Fréttatíminn - 17.02.2017, Blaðsíða 4

hollur kostur á 5 mín.
Gríms fiskibollur
4 | FRÉTTATÍMINN | Föstudagur 17. febrúar 2017
Hælisleitendur „Lögreglan gaf
honum engar leiðbeiningar þegar
hann kom á flugvöllinn. Hann fékk
bara skjal þar sem honum var sagt
að hann þyrfti að ferðast til Bari til
þess að fá dvalarleyfi,“ segir ítalska
fréttakonan Marta Cioncoloni sem
hefur skotið skjólshúsi yfir Amir
Shokrogoza í Mílanó. Eins og fram
hefur komið var Amir vísað frá
Íslandi til Ítalíu í byrjun febrúar,
en hann sótti um hæli eftir að hafa
flúið Íran sökum kynhneigðar
sinnar.
Valur Grettisson
valur@frettatiminn.is
Útlendingastofnun vísaði Amir frá
landi á grundvelli Dyflinnarreglu-
gerðarinnar þar sem hann fékk
dvalarleyfi á Ítalíu þegar hann kom
þangað árið 2010. Þar dvaldi hann
í um ellefu mánuði, eða skemur en
hann bjó hér á landi. Dvalarleyfi
hans er útrunnið á Ítalíu, en það
breytti því ekki að Útlendingastofn-
un taldi að hann þyrfti að ljúka um-
sóknarferlinu þar í landi.
Amir hefur myndað sterk tengsl
hér á landi en hann hyggst giftast ís-
lenskum unnusta sínum þegar tæki-
færi gefst, en þeir fengu ekki leyfi til
þess að giftast áður en honum var
vísað úr landi. Þá var hann hand-
tekinn óvænt fyrir utan geðdeild
Landspítalans í byrjun febrúar þar
sem hann hafði dvalið í tvo daga
vegna mikils þunglyndis, og í kjöl-
farið vísað úr landi í lögreglufylgd.
„Ég hitti Amir í gegnum vinnuna
mína í Mílanó,“ útskýrir Marta sem
starfar hjá ítölsku sjónvarpsstöðinni
La7. Hún segir að það hafi slegið sig
hversu ráðvilltur og óttasleginn
hann var en þá var hann heimilis-
laus og skildi ekki hvers var ætlast
til af honum.
„Hann var mjög líklegur til þess
að enda á götunni áður en hann
áttaði sig á því að hann þyrfti að
finna flóttamannamiðstöð,“ segir
Marta.
Marta segir málefni flóttamanna
á Ítalíu vera í ólestri. „Margir hæl-
isleitendur þurfa að sofa á götun-
um vegna þess að flóttamannamið-
stöðvar eru að hruni komnar vegna
mikils álags,“ segir Marta. „Svo eru
ítök ítölsku mafíunnar sterk og mik-
il spilling sem henni fylgir varðandi
flóttamannamál. Þá hafa margir
hælisleitendur framið sjálfsmorð
undanfarið,“ útskýrir hún en maf-
ían hefur hagnast gífurlega á flótta-
mannavandanum og smygli á fólki
til Ítalíu.
Hún segir ítalska kerfið hægvirkt,
en Amir þarf líklega að bíða í 6-9
mánuði eftir dvalarleyfi. Á þeim
tíma má hann ekki vinna. „Svo er
það óbærilegt að fá ekki að aðlagast
samfélaginu. Það kemur því ekki á
óvart að hælisleitendur detti í djúpt
þunglyndi, enda er komið fram við
þá eins og hvert annað rusl,“ segir
hún ómyrk í máli.
Amir var brotinn þegar blaða-
maður ræddi við hann símleiðis.
Hann segist eiga erfitt með að sofa
og að hann fái enga læknishjálp
þar sem hann sé ekki skráður inni
í kerfið. Eins og fram hefur kom-
ið var hann handtekinn fyrir utan
geðdeild Landspítalans eftir tveggja
daga dvöl þar. Honum var svo vísað
úr landi morguninn eftir með nán-
ast engan farangur og nokkrar upp-
áskrifaðar töflur frá geðlækni sem
hann fékk við útskriftina.
