Víkurfréttir - 11.12.2014, Blaðsíða 32
32 fimmtudagurinn 11. desember 2014 • VÍKURFRÉTTIR
Suð-vestan ofsaveður gekk yfir Suðurnes um mánaða-
mótin með tilheyrandi eigna-
tjóni. Þrátt fyrir ofsann í veðrinu
varð ekkert stórtjón þó víða hafi
orðið skemmdir. Björgunar-
sveitirnar skipa lykilhlutverk í
aðstæðum eins og sköpuðust þá.
Víkurfréttir fylgdu eftir einum
björgunarflokki frá Björgunar-
sveitinni Suðurnes í óveðrinu og
eru myndirnar með þessari um-
fjöllun úr útkallinu. Við ræddum
einnig við Harald Haraldsson,
formann björgunarsveitarinnar.
Sérhæfð í fjöldahjálp
Björgunarsveitin Suðurnes er ein
af aðildarsveitum Slysavarnafélags-
ins Landsbjargar. Í sveitinni starfa
tugir sjálfboðaliða sem eru tilbúnir
í útkall allan sólarhringinn, alla
daga ársins. Það sem greinir Björg-
unarsveitina Suðurnes frá öðrum
björgunarsveitum er að hún hefur
sérhæft sig í fjöldahjálp og fyrstu
hjálp.
„Við erum mjög vel búin björg-
unarsveit fyrir hópslys og höfum
sérhæft okkur á þeim vettvangi,“
segir Haraldur Haraldsson, for-
maður Björgunarsveitarinnar
Suðurnes, í viðtali við Víkurfréttir.
Helsta ástæða þess að sveitin
hefur sérhæft sig í hópslysum er
nálægðin við Keflavíkurflugvöll.
Haraldur segir þó að sveitinni séu
engin takmörk sett og hún sinni
verkefnum um allan Reykjanes-
skagann og víðar ef óskað er eftir
liðsinni sveitarinnar.
„Við förum með búnaðinn okkar
þar sem hans er þörf. Við erum
með sérstakan krókheysisbíl sem
er sérútbúinn forgangsakstursbíll
með gámi sem hefur að geyma
allan okkar búnað til að takast á
við hópslys“.
Gott að geta undirbúið útköll
Haraldur segir að starfið í björg-
unarsveitinni sé skemmtilegt og
krefjandi. Hver einasti dagur sé
með þéttskipaðri dagskrá. Fundir,
æfingar, æfingaferðir. Starfið
blómstri um þessar mundir. Hjá
björgunarsveitinni er rekið öflugt
nýliðastarf. Í nánu samstarfi við
Björgunarsveitina Suðurnes er
starfandi slysavarnadeildin Dag-
björg og einnig unglingadeildin
Klettur.
Um síðustu mánaðamót gekk mjög
djúp lægð yfir landið með veður-
ofsa. Björgunarsveitin Suðurnes
sinnti þar tugum útkalla í Reykja-
nesbæ. Aðspurður um hvernig
starfið í óveðrinu hafði gengið,
svaraði Haraldur:
„Þegar maður veit með fyrirvara
að útköllin koma, þá getur maður
undirbúið sig örlítið betur. Við
byrjuðum á að fara í BYKO og
byrgja okkur upp af timbri og plasti
og eiga aðeins meira af því en vana-
lega. Svo er farið í undirbúning og
farið yfir hvað við höfum af mann-
skap. Honum er skipað niður í
hópa og gera klárt fyrir óveðrið.
Það þarf að huga að ýmsu. Það þarf
til dæmis að gefa öllu þessu fólki
að borða. Slysavarnadeildin sér um
það verkefni. Við erum með mjög
öfluga svæðisstjórn hér á Suður-
nesjum sem útdeilir okkur verk-
efnum í gegnum fjarskipti“.
Haraldur segir að björgunar-
sveitinni hafi gengið vel að takast
á við fjölda útkalla sl. sunnudag.
Verkefnin hafi verið fjölmörg og
fjölbreytt. Sum voru leyst auðveld-
lega á meðan önnur kröfðust sér-
tækra úrræða. Klæðningar losnuðu
af húsum, þakjárn fuku og rúður
brotnuðu.
Öflugt unglingastarf
Allir sem fara í útköll með björg-
unarsveit þurfa að fara í gegnum
ákveðna þjálfun. Að jafnaði tekur
þessi þjálfun 18 mánuði hjá Björg-
unarskólanum. Svo öðlast björg-
unarsveitarfólk mikla reynslu með
því að starfa á vettvangi. Björg-
unarsveitin Suðurnes er einn-
ig með prógramm fyrir 25 ára og
eldri sem eru komnir með ákveðna
lífsreynslu og ekki á sama stað í líf-
inu og unglingar á aldrinum 15-17
ára og eru að koma til starfa innan
björgunarsveita.
Unglingastarf innan björgunar-
sveitarinnar er öflugt í Reykja-
nesbæ en á vegum sveitarinnar
er rekin unglingadeildin Klettur
sem er í góðu samstarfi við grunn-
skólana í Reykjanesbæ.
„Það er mjög gott starf sem þau eru
að vinna og hefur m.a. forvarna-
gildi og er bætandi fyrir unglinga
að taka þátt í skipulögðu unglinga-
starfi“.
Tvinna saman vinnu
og björgunarstörf
– Nú eruð þið nokkur í Björg-
unarsveitinni Suðurnes sem náið
að tvinna saman ykkar atvinnu
og svo starfið innan björgunar-
sveitarinnar. Hér eru lögreglu-
menn, sjúkraflutningamenn og
slökkviliðsmenn. Hvernig fer þetta
saman?
„Þetta fer mjög vel saman. Það er
mjög góð tenging hjá Björgunar-
sveitinni Suðurnes inn í Bruna-
varnir Suðurnesja og líka til lög-
reglustjóraembættisins á Suður-
nesjum og samstarfið þarna á
milli er mjög gott. Við erum með
einstakt samstarf við Brunavarnir
Suðurnesja og líka lögregluna. Í
Björgunarsveitinni Suðurnes eru
fjölmargir fullmenntaðir sjúkra-
f lutningamenn og það nýtist
björgunarsveitinni í sínu starfi og
sérstaklega í fyrstuhjálparhópum
sveitarinnar“.
Haraldur segir það ekki á eins
manns færi að reka björgunarsveit.
Það sé stór og kröftugur hópur á
bakvið það verkefni. Framundan
er einnig mikilvægasta fjáröflun
sveitarinnar sem er flugeldasala nú
fyrir áramótin. Starf Björgunar-
sveitarinnar Suðurnes er alfarið
rekið fyrir tekjur af sölu flugelda
og eins Neyðarkallsins, sem seldur
er á haustin.
„Við þurfum að sækja allar okkar
tekjur. Það koma engin um-
slög til okkar mánaðarlega full af
peningum. Öll okkar útgjöld eru
greidd af þeim peningum sem
við fáum í þessum tveimur fjár-
öflunum sem skipta okkur miklu
máli,“ segir Haraldur Haraldsson,
formaður Björgunarsveitarinnar
Suðurnes í viðtali við Víkurfréttir.
■■ Björgunarsveitir höfðu í nógu að snúast í óveðrinu um síðustu helgi:
Brotnar rúður og fjúkandi þakjárn
– meðal verkefna Björgunarsveitarinnar Suðurnes
-viðtal pósturu hilmar@vf.is