Ægir - 01.04.2017, Blaðsíða 30

30
skipsins. Viðmiðunarregla er að
úr 100 tonna afla fáist 10 tonn
af mjöli og lýsi.
Þegar svo kemur að löndun
úr Sólberginu eru afurðabrettin
ekki hífð frá borði með krana
eins og algengast hefur verið
heldur er lúga á síðu skipsins
sem opnast og út yfir bryggju-
kantinn gengur færiband úr
skipinu. Á það koma afurða-
brettin með lyftu úr lestinni og
annar lyftari tekur svo við þeim
uppi á bryggju. Miðað við þá
reynslu sem er komin af skipum
þessarar gerðar í Noregi er
áætlað að fullfermi úr Sólbergi
geti verið komið upp á bryggju
á 10-12 klukkustundum.
Tvö troll og mikill orkusparnaður
Frystikerfi skipsins miðast við
90 tonna afkastagetu á sólar-
hring og mun skipið draga tvö
troll samtímis. Togkraftur Sól-
bergs er 90-100 tonn, enda
skipið búið stórri skrúfu og
4640 kW aðalvél.
„Fyrst og fremst er Sólbergið
útfært sem flakavinnsluskip og
kemur til með að veiða þorsk
að stærstum hluta en við höf-
um þessa getu til að vinna
einnig í lausfrysta hnakka og
aðra bita eftir því sem hentar
hverju sinni,“ segir Ragnar.
Skipið er búið kerfum sem
reiknar út bestu mögulega nýt-
ingu orku eftir þeim þeim að-
stæðum sem eru hverju sinni. Á
þann hátt er náð fram mesta
mögulega sparnaði í olíunotk-
un. „Við væntum þess að sjá
mikinn orkusparnað miðað við
hvert kíló í afla og mínar vænt-
ingar standa til þess að hann
megi mæla í tugum prósenta
miðað við gömlu skipin. Hér er-
um við að keyra eitt skip í stað
tveggja til að ná sama kvóta og
með þeirri tækni sem er í dag
þá eigum við að sjá mikinn
mun. Því sem betur fer hefur
mikið gerst í tækniþróun og
orkunýtingu á 45 árum.“
Gott að fá skipið í heimahöfn
Öll aðstaða fyrir áhöfn og skip-
stjórnendur segir Ragnar að sé
vel útbúin, nettengingar eru í
skipinu, líkamsræktaraðstaða,
gufubað, þrjár seturstofur og
margt fleira. Hann ber Tyrkjum
vel söguna í skipasmíðinni og
samstarfinu en vissulega hafi
verkefnið verið flókið þar sem
mikill búnaður sé í skipinu.
„Það var gott að vera í Tyrk-
landi og þrátt fyrir að ég hafi
upplifað eina valdaránstilraun á
þessum tíma þar í landi þá var
ég aldrei verulega órólegur
þarna ytra. En það var gott að
koma heim og góð tilfinning að
sjá Sólbergið leggjast að
bryggju hér á Siglufirði í fyrsta
sinn.“
Í skipinu eru tvær flökunarvélar frá Vélfagi ehf. í Ólafsfirði, þrír hausarar og roðdráttarvélar. Myndir: Jóhann Ólafur Halldórsson.
Horft inn í svokallað vöruhótel þar sem sjálfvirkur róbót flokkar kassa
með afurðum áður en þær fara áfram í sjálfvirka stöflun á bretti og loks
sína leið niður í lest.