Þá lýsir Andri Snær Magnason rit-
höfundur, sem hitti Amir úti á Ítal-
íu, að hann hefði verið með áverka
eftir átök við lögregluna á Íslandi,
en hann mun hafa streist á móti
handtökunni. Hann mátti svo dúsa
berstrípaður í fangaklefa vegna ótta
um að hann myndi skaða sig sjálfan.
Hann hafi verið allslaus og með raf-
magnslausan síma.
Amir segist ekki vilja fara í flótta-
mannabúðirnar í Abir, sem er syðst
á Ítalíu, en Mílanó er nyrsta borgin.
Hann var beittur hrikalegu kyn-
ferðislegu ofbeldi í flóttamannabúð-
um á Ítalíu árið 2010 en þá var hon-
um hópnauðgað. Hann tilkynnti
um árásina til lögreglu, en málið
var aldrei rannsakað.
Nú leitar Amir að nýju húsnæði
þar sem hann getur ekki dvalið hjá
Mörtu til lengri tíma. Hann segist
ekki vongóður, enda þarf hann að
bíða í nokkra mánuði eftir að kom-
ast inn í ítalska kerfið.
„Ég er bara verulega illa haldinn.
Ég sakna unnusta míns og þrái bara
að sameinast honum aftur,“ segir
Amir.
Jafnrétti Þrátt fyrir að Sigríð-
ur Margrét Oddsdóttir, fram-
kvæmdastjóri Já, hafi langa
reynslu af stjórnun, starfar hún
eftir samskiptaáætlun fyrirtæk-
isins, sem miðar að því að hún sé
minna í forsvari fyrir fyrirtækið í
fjölmiðlun. Viðskiptaleg ákvörðun,
segir hún.
Þóra Tómasdóttir
thora@frettatiminn.is
Sigríður Margrét Oddsdóttir komst
ung í ábyrgðarstöður í atvinnulífinu
og varð fyrsti kvenkyns sjónvarps-
stjóri á Íslandi, aðeins 31 árs. Þrátt
fyrir langa reynslu hennar er það
mat stjórnar Já, að best sé að fleiri
en hún tali fyrir hönd fyrirtækisins
í fjölmiðlum.
„Við höfum tekið ákvörðun um
að sýna breidd og fjölbreytileika
enda ekki æskilegt að ein mann-
eskja verði táknmynd fyrirtækisins.
Það eru megin ástæður þess að fleiri
en ég koma fram opinberlega fyrir
hönd fyrirtækisins. Auk þess á fólk
erfiðara með að meðtaka það þegar
konur eru í forsvari fyrir erfið mál í
rekstrinum. Rótgrónar staðalímynd-
ir kvenna gera það að verkum að við-
brögð fólks verða harkalegri ef kona
ver umdeildar ákvarðanir, svo sem
hagræðingu.“ Hún viðraði skoðun-
ina í viðtalsbókinni Forystuþjóð
sem fjallar um jafnréttismál.
Þar segir hún meðal annars;
„Þessi rótgróna staðalmynd
konunnar um að hún sé mjúk,
móðurleg og blíð gerir kon-
um erfiðara fyrir í sumum
málum. Þegar við heyr-
um neikvæðar fréttir
af fyrirtækjum, eins
og til dæmis umfjöll-
un um uppsagnir,
þá meðtökum við
þær á annan hátt
ef það er kona
sem stendur fyr-
ir þeim en karl....
Það er hreinlega ekkert
móðurlegt við það að
segja upp fólki.“
Sigríður Margrét
nefnir nærtækt dæmi
þegar fyrirtæki henn-
ar, Já, ákvað að loka
starfsstöð sinni á Ak-
ureyri og þurfti að
útskýra aðgerðirn-
ar opinberlega. Í kjölfarið fylgdu upp-
sagnir og neikvæð fjölmiðlaumfjöll-
un. „Ég bjó sjálf á Akureyri og mér
þykir mjög vænt um bæinn. Þetta var
erfið ákvörðun sem var tekin að vel
ígrunduðu máli. Þessu fylgdi ályktun
frá bæjaryfirvöldum og greinaskrif
þar sem meðal annars Félag kvenna í
atvinnurekstri var skammað fyrir að
veita fyrirtæki okkar viðurkenningu.
