Fréttatíminn - 25.02.2017, Side 2

Sakamál „Mér fannst þetta liggja
nokkuð ljóst fyrir,“ segir Einar
Bollason, bróðir Erlu Bolladóttur
um þá niðurstöðu endurupp-
tökunefndar að taka upp mál
allra sakborninga nema Erlu
Bolladóttur og allar sakargiftir
nema þær sem snúa að röngum
áburði. „Hún laug upp á fjóra
menn og rústaði fjölskyldulífi
þeirra. Ég veit ekki af hverju
niðurstaðan hefði átt að vera
önnur.“
Þóra Kristín Ásgeirsdóttir
tka@frettatimin.is
„Mér finnst sem fjölmiðlar geri
stundum lítið úr þessu máli. Það er
ekki léttvægt að rústa fjölskyldum
með lygum og fráleitum áburði. En
auðvitað hefði þurft sérstaka rann-
sókn á því hvernig lögreglan og
ákæruvaldið trúðu þessum lygum,“
segir Einar Bollason. „Fyrir mér er
þetta sagan endalausa, fjölskyldan
fær aldrei frið.“
En nú var hún mjög ung og ráð-
villt og haldið frá kornabarni eft-
ir að hún var handtekin. Er ekki
margt sem bendir til að hún hafi
ekki verið með sjálfri sér?
„Myndir þú hafa samúð með
manneskju sem lygi upp á þig þátt-
töku í tvöföldu morði og hefði orðið
þess valdandi að þú sast 102 daga í
einangrun,“ segir Einar. Hann seg-
ist þó kominn yfir hatur og reiði, en
þau systkinin hafa einungis ræðst
tvisvar við í síma eftir að málið kom
upp og hist einu sinni, en það var
við jarðarför systur þeirra. „Ég er
sammála þessari niðurstöðu en
er þó kominn nógu langt í minni
endurhæfingu til að geta óskað
henni alls hins besta,“ segir hann.
Í sama streng tekur Magnús Leó-
poldsson.
„Það hefði komið mér mjög á
óvart ef það ætti að fara að hreyfa
við máli Erlu Bolladóttur,“ segir
Magnús. „Það hefði verið vægast
sagt sérstakt. Hún bar mig röngum
sökum og ég sat saklaus í fangelsi
í fjóra mánuði, hennar vegna. Það
er bara ekki flóknara en það,“ segir
Magnús.
lögregla Ráðist var á þrjú ung-
menni í miðbænum aðfaranótt
sunnudags. Árásin var tilefnislaus
og þekktist fólkið ekkert. Einn
slasaðist alvarlega og er nýkominn
til meðvitundar eftir alvarlega
heilablæðingu. Faðir hans segir að
hann hafi útskrifast af spítala í gær.
Enginn hefur verið handtekinn.
Þóra Kristín Ásgeirsdóttir
tka@frettatiminn.is
„Ég ætla ekki að lýsa þeirri angist,
þeim ótta og því varnarleysi sem við
fjölskyldan upplifðum við sjúkrabeð
sonar meðan við biðum milli vonar
og ótta um hverjar afleiðingar þessa
hroðalega verknaðar yrðu,“ segir
Runólfur Ágústsson, íbúi í miðbæn-
um, en sonur hans, kærasta hans
og vinur þeirra urðu fyrir alvarlegri
líkamsárás um helgina, aðfaranótt
sunnudags.
Kvöldið áður höfðu Runólfur og
Áslaug Guðrúnardóttir, sambýl-
iskona hans, haft matarboð fyrir
börnin sín en þau eldri fóru út á lífið
seinna um kvöldið.
„Þegar þau komu út af skemmti-
stað réðist hópur fólks sem þau
þekktu ekki á þau í Hafnarstræti og
misþyrmdi þeim. „Karen og vinur-
inn sluppu með mar og skrámur
en Eyvindur var ekki svo heppinn.
Hann fékk heilablæðingu,“ segir
Runólfur.
Sonur Runólfs er kominn til með-
vitundar og var að útskrifast í gær.
