Ægir - 01.04.2017, Blaðsíða 34
34
Vélaþjónustan Bætir ehf., sem
undanfarin ár hefur verið til
húsa á Smiðshöfða 7, hefur ný-
lega flutt í eigið húsnæði á
Bíldshöfða 14. Þar verður hægt
að sérsníða húsakynnin að
þörfum fyrirtækisins og skilja á
milli verslunar- og lagerhalds á
efri hæð og viðgerðarverkstæð-
is sem verður á neðri hæð. „Með
því að flytja í eigið húsnæði
aukum við rekstraröryggi okkar
til muna á tímum þegar
ástandið á fasteignamarkaði er
mjög hvikult og óöruggt. Um
leið gerir nýja húsnæði okkur
kleift að kom upp skilvirkri
flæðilínu í viðgerðarþjónust-
unni,“ segir Valdimar Hilmars-
son sem sér um viðskiptaþróun
Bætis.
Bætir er vélaþjónusta og
varahlutaverslun fyrir stórvirkar
vélar um borð í bátum og jarð-
vinnuvélum. Starfsmenn Bætis
eru faglærðir viðgerðarmenn
með mikla reynslu af vélavið-
gerðum og hafa fengið þjálfun í
Bandaríkjunum og Evrópu. Fyr-
irtækið þjónar þeim sem nota
stórvirkar vinnuvélar, hvort sem
það er í sjávarútvegi eða jarð-
vinnuverktöku. Fyrirtækið hefur
á yfir 30 ára starfstíma skapað
sér sérstöðu í viðgerðum á
amerískum díselvélum, eins og
Caterpillar, Cummins, John
Deere og Detroit Diesel auk
upptekta á túrbínum, dælum
og tengdum hlutum.
Náið samstarf við
málmsmiðjuna Tækni
Núverandi eigandi, Friðrik Sig-
urðsson sem tók við fyrirtækinu
2015, rekur einnig málmsmiðj-
una Tækni og starfa þessi tvö
fyrirtæki náið saman. „Það felst
mikil samlegð í nánu samstarfi
þessara tveggja fyrirtækja.
Þannig getum við til dæmis
boðið fiskiskipa- og bátaút-
gerðum mjög víðtæka þjón-
ustu, hvort sem það er smíða-
vinna sem tengist fiskvinnslu-
línum eða öðru um borð eða
viðhaldi á aðal- og ljósavélum,“
segir Valdimar. Hann bætir því
við að nokkrir stærstu við-
skiptavinir beggja fyrirtækja
séu þeir sömu. Því þekki þeir
vel stöðu og þarfir helstu við-
skiptavina sinna. Aðspurður
segir Valdimar að um þessar
mundir eigi sér stað talsverð
fjárfesting í þessum geira at-
vinnulífsins, bæði í sjávarútvegi
og jarðvinnslu og því fylgi mik-
ið viðhald. Hann segir Bætir
með umboð fyrir mjög trausta
varahluti og hafi fyrst og fremst
verið að sinna viðhaldi á vélum.
Vélaþjónustan Bætir
flytur á Bíldshöfða
Gengið er inn á skrifstofu og lager Bætis frá Axarhöfða, en inn á viðgerðarverkstæðið frá Bíldshöfða.
Valdimar Hilmarsson í nýju húsnæði Bætis á Bíldshöfða 14 þar sem skrifstofa og lager eru á efri hæð en við-
gerðarverkstæði á þeirri neðri.
Þ
jón
u
sta