Það fór í illa í fólk að kona væri að
segja upp konum. Ég man ekki eftir
svona viðbrögðum við sambærileg-
um fréttum. Það er óhjákvæmilegur
hluti af fyrirtækjarekstri að hagræða
þegar þarfir viðskiptavina og mark-
aðir breytast.“
Þykja ómóðurlegar í umdeildum málum
„Það er hreinlega
ekkert móðurlegt
við það að segja
upp fólki,“ segir
Sigríður Margrét
Oddsdóttir. Mynd |
Íris Dögg Einarsdóttir
Ítölsk fjölmiðlakona
hýsir allslausan Amir
„Við erum nefnilega
líka Trump“
„Hann bar sig illa og var aum-
ur í öllum skrokknum, svo var
hann sár og niðurbrotinn,“ sagði
rithöfundurinn Andri Snær
Magnason sem var staddur í
Mílanó í byrjun febrúar þegar
neyðarkall barst þar sem óskað
var eftir því að einhver á svæð-
inu var beðinn um að koma
Amir til aðstoðar eftir að hon-
um hafði verið vísað úr landi í
lögreglufylgd. Andri Snær var
staddur í borginni vegna nor-
rænnar menningarviku, þegar
hann sá neyðarkallið, og ákvað
að bregðast við því.
„Ég hitti hann á kaffihúsi og
bauð honum í hádegismat,“
sagði Andri Snær sem bætir við
að Amir hafi verið afar ráðvilltur
þegar þeir hittust. Andri var
honum innan handar og kom
honum í samband við ítalskan
mannréttindalögmann.
Andra er misboðið yfir með-
ferðinni á Amir og hælisleitend-
um og sagði í færslu á Facebook
að hann myndi ekki gagnrýna
Donald Trump og fasískar
tilhneigingar hans fyrr en Ís-
lendingar væru búnir að taka
til í sínum eigin ranni. Þannig
skrifaði hann: „Í hörðum heimi
eigum við ekki að vera aflið
sem brýtur niður fólk með
járnhnefa. Ég mun ekki mæla
styggðaryrði um Trump fyrr
en Amir er kominn í fang
kærasta síns, við
erum nefni-
lega líka
Trump.“
Söfnun er hafin fyrir Amir
en það er unnusti hans og að-
standendur sem standa fyrir
henni. Hægt er að leggja inn
á reikninginn 0370  26  163.
Kennitalan er 01 05 70  3449.
Andri
Snær
og Amir
hittust í
byrjun
febrúar.
Amir er allslaus úti í Mílanó og þarf að koma sér syðst til Abir á eigin vegum.
Marta Cioncoloni er ítölsk fjölmiðla-
kona sem hefur aðstoðað Amir.
Eldar fyrir
lávarða
Matarpólitík Garðar Agnarsson
matreiðslumeistari eldar mat í
breska þinginu. Kúnnarnir eru
meðlimir og starfsfólk við bresku
lávarðadeildina.
„Nú veit ég hvað stéttskipting þýð-
ir,“ segir Garðar Agnarsson mat-
reiðslumeistari sem nú eldar mat
við lávarðadeildina bresku. „Hér
verða starfsstúlkurnar að kalla
viðskiptavinina „my lord“ eða
„my lady.““
Garðar, sem hefur verið bú-
settur í London síðustu ár, hóf
störf í þinghúsinu í fyrra. Fljótlega
var hann beðinn um að sækja um
stöðu yfirmanns. Við tók langt og
strangt umsóknarferli þar sem
farið var vandlega yfir öryggis-
mál, enda mikið lagt upp úr þeim
í þinginu.
Garðar segir að þingmönnum
lávarðadeildarinnar standi ýmis
matur til boða, en salir þeirra eru
algjörlega aðskildir frá neðri deild
þingsins. „Hér eru margir í eldri
kantinum þannig að ég þarf að sér-
hæfa mig í hefðbundnum breskum
mat, bökum, kássum og búðing-
um.“ | gt
Garðar Agnarsson ber fram Haggis á
Burns-hátíð á dögunum.