Morgunblaðið - 30.09.2017, Qupperneq 18

18 FRÉTTIRInnlent
MORGUNBLAÐIÐ LAUGARDAGUR 30. SEPTEMBER 2017
Loftkæling
Funahöfða 7, 110 Reykjavík, s. 577 6666
og varmadælur
Eltak sérhæfir sig í sölu
og þjónustu á vogum
Reykjavíkurborg hefur gengið frá
samkomulagi við Skeljung um að
rífa afgreiðsluskála bensín-
afgreiðslu og sambyggða skrifstofu
bílaleigu, sem leyfð hafði verið
tímabundið við Umferðarsmiðstöð-
ina. Þá mun Skeljungur einnig fjar-
lægja bensíntanka úr jörðu og skila
ómengaðri lóð. Verði ákveðið í
deiliskipulagi að hafa orkusölu á
svokölluðum U-reit þar sem seldir
yrðu orkugjafar svo sem lífelds-
neyti, metan, vetni eða rafmagn,
fær Skeljungur forkaupsrétt bygg-
ingarréttar á markaðsverði. Borg-
arráð hefur staðfest samkomulagið
við Skeljung.
Þá hefur borgarráð skipað
starfshóp til að skoða tilhögun bíla-
stæða og mögulega gjaldskyldu á
U-reitnum, lóðarfrágang, göngu-
stíga og opin svæði.
Skeljungur mun rífa
tvo skúra á reitnum
inni. Það var niðurstaða skýrslu
vinnuhóps frá 2013 að U-reitur væri
nægilega stór til að rúma sam-
göngumiðstöð og athafnasvæði
hennar auk umtalsverðs bygging-
armagns til viðbótar. Hins vegar
setur nálægðin við Reykjavíkur-
flugvöll skorður hvað hæð bygginga
varðar.
Í drögum keppnislýsingar vegna
fyrirhugaðrar samkeppni kemur
m.a. fram að gera þurfi ráð fyrir
þeim möguleika til framtíðar að
tengja lest milli alþjóðaflugvallar
(Keflavík) og Reykjavíkur við sam-
göngumiðstöð. Skipulagstillögur
þurfi að taka tillit til þess. Sam-
kvæmt upplýsingum frá aðilum sem
vinna að athugun á lest milli
Reykjavíkur og Keflavíkur sé á
frumstigi þess verkefnis miðað við
að brautarpallur endastöðvar lest-
arinnar við samgöngumiðstöð á U-
reit verði neðanjarðar. Brautar-
pallur neðanjarðar þurfi að vera um
200 metra langur og með spor
beggja vegna sem sameinast í eitt
spor í jarðgöngum sem liggja undir
byggð og suður fyrir Straumsvík.
Breidd á pallinum verði 8-10 metrar
auk tvöfaldrar breiddar lestarspors.
Að/frá brautarpalli ferðist lestar-
farþegar með rúllustigum og lyftum
upp á yfirborð. Miða á við að lestar-
farþegar komi þar upp í viðbygg-
ingu við samgöngumiðstöð eða í
byggingu sem standi sem næst
henni.
Ný miðstöð verði sambæri-
leg við aðallestarstöðvar
 Brautarpallur fluglestarinnar á að vera neðanjarðar í Vatnsmýrinni
Ljósmynd/Reykjavíkurborg/Sigurður Ó. Sigurðsson
U-reiturinn Á þessu svæði er stefnt að því að rísi samgöngumiðstöð til framtíðar. Umferðarmiðstöðin verður þunga-
miðjan en stefnt er að frekari uppbyggingu á svæðinu. Nálægðin við flugvöllinn setur skorður við hæð bygginga.
FRÉTTASKÝRING
Sigtryggur Sigtryggsson
sisi@mbl.is
Efnt verður til samkeppni um deili-
skipulag og þróun samgöngu-
miðstöðvar þar sem Umferðar-
miðstöðin (BSÍ) er núna og á
nærliggjandi svæði. Borgarráð
ákvað á fundi sínum nýlega að
stofna tvo starfshópa til að fylgja
þessu verkefni eftir. Markmiðið er
að samgöngumiðstöð í Reykjavík
verði lifandi og áhugaverður við-
komustaður, sambærilegur við aðal-
lestarstöðvar í miðborgum erlendis.
Gert er ráð fyrir að samgöngu-
miðstöðin taki við af Hlemmi sem
helsta tímajöfnunarstöð Strætó, auk
þess að vera endastöð áætlanaleiða
út á land og flugrútu. Flutningur
tímajöfnunar frá Hlemmi yfir á BSÍ
krefjist ekki mikilla breytinga.
Í greinargerð um þróun sam-
göngumiðstöðvar og nánasta um-
hverfis er sett fram sú framtíðarsýn
að á U-reit verði samgöngumiðstöð
Reykjavíkur og tengipunktur við
landið allt. Samgöngumiðstöðin
þjóni samgöngum á landi: verði
meginskiptistöð almennings-
samgangna innan höfuðborgarsvæð-
isins (Strætó, borgarlína), upphafs-
og endastöð almenningssamgangna
út fyrir höfuðborgarsvæðið, upp-
hafs- og endastöð fjölda hópferða-
bifreiða og tengipunktur við aðra
ferðamáta (hjólreiðar, skyndibílar,
leigubílar, gangandi umferð, einka-
bílar).
