Fréttatíminn - 17.02.2017, Blaðsíða 46

6 FÖSTUDAGUR 17. FEBRÚAR 2017MATARTÍMINN
Bragðgóðir og hollir
fiskréttir í Borgartúni
Mikið líf er í nýrri verslun Fylgifiska í Borgartúni þar sem hægt er
að fá heitan mat í hádeginu og gómsæta fiskrétti á leiðinni heim á kvöldin.
Unnið í samstarfi við Fylgifiska.
Við fengum strax rosa-lega góðar móttökur hér, þetta er verulega skemmtileg staðsetn-
ing. Hér er mikið líf og við höf-
um fengið mikið af nýju fólki til
okkar. Gömlu kúnnarnir okkar af
Suðurlandsbrautinni fylgdu okkur
líka margir hingað og aðrir fóru í
staðinn í verslun okkar í Kópavog-
inum,“ segir Guðbjörg Glóð Loga-
dóttir, einn eigenda Fylgifiska.
Fylgifiskar opnuðu nýja verslun
í Borgartúni 26, á milli Vínbúðar-
innar og 10-11, síðasta sumar og
hefur verslunin mælst mjög vel
fyrir. Fylgifiskar höfðu um árabil
verið til húsa við Suðurlandsbraut
en Guðbjörg Glóð er ánægð með
nýja staðinn. Þar er enda hlýleg
stemning og frábær salur þar sem
hægt er að borða í hádeginu.
„Okkar mottó er eftir sem áður
að létta fólki lífið með hollan mat.
Við erum með mikið úrval af fisk-
réttum sem fólk getur tekið með
sér heim. Þeir eru allir unnir frá
grunni af fólkinu okkar og eru
bæði fljótlegir að elda og bragð-
góðir og hollir. Það veitir ekki af
að fá smá ómega í kroppinn,“ seg-
ir Guðbjörg Glóð.
Hver er vinsælasti rétturinn til
að taka með sér heim?
„Það er sesambleikjan. Hún er
vinsælust ár eftir ár.“
Í Fylgifiskum er einnig hægt
að kaupa hefðbundinn ferskan
fisk. Þá er þar að finna ýmiskon-
ar meðlæti og sælkeravörur. „Við
sjáum um alla máltíðina kjósi fólk
það. Við erum með kartöflur og
grænmeti og mikið af gúrmet-vör-
um eins og krydd, sultur, balsamic
og fleira. Við flytjum inn megnið
af þessum vörum sjálf og leggj-
um mikið upp úr því að þetta séu
gæðavörur.“
Hádegisverðurinn á Fylgifisk-
um er rómaður og í Borgartún-
inu er jafnan þétt setið í salnum.
„Við erum með fiskrétti dagsins
og rjúkandi góðar fiskisúpur. Við
erum alltaf með eitthvað nýtt og
spennandi á boðstólum,“ segir
Guðbjörg Glóð.
Auk verslananna í Borgartúni
og Kópavogi reka Fylgifiskar líka
fyrirtækjaþjónustu. „Þá panta
fyrirtæki mat frá okkur sem ann-
að hvort er heitur og tilbúinn á
borðið eða kaldur og fólk eldar
hann sjálft. Það eru margir sem
vilja gera vel við starfsfólkið sitt
og gefa þeim fisk í hádeginu. Svo-
kallaðan „brain food“. Við höfum
verið að þjónusta alls konar hópa,
bæði stóra sem smáa.“
Í verslun Fylgifiska í Borgartúni
er mikið úrval af ferskum fiski og
tilbúnum fiskréttum. Þar er einnig
hægt að fá allskonar meðlæti og
sælkeravörur.
Íslenskur matur að hætti
Ísafold Restaurant
Veitingastaðurinn Ísafold Restaurant á Centerhotel Þingholti býður ekki
aðeins upp á mat sem er einstaklega bragðgóður og borinn fallega fram,
heldur einnig mat sem búinn er til úr íslensku gæða hráefni, beint frá býli.
Unnið í samstarfi við
Centerhotel Þingholt
Ísafold er einnig staður til að dreypa á ljúffengum kokteil-um áður en haldið er út á lífið, smakka á nýjungum og njóta sín
í fallegu umhverfi hvort sem það er
í hádeginu eða að kvöldi til.
