Morgunblaðið - 30.09.2017, Síða 16

16 FRÉTTIRInnlent
MORGUNBLAÐIÐ LAUGARDAGUR 30. SEPTEMBER 2017
Málstofa umSmugudeiluna
Haldin í Sjávarútvegshúsinu, Skúlagötu 4,
mánudaginn 9. október milli kl. 12 og 13.30
Í tilefni af útgáfu bókar Arnórs Snæbjörnssonar sagnfræðings
um Smugudeiluna gangast Hafréttarstofnun Íslands og
Bókaútgáfan Sæmundur fyrir málstofu í Sjávarútvegshúsinu
að Skúlagötu 4, Reykjavík, fyrirlestrasal á 1. hæð, mánu-
daginn 9. október 2017 kl. 12 - 13.30.
Í upphafi málstofunnar flytur forseti Íslands, hr. Guðni Th.
Jóhannesson, stutt ávarp en Arnór Snæbjörnsson flytur
síðan erindi og kynnir bók sína.
Að loknum fyrirspurnum og umræðum áritar höfundur bók
sína og boðið verður upp á léttar veitingar.
Málstofustjóri er Tómas H. Heiðar, forstöðumaður
Hafréttarstofnunar Íslands.
Allir eru velkomnir á meðan húsrúm leyfir.
Sigtryggur Sigtryggsson
sisi@mbl.is
Flutningaskipið Delphins Bothnia
kom til hafnar í Sundahöfn í gær-
morgun. Erindið hingað er að taka
tóma gáma sem hafa safnast upp á
athafnasvæði Eimskips undanfarna
mánuði.
Að sögn Ólafs Hand, upplýsinga-
fulltrúa Eimskips, tekur Delphins
Bothnia 1.900 gámaeiningar og mun
skipið taka 800 til 900 gáma eftir því
hvernig raðast í það. Þetta er blanda
af 20 til 40 feta gámum. Gámarnir
verða fluttir til Rotterdam.
Gámafjöldinn hefur verið mismik-
ill á athafnasvæði Eimskips, getur
verið á bilinu 3.000 til 5.000 eftir
dögum. Vegna þrengsla hefur þurft
að stafla gámunum upp, allt að fimm
hæðir sums staðar.
Mikill innflutningur til landsins er
ástæða þess að svona margir gámar
hafa verið hér undanfarið. Innflutn-
ingurinn hefur verið meiri en út-
flutningurinn. Ójafnvægið var sér-
staklega mikið þann langa tíma sem
sjómannaverkfallið stóð yfir í byrjun
ársins.
„Það er ekki alltaf þannig að gám-
ur kemur og fer strax út aftur,“ seg-
ir Ólafur aðspurður hvers vegna
tómu gámarnir séu ekki sendir út
með skipum í venjulegum áætlunar-
ferðum. Ólafur segir að viðskipta-
vinurinn sé jafnvel með gáminn í
einhvern tíma og svo komi kannski
margir gámar til baka á sama tím-
anum og það sé ekki pláss vegna
þess að skipið sé fullt í næstu ferð.
„Svo er jafnvel samsetning gámanna
í skipinu þannig að það nýtist ekki
eins út og heim. Það er oftast þannig
að skipin eru full að þyngd áður en
þau verða full af gámum. Það er því
þyngd gámanna sem segir til um
hvernig er lestað í skipið og hvað
komast margir gámar í hverja ferð.
Hitt er svo að skipin koma við á
nokkrum stöðum á leið sinni til Evr-
ópu og það þarf að vera pláss í þeim
til að taka fragt frá þeim höfnum
líka. Þetta eru mikil og flókin fræði,“
segir Ólafur.
Skip sækir tóma gáma í Sundahöfn
 Fer með 800-900 tóma gáma til Rotterdam  Gámar safnast upp vegna þess hve mikið er flutt inn
Morgunblaðið/Kristinn Magnússon
Sundahöfn Unnið er að því að setja tóma gáma um borð í Delphins Bothnia í gær. Skipið lætur úr höfn í dag.
Gámafjöldi Í Sundahöfn eru gámar þar sem hægt er að koma þeim fyrir.
Delphins Bothnia, sem sæk-
ir tómu gámana, er mjög
líkt þeim skipum sem Eim-
skip er að láta smíða í Kína.
Skipið er 177 metrar á
lengd og 30 metrar á
breidd en skipin sem Eim-
skip er að láta smíða eru
180 metrar á lengd og 31
metri á breidd. Þau taka að-
eins fleiri gáma eða 2.150
gámaeiningar.
Eimskip í samvinnu við
Royal Arctic Line í Græn-
landi vinnur nú að smíði
þriggja gámaskipa.
Tvö þeirra munu sigla á
vegum Eimskips. Stefnt mu
n að því að fyrsta skipið
verði afhent í apríl 2019.
Delphins Bothnia er
splunkunýtt, smíðað í Kóreu
árið 2016. Það siglir undir
flaggi Hong Kong. Skipið er
25.715 brúttótonn en til
samanburðar verða hin nýju
skip Eimskips 26.500 tonn.