7-9 þúsund farþegar á dag
Fram kemur að miðað við þekktar
tölur megi ætla að samanlagt verði
fjöldi farþega almennings-
samgangna og ferðaþjónustu sem
fari um samgöngumiðstöð á venju-
legum degi við opnun hennar af
stærðargráðunni 7-8 þúsund talsins.
Í ljósi spár um aukna hlutdeild al-
menningssamgangna og áætlana um
fjölgun íbúa á svæðinu megi gera
ráð fyrir að farþegafjöldinn 2035
verði um 15 þúsund farþegar á dag.
„U-reitur (Umferðarmiðstöðvar-
reitur) er hluti flatlendis í nágrenni
stærstu og fjölmennustu vinnustaða
landsins og miðborgar Reykjavíkur.
Þar gefst því einstakt tækifæri til að
flétta saman almenningssamgöngur,
hjólreiðar og 12 vistvæna sam-
göngumáta. Mikilvægt er að göngu-
og hjólaleiðir að og frá miðstöðinni
verði mjög góðar og þar verði þegar
í upphafi boðið upp á hjólageymslur
og hjólaleigu,“ segir í greinargerð-
Í mati Minjastofnunar Íslands á
varðveislugildi Umferðarmið-
stöðvar BSÍ við Vatnsmýrarveg frá
janúar 2014 kemur fram að stofn-
unin mun leggjast gegn því að hús-
ið verði rifið, komi slík tillaga fram.
Hins vegar mæli ekkert á móti því
að byggingin verði endurnýjuð og
stækkuð, mögulega sem hluti af
stærri byggingarheild líkt og hug-
myndir voru um í upphafi.
Matið er hluti af samkeppnis-
gögnum. Þar segir ma. að Umferð-
armiðstöðin sé gott dæmi um
framsækna húsagerðarlist í anda
módernisma og að æskilegt sé að
húsið verði endurbætt og stækkað
í samræmi við upphaflega hönnun
þess. Um bensín- og þjónustustöð
N1 á svæðinu segir Minjastofnun
að varðveislugildi sé ekki mikið og
byggingin í ósamræmi við nálæga
byggð. Við skipulag reitsins hafi
frá upphafi verið gert ráð fyrir að
þjónustustöð N1 við Hringbraut
víki í nálægri framtíð. „Í tillögum
má því gera ráð fyrir að sam-
göngumiðstöð eða önnur byggð
rísi þar eða að þar verði rými til
stækkunar á lóð samgöngu-
miðstöðvar til að taka við framtíð-
arbreytingum og nýjungum.“
Byggingin verði ekki rifin
MINJASTOFNUN UM UMFERÐARMIÐSTÖÐINA
Magnús Heimir Jónasson
mhj@mbl.is
Oddný Steina Valsdóttir, formaður
Landssamtaka sauðfjárbænda, segir
að fyrirhugaðar aðgerðir vegna
slæmrar stöðu sauðfjárbænda hafi
allar strandað við stjórnarslitin.
„Það er að sjálfsögðu ekkert að ger-
ast í pólitíkinni, þetta virtist allt sigla
í strand,“ segir Oddný spurð um
hver staða þeirra mála væri hjá
stjórnvöldum. Áður en til stjórnar-
slita kom var verið að ræða aðgerðir
til að minnka framleiðslu en hún seg-
ir að slíkar aðgerðir hafi kallað á
breytingar á regluverki. „Allar slík-
ar aðgerðir þurfa
breytingar á
regluverki og það
strandaði allt
þegar stjórnmálin
urðu óvirk.“
Oddný segir að
samskipti sam-
takanna við land-
búnaðarráðuneyt-
ið snúist að mestu
um að vinnu ráðu-
neytisins á úttektum um stöðu sauð-
fjárbænda verði haldið áfram. „Við
höfum ýtt á að það sé áfram hugað að
úttektum sem viljum að verði unnið
að af hálfu ráðuneytisins.“
Spurð um hvað þetta aðgerðaleysi
þýði fyrir sauðfjárbændur, segir hún
að ástandið sé slæmt.
„Það er rosalega slæmt að engar
aðgerðir hafi farið í gang á sínum
tíma. Við vitum að forsendur fyrir
rekstrinum eru hæpnar eins og stað-
an er núna. Það nálgast mjög stórir
gjalddagar hjá sauðfjárbændum í
október og nóvember en þá er greitt
fyrir áburð og fleiri rekstrarliði.
Þannig er skipulagið í búrekstrin-
um,“ segir Oddný og bætir við að
margir sauðfjárbændur sjái ekki
fram á að geta innt þessar greiðslur
af hendi og muni þurfa að skuldsetja
sig með einhverjum hætti.
„Strandaði allt þegar
stjórnmálin urðu óvirk“
 Engar stjórnvaldsaðgerðir í sjónmáli hjá sauðfjárbændum
Oddný Steina
Valsdóttir