Runólfur segist sjaldan hafa upplif-
að verri daga. Enginn hefur verið
handtekinn vegna málsins en það er
til rannsóknar hjá lögreglunni. Run-
ólfur segir ekki flókið að bæta veru-
lega öryggi íbúa í borginni „Börnin
okkar eiga rétt á því að þeim sé ekki
misþyrmt, að þeim sé ekki nauðg-
að eða að þau séu ekki drepin. Þetta
gildir um okkur hin líka.“
2 | FRÉTTATÍMINN | LAUGARDAGUR 25. FEBRÚAR 2017
Runólfur Ágústsson
segist hafa lifað
erfiðustu daga lífsins
meðan hann beið eft-
ir að sonurinn kæmist
til meðvitundar.
Tjöldin dregin frá. (Trumbusláttur)
Kjararáð ætlar að lækka laun Birnu
Einarsdóttur, bankastjóra Íslands-
banka, um 40 prósent.
Úrskurður kjararáðs um gríðarlegar
hækkanir til þingmanna og ráð-
herra hefur sett vinnumarkaðinn á
annan endann og því kemur þessi
snaggaralega afgreiðsla á launum
bankastýrunnar á óvart.
(Lúðrar þeyttir) Laun Birnu verða
eftir breytinguna rúmar 2 millj-
ónir með fastri yfirvinnu og álagi.
(Tjöldin dregin fyrir)
II þáttur.
Birna kemur fasmikil inn á sviðið og
bankastjórnin í humátt á eftir henni.
(Fiðlutónlist)
Birna segist vera ákaflega dugleg í
vinnunni og hafi meðal annars einu
sinni verið valin viðskiptafræðingur
ársins.
(Trumbusláttur) Tilkynnt er að úr-
skurður kjararáðs um laun Birnu
hafi engin áhrif því laun hennar
verði færð undan kjararáði 1. júlí.
Birna heyri ekki undir kjararáð og
hafi aldrei átt að heyra undir kjara-
ráð. Kjararáð hneigir sig og bakkar
út af sviðinu. (Leiktjöld falla)
Boðskapur verksins er sá að ef
þjóðin á banka og rekur sérstakt
kjararáð sem ákveður að lækka laun
bankastjórans, er henni bara sagt
dingla sér.
Ef þjóðin á Alþingi og ákveður að
lækka laun 63 fulltrúa sinna, er
henni sagt að ákvarðanir kjararáðs
séu yfirnáttúrulegar og ekki á færi
dauðlegra að grípa inn í.
Og ef einhver vill frekari útskýr-
ingar, svarar kjararáð ekki í símann.
Þóra Kristín
LAUN BIRNU Eyvindur Runólfsson og kærasta hans, Karen Gígja Agnarsdóttir, urðu fyrir
alvarlegri líkamsárás ókunnugs fólks í
Hafnarstræti um helgina.
Fékk heilablæðingu eftir tilefnislausa líkamsárás
Sumargleði á Sikiley
sp
ör
e
hf
.
Sumar 11
Sólríka eyjan Sikiley er undurfögur. Fornar minjar bera vitni
um 3.000 ára sögu hennar og hvísla um menningu þeirra
þjóða sem hér ríktu í gegnum tíðina. Ásamt því að skoða
Palermo verður farið til Monreale, Ragusa sem er barokkprýði
eyjarinnar, forngrísku borgarinnar Sýrakúsa, Modica sem
frægust er fyrir súkkulaðigerð sína og Catania sem stendur við
rætur eldfjallsins Etnu, sem við skoðum auðvitað nánar.
7. - 21. ágúst
Fararstjóri: Hólmfríður Bjarnadóttir
Bókaðu núna á baendaferdir.is
Sími 570 2790 | bokun@baendaferdir.is | Síðumúla 2, 108 RVK
Verð: 338.300 kr. á mann í tvíbýli.
Mjög mikið innifalið!
Mér fannst þetta liggja
nokkuð ljóst fyrir
„Pabbi, loksins er komið að því!“
Sævar Cicielski barðist ötullega fyrir endurupptöku allt
frá því um miðjan tíunda áratuginn.
Endurupptökunefnd hefur úrskurðað að heimilað
sé að taka upp öll dómsmál sem tengdust hvarfi og
morði á Guðmundi Einarssyni og Geirfinni Einars-
syni. Hins vegar var ekki fallist á að taka upp mál
Erlu Bolladóttur og aðra dóma um rangar sakar-
giftir.
