópunum í lokaatriðinu”, segir
Sandra Ósk. „Við erum búnar
að æfa lengi fyrir sýninguna og
það hefur verið svolítið mikið
að gera”, bætir Karolína við.
Þær hafa báðar sýnt áður á jóla-
sýningu fimleikadeildarinnar
og finnst það mjög skemmti-
legt. Þær eru sammála um að
flott ljós og fólkið sem horfir
á geri það svona skemmtilegt
að sýna.
Karolína Margrét Baldursdóttir
og Sandra Ósk Aradóttir eru átta
ára fimleikaskvísur.
Með í tveimur atriðum
Elísa Sveinsdóttir og Lára Júlí-
ana Hallvarðsdóttir eru báðar
tólf ára og eru í einum af eldri
hópum deildarinnar. Þjálfarinn
þeirra er Berglind Skúladóttir.
Fer í mikið jólastuð