Víkurfréttir - 16.12.2004, Blaðsíða 51

VÍKURFRÉTTIR Jólablað 1 I 51. TÖLUBLAÐ 2004 I FIMMTUDAGURINN 16. DESEMBER 2004 I 51
Fyrirtækið SBK sendi ekki jólakort til viðskiptavina og velunnara í ár heldur var ákveðið að láta peningaupphæð
í Sty rktarsjóð Vilhjálms Ketilssonar og
Myllubakkaskóla.
Einar Steinþórsson, framkvæmdastjóri SBK
afhenti Sigrúnu Ólafsdóttur, ekkju Vilhjálms,
ávísun að upphæð 35 þús. kr. „Þessi hugmynd
kom upp að nýta frekar þessa peninga til að styrkja
eitthvað gott málefni og varð Minningarsjóður
Vilhjálms fyrir valinu“, sagði Einar.
Sigrún þakkaði Einari kærlega fyrir en Vilhjálmur
Ketilsson var m.a. yfirmaður SBK þegar hann var
bæjarstjóri árin 1986-88 í Keflavík og hafði sterkar
taugar til fyrirtækisins þegar hann var á lífi.
Veitt var út Minningarsjóði Vilhjálms í fyrsta
sinn sl. vor við skólaslit í Myllubakkaskóla þar
sem hann var skólastjóri í 28 ár. Veitt verður úr
sjóðnum árlega til nemenda eða málefna tengd
skólanum eða skólamálum í Reykjanesbæ.
Minningarkort sjóðsins eru til sölu í Bókabúð
Keflavíkur/Pennanum og hjá Víkurfréttum.
SBK styrkir Minningarsjóð
Vilhjálms Ketilssonar