„Við systkinin getum loksins fagnað því að mann-
orð þitt verður hreinsað,“ sagði Hafþór Sævarsson,
sonur Sævars Ciesielski, á Facebook skömmu eftir
að úrskurðurinn var birtur.
43 árum eftir að Geirfinnur Einarsson hvarf frá
heimili sínu í Keflavík og 37 árum eftir að dómar
voru kveðnir upp yfir sex sakborningum í Guð-
mundar- og Geirfinnsmálum, hefur endurupp-
tökunefnd kveðið upp þann dóm að forsendur séu
til þess að taka málið upp að nýju.
Fimm manns hlutu dóma fyrir að eiga hlut
í dauða Guðmundar Einarssonar og Geirfinns
Einarssonar en lík þeirra fundust aldrei. Sævar
Ciesielski, Kristján Viðar Viðarsson, Albert Klahn
Skaftason, Tryggvi Rúnar Leifsson og Guðjón
Skarphéðinsson.
Erla Bolladóttir hlaut einungis dóm í málinu fyr-
ir rangar sakargiftir. Hafnað er beiðni um end ur-
upp töku dóms Hæsta réttar hvað varðar sakfellingu
hennar, Krist jáns Við ars Viðarsson og Sæv ars Mar-
inós Ciesielski fyrir að hafa borið rangar sakir um
hlutdeild í dauða Geirfinns Einarssonar, á Einar
Gunnar Bolla son, Magnús Leó polds son, Sig ur björn
Eiríks son og Valdi mar Olsen.
Sævar reyndi að fá málið endurupptekið árið
1994 en því var hafnað. 1997 viðurkenndi Hæsti-
réttur að Sævar hefði sætt harðræði í Síðu-
múlafangelsinu en taldi skilyrðum til endurupp-
töku þó ekki fullnægt. Árið 2011, sama ár og Sævar
Ciesielski lést, skipaði Ögmundur Jónasson, þáver-
andi innanríkisráðherra, starfshóp til að fara yfir
málið í heild sinni.
Árið 2013 skilaði starfshópurinn skýrslu um að
veigamiklar ástæður væru til að taka málið upp að
nýju. Árið 2014 skilaði Davíð Þór Björgvinsson áliti
sínu um að forsendur væru til að endurupptaka
málið. Málið var sent til endurupptökunefndar sem
hefur nú komist að niðurstöðu.
Úrskurður nefndarinnar er endanlegur og ekki
hægt að áfrýja honum. Fimmmenningarnir, eða af-
komendur þeirra, verða nú að snúa sér til dómstóla
vilji þeir taka málið upp að nýju. Tveir eru látnir,
þeir Tryggvi Rúnar Leifsson og Sævar Ciesielski.
„Faðir okkar barðist alla ævi fyrir sannleikanum
í þessum málum og að sakleysi hans yrði viður-
kennt,“ segir Hafþór, sonur Sævars. „Mannshvörf
tveggja manna voru misnotuð af rannsóknaraðil-
um.
Við vildum óska þess að pabbi væri með okkur í
dag en svo er því miður ekki.“
Einar Bollason segist kominn yfir hatur og reiði.
Erla Bolladóttir fær mál sitt ekki
endurupptekið.
Aðstoðarmaður Óttarrs Proppé segir
að ekki liggi fyrir hvenær ákvörðun
um hið einkarekna sjúkrahús Klíník-
urinnar liggi fyrir.
Óttarr
undir feldi
Óttarr Proppé heilbrigðisráðherra
liggur enn undir feldi og íhugar
hvaða ákvörðun hann eigi að taka
varðandi einkarekna sjúkrahúsið
sem Klíníkin vill opna í Ármúlan-
um. Þetta segir aðstoðarmaður
Óttarrs, Unnsteinn Jóhannsson,
aðspurður um stöðu málsins.
Ákvörðunin er komin inn á borð
til Óttarrs, eins og Fréttatím-
inn greindi frá í lok janúar, eftir
að Embætti landlæknis komst
að þeirri niðurstöðu að rekstur
Klíníkurinnar á fimm daga legu-
deild fyrir sjúklinga uppfyllti
faglegar kröfur. Ákvörðunin
er fordæmalaus í sögu íslenska
heilbrigðiskerfisins þar sem sá
möguleiki hefur aldrei áður
verið fyrir hendi að einkarekið
sjúkrahús opni á Íslandi. | ifv