Íslenska hráefnið er í fyrirrúmi á
Ísafold og segir Björn Ágúst Hann-
esson, yfirmatreiðslumaður Ísa-
foldar að það skeri sig úr. „Græn-
metið er bragðmeira því það fær að
vaxa lengur á plöntunni og bragðið
á íslenska lambinu er til komið af
fjallaröltinu og kryddjurtunum sem
það nærist á. Við notum sousvide
eldunaraðferðina til að halda í sem
mest af bragðinu af þessu einstaka
hráefni.“
Ísafold býður upp á úrval rétta á
hádegis-, og kvöldverðarseðlinum
sínum sem einnig er á einstaklega
góðu verði. „Við viljum að fólk geti
notið þess að fá góðan íslensk-
an mat á viðráðanlegu verði,“ segi
Jökull Alexander Egilsson, hótel-
stjóri Centerhotel Þingholt.
„Við erum sífellt að gera eitthvað
nýtt,“ segir Jökull. Í hverri viku er til
dæmis nýr réttur á matseðli sem er
kokkaréttur vikunnar. „Í eldhúsinu
keppist fólk við að koma með nýja
rétti og hljóta heiðurinn af því að
eiga þennan rétt vikunnar. Bæði er
þetta skemmtilegt fyrir kokkana að
fá að spreyta sig á þennan máta og
þá sem borða hjá okkur reglulega
og fá þá sífellt eitthvað nýtt að
smakka á,“ segir Jökull.
Aukin eftirspurn er eftir vegan-
réttum og glúten- og laktósfríum
mat sem Ísafold mætir með aukinni
fjölbreytni á matseðli. Má þar nefna
spagettírétt þar sem spagettíið er
ekki hið hefðbundna pasta heldur
sætkartöflur rifnar í langa strimla.
Útkoman er ferskur og bragðmikill
réttur.
Ef til stendur að drekka vín með
matnum þá er hægt að stóla á
starfsfólk Ísafoldar sem af einstakri
fagmennsku mælir með hvaða vín
fer best með hverjum rétti. Ísafold
er þar að auki staðurinn til smakka
og fræðast um viskí. „Við höfum
sérhæft okkur í viskíi og á Ísafoldar
barnum er hægt að panta Whiskey-
-flight sem er smökkun á mismun-
andi viskítegundum sem eru bornar
fram á sérhönnuðum viðarplött-
um. Hvaða tegundir þetta eru fer
eftir því hvaða tegund af smakki
er valin. Til dæmis samanstendur
alþjóðleg viskísmökkun af tegund-
um frá Bandaríkjunum, Íslandi og
Írlandi,“ segir Jökull.
Til viðbótar við veitingastað-
inn er salur þar sem fólki stendur
til boða að halda einkasamkvæmi,
fundi eða ýmiskonar viðburði sem
tilvalið er fyrir gesti sem vilja njóta
gæða matseldar og góðra þjónustu
en þó fjarri skarkalanum á sjálfum
veitingastaðnum.
Svínasíða að hætti Ísafoldar

1/2 stk Svínasíða
2 stk gulrætur
1 stk blaðlaukur
2 stk laukur
2 msk svört piparkorn
1 stk lárviðarlauf
250 g rauðvín
1/2 l nautasoð
salt
pipar
Aðferð
• Hreinsið síðuna og skerið í fituna.
• Kryddið með salti og pipar og steikið á pönnu þar til gullin brún.
• Skerið grænmetið í jafnar stærðir og setjið í steikarfat, svo síðuna ofan á
grænmetið.
• Hellið víninu og soðinu yfir síðuna og hyljið með álpappír.
• Setjið í ofninn við 160°c í 2 ½ tíma.
• Þegar hún er klár setjið hana á grunnan bakka með bökunarpappír
undir og yfir og setjið þyngd á síðuna til að fletja hana út þangað til hún
kólnar.
• Skerið í skammta og steikið á pönnu með smjöri og kryddið til eftir ósk-
um.
• Við á Ísafold berum síðuna okkar fram með kartöflumús, grænkáli,
sveppum og rauðvínssósu. Hægt er að nota soðið frá elduninni fyrir
sósuna.
Jökull Alexander Egilsson, hótelstjóri Centerhotel Þingholt, og Björn
Ágúst Hannesson, yfirmatreiðslumaður veitingastaðarins Ísafoldar,
bjóða góðan íslenskan mat á viðráðanlegu verði. Mynd | Hari