Skipið heldur af stað til
Rotterdam í dag klukkan 13.
Líkt skipum
Eimskips
DELPHINS BOTHNIA
Baldur Arnarson
baldura@mbl.is
Yfirfæranlegt tap íslenskra fyrir-
tækja lækkaði um samtals 1.822 millj-
arða króna á árunum 2010-2016.
Þetta kemur
fram í skýrslu
fjármála- og efna-
hagsráðherra um
skatttekjur, skatt-
rannsóknir og
skatteftirlit.
Langstærstur
hlutinn, eða 1.635
milljarðar, er frá
árinu 2014.
Skúli Eggert
Þórðarson, ríkis-
skattstjóri, segir til skýringar að þeg-
ar fyrirtæki eru rekin með tapi komi
það til lækkunar á framtíðarskatt-
greiðslum.
Af því leiðir að þegar yfirfæranlegt
tap er lækkað af hálfu skattayfirvalda
er komið í veg fyrir að hægt sé að
lækka skattgreiðslur með slíku tapi.
Jafnframt kemur fram að skatta-
breytingar hafi skilað 58,48 milljörð-
um árin 2010-2016.
Framtölin yfirfarin
Skúli segir þetta árangur skattaeft-
irlits og endurskoðunar á skattfram-
tölum. „Þessar skattbreytingar eru
vegna aðgerða sem ríkisskattstjóri
grípur til við yfirferð framtala áður en
lagt er á þau, eða eftir að álagning
hefur átt sér stað. Þarna er verið að
leiðrétta framtölin og skattgreiðslur,“
segir Skúli Eggert.
„Þarna er um að ræða vantaldar
tekjur, offærðar frátekjur og ýmsar
skattalegar ráðstafanir sem ríkis-
skattstjóri telur að standist ekki lög.
Þessu má skipta í þrennt. Í fyrsta lagi
einstaklinga utan atvinnurekstrar,
þ.e. almenna launþega. Þá er oftast
nær um að ræða vantaldar tekjur og
offærðan frádrátt vegna dagpeninga
og annarra frádráttarliða. Í öðru lagi
er um að ræða einstaklinga í rekstri,
þá einnig vantaldar rekstrartekjur. Í
þriðja lagi er um að ræða lögaðila, eða
félög, af ýmsum toga. Þar er fjöl-
breytt flóra á ferð.“
Skattinum ekki rétt skilað
„Dæmi um atriði sem gerðar eru
athugasemdir við hjá tveimur síðast-
töldu hópunum eru gjaldfærsla
rekstrarkostnaðar, hækkaðar tekjur
og endurákvarðaður virðisaukaskatt-
ur, sem ekki hefur verið rétt skilað til
ríkissjóðs.“
Skúli Eggert segir að almennt séu
framtöl nú orðin réttari en áður. Tek-
ist hafi að bæta gagnaskilin. Þá hafi
forvarnaraðgerðir skilað árangri, þótt
ekki skili það jafnmiklum beinhörðum
fjármunum í ríkiskassann og skatta-
breytingarnar.
Tekjustofnar breikka mikið
Í umræddri skýrslu er rakið hvern-
ig tekjuskattsstofnar hafa þróast á ár-
unum 2010-2016.
Dæmi um breytingar er að stofninn
fasteignaviðskipti fer úr 10.063 millj-
ónum 2010 í 17.107 milljónir árið 2016,
sem er um 70% aukning á nafnvirði.
Þá fer tekjuskattsstofn fjármála- og
vátryggingastarfsemi úr 65.082 millj-
ónum 2010 í 116.617 milljónir 2016,
sem er 79% aukning.
Þá fer liðurinn upplýsingar og fjar-
skipti úr 5.814 milljónum í 8.857 millj-
ónir, sem er 52% aukning. Liðurinn
rekstur gististaða og veitingarekstur
fer úr 3.641 milljón í 6.868 milljónir,
sem 88,6% aukning.
Loks má nefna að liðurinn leigu-
starfsemi og ýmis sérhæfð þjónusta
fer úr 4.387 milljónum í 7.625 millj-
ónir, sem er 73,8% aukning. Tölur eru
á verðlagi hvers árs.
Eftirlit skilar tugum
milljarða í sköttum
 RSK lækkar yfirfæranlegt tap félaga um 1.822 milljarða
Dæmiumbreytingar
áopinberumgjöldum
Milljónir kr.
Heimild: Skýrsla fjármála- og efnahagsráðherra
um skatttekjur, skattrannsóknir og skatteftirlit
Ár
Skatta-
breytingar
Breytingar á
yfirfæranlegu tapi
2010 5.831 -4.188
2011 7.530 -101.735
2012 9.102 -3.106
2013 8.989 -59.246
2014 12.333 -1.635.479
2015 8.669 -7.821
2016 6.026 -10.612
Alls 58.480 -1.822.187
Skúli Eggert
Þórðarson
Morgunblaðið/Ófeigur
Eftirlit Ríkisskattstjóri enduráætlar skatta ef tekjur eru vantaldar.