Fréttatíminn - 17.02.2017, Blaðsíða 48

8 FÖSTUDAGUR 17. FEBRÚAR 2017MATARTÍMINN
Rokkaður
veitingastaður
slær í gegn
Hard Rock opnaði aftur á Íslandi í vetur og er á örskömmum tíma
orðinn ein af vinsælli veitingastöðum borgarinnar. Forsvarsmenn
staðarins segja góðan mat og þjónustu vera lykilinn að velgengninni.
Unnið í samstarfi við
Hard Rock Reykjavík
Við erum sífellt að leita leiða til að koma til móts við viðskiptavinina og þeir kunna bara að meta
það,“ segir Styrmir Karlsson,
sölu- og markaðsstjóri Hard Rock
Reykjavík, spurður út í þessar
góðu viðtökur.
Ein þeirra nýjunga sem staður-
inn býður upp á í febrúar og mars
er girnilegur hádegisverðarmat-
seðill þar sem viðskiptavinir geta
valið á milli hamborgara, samloku
eða fisks dagsins ásamt súpu á
tilboðsverði, 1.790 krónur. „Þetta
er aðallega hugsað fyrir náms-
menn, starfsmenn fyrirtækja og
aðra sem eru í bænum á þessum
tíma, það er að segja í hádeg-
inu og til klukkan 15 á daginn,“
útskýrir Styrmir og bætir við að
staðurinn komi til með að bjóða
upp á nýjan matseðil í hverri viku
út febrúar og mars.
Þú nefnir fisk dagsins, það er
nú kannski ekki það fyrsta sem
fólk hugsar þegar Hard Rock
berst í tal. „Jú jú, við bjóðum upp
á ofsalega góðan fisk og reynd-
ar grænmetisborgara líka fyrir
þá sem vilja. Það er auðvitað um
að gera að bjóða upp á fisk í ljósi
þess hversu gott aðgengi við Ís-
lendingar höfum að ferskum fiski,
og bara fersku hráefni yfirleitt.
Þess vegna erum við ekkert að
nota innflutt hráefni heldur búum
allt til á staðnum. Það er einmitt
ein sérstaða Hard Rock Reykja-
vík, þessi áhersla á allt íslenskt.“
Að sögn Styrmis gildir það ekki
aðeins um matseldina því viku-
lega treður fjöldi íslenskra tón-
listarmanna upp á staðnum. „Við
höfum verið með svona „back
to back“ tónleika í samstarfi
við nágranna okkar, Græna
herbergið. Tilgangurinn er að búa
til vettvang fyrir innlenda tónlist
og innlenda tónlistarmenn til að
koma sér á framfæri, en það hef-
ur lengi vantað hérna í Reykjavík
stað sem tekur 250 standandi
tónlistargesti. Tónleikarnir fara
fram í kjallaranum, en er sjónvarp-
að um allt hús og því óhætt að
segja að listafólkið fái fína athygli.
Auk þess þarf það ekki að leigja
græjur því hér er allt fyrir hendi;
flott svið og fullkomið hljóð- og
ljósakerfi með kösturum og LED
tölvustýrðum ljósum. Til dæmis
voru Dimmu tónleikar hjá okkur
í byrjun febrúar og þeir voru frá-
bærir,“ bendir hann á.
Veitingastaðurinn er þremur á
hæðum og í töluvert bjartari lit-
um en Hard Rock staðir yfirleitt.
Óhætt er að fullyrða að kjallari
hússins gegni fjölþættu hlutverki
því Styrmir segir hann líka hugs-
aðan sem „lounge“ þar sem gestir
geta sest niður, slakað á og pant-
að drykk á meðan beðið er eftir
borði og eins sem veislusal undir
árshátíðir, afmæli og hvers kyns
einkaviðburði. „Já það er hægt
að leigja hann með þjónum og
fullbúnu hljóðkerfi, en við rukkum
ekki sérstaklega fyrir salinn, bara
fyrir mat og drykk.“
Og hvað er þá í boði? „Afskap-
lega flottir hópmatseðlar (www.
hardrock.com/cafes/reykjavik)
sem hafa mælst vel fyrir, en við
getum tekið á móti 30 til 150
gestum í einu niðri í Kjallaranum
og haft opinn bar sé þess óskað.“
Eins og fyrr segir hafa lands-
menn tekið Hard Rock Café opn-
um örmum og viðurkennir Styrmir
að viðtökurnar hafi farið fram
úr væntingum. „Það er búið að
vera brjálað að gera frá opnun
í október, stundum 250 matar-
gestir í einu. Samt höfum við
nánast ekkert auglýst. Og auð-
vitað er það afrek út af fyrir sig.
Að ná að fylla þúsund fermetra
stað og fara þannig úr núlli yfir
í það að vera skyndilega orðinn
stærsti veitingastaður Reykjavík-
ur. Fólk er greinilega ánægt með
að Hard Rock skuli hafa opnað
aftur eftir 15 ár og margir hissa á
þeim stakkaskiptum sem stað-
urinn hefur tekið undir stjórn
nýrra eigenda vörumerkisins í
Bandaríkjunum. Vörumerki þróast
eins og hvað annað.“
Með því segist hann eiga við
gæðastefnu staðarins. „Já, fólk
kann augljóslega að meta hvað
við leggjum mikla áherslu á ferskt
hráefni, góðan mat, þjónustu og
stemningu og það er bara virki-
lega ánægjulegt.“
Veitingastaðurinn er í ljósari litum en Hard Rock Café staðir
yfirleitt. Hann er á þremur hæðum og gegnir kjallarinn ýmist
hlutverki „lounge“, tónleikastaðar eða veislusals undir alls
kyns viðburði. Á miðhæðinni eru svo til sýnis búningar úr safni
heimsþekktra tónlistarmanna og alls konar varningur til sölu.
„Auðvitað er það afrek út fyrir sig.
Að ná að fylla þúsund fermetra stað og
fara þannig úr núlli yfir í það að vera
skyndilega orðinn stærsti veitingastaður
Reykjavíkur,“ segir Styrmir Karlsson,
sölu- og markaðsstjóri Hard Rock Café
Reykjavík, sem opnaði í nýuppgerðu
húsnæði við Lækjargötu í fyrra.
Fjöldi girnilegra rétta er
á matseðli, þar á meðal
grísasíðusamlokan góða.
„Við erum eini Hard Rock
staðurinn sem eldar hana
í sinni upprunalegu mynd.
Og ég vil meina að hún
sé best hjá okkur,“ segir
Styrmir.
Hard Rock Reykjavík tekur allt
að 250 manns í sæti en yfir 40
stöðugildi eru á veitingastaðnum.