Morgunblaðið - 12.12.2017, Side 21

MINNINGAR 21
MORGUNBLAÐIÐ ÞRIÐJUDAGUR 12. DESEMBER 2017
✝ Hjördís Hjör-leifsdóttir
fæddist í Reykjavík
2. október 1940.
Hún lést á gjör-
gæsludeild LSH við
Hringbraut 29. nóv-
ember 2017.
Foreldrar henn-
ar voru Margrét
Ingimundardóttir,
f. 7.9. 1912, d. 23.3.
1986, og Hjörleifur
Jónsson, f. 7.10. 1910, d. 13.11.
1984. Hjördís kveður síðust
systkinanna en þau voru: Sjöfn, f.
7.11. 1934, d. 6.2. 2014, Vil-
hjálmur, f. 13.11. 1935, d. 2.12.
1997, Hörður, f. 3.4. 1937, d. 7.12.
1987, Ástþór, f. 30.9. 1942, d.
21.4. 1958, Helga, f. 13.12. 1946,
d. 2.1. 1951.
Hjördís giftist 28. nóvember
1959 Kristni Ásgrími Eyfjörð
Antonssyni, f. 18.9. 1935, d. 28.9.
2008. Foreldrar hans voru Ósk
Jóhannesdóttir, f. 18.2. 1898, d.
14.3. 1978, og Anton Axel Ás-
grímsson, f. 22.8. 1885, d. 3.5.
1967.
Börn Hjördísar og Kristins
eru: 1) Ástþóra, f. 20.8. 1958, gift
Magnúsi Eiríkssyni, f. 10.12.
1953. Börn þeirra eru: a) Hrafn-
kell Freyr, f. 22.8. 1982, kvæntur
Kristinsson og c) Tinna Kristín
Indíana, f. 16.2. 2000. Unnusta
Kristins er Hrund Grétarsdóttir,
f. 6.5. 1968, sonur Hrundar er
Hrannar Heimisson unnusta
hans er Ásdís Eir Guðmunds-
dóttir. 5) Hulda Sjöfn, f. 26.1.
1968, gift Jóni Ólafi Jóhannes-
syni, f. 16.2. 1965. Synir þeirra
eru Kristinn Ásgrímur og Jó-
hannes Þór, f. 29.7. 2005.
Kristinn átti fyrir Agnesi Ey-
fjörð, f. 22.8. 1956, gift Elíasi
Erni Óskarssyni, f. 1.12. 1959.
Börn þeirra eru Eva Ósk og
Birkir Örn, sonur Agnesar er
Rúnar Þór.
Hjördís er fædd og uppalin í
Reykjavík. Hún var ung þegar
hún hóf búskap með Kristni á
Lindargötu. Hjördís hóf snemma
sinn starfsferil sem var mest við
verslunarstörf ásamt ýmissi
framtakssemi sem þau hjónin
fundu upp á. Fljótlega var heim-
ili Hjördísar fullt af börnum og
miklar annir en með atorkusemi,
ráðsnilld og einstakri handlagni
tókst henni að draga björg í bú
með ýmsum hætti og má þar
nefna saumaskap, heimabakstur
og rekstur á gæludýraverslun.
Hjördís var virk í Flugbjörg-
unarsveit Reykjavíkur og Kven-
félagi Seljasóknar. Starfsævina
endaði Hjördís sem deildarritari
á Landspítalanum við Hring-
braut og þurfti að hætta þar þeg-
ar sjón hennar skertist verulega.
Hjördís verður jarðsungin frá
Seljakirkju í dag, 12. desember
2017, klukkan 13.
Margréti Jóhanns-
dóttur, börn þeirra
eru Arnþór Goði,
Saga Marín og
Hróðný Katla og b)
Hjördís, f. 8.10.
1995. 2) Anton Ás-
grímur, f. 10.8.
1960, kvæntur
Helgu Sveinsdóttur,
f. 18.1. 1956, dóttir
þeirra er Ásgerður
Inna, f. 27.12. 1994,
unnusti hennar er Jón Skorar-
dal. Dóttir Helgu er Hrefna Haf-
steinsdóttir gift Jóni Grétars-
syni, börn þeirra eru Ingimar
Hólm, Sveinn og Pétur Steinn. 3)
Hjörleifur, f. 14.8. 1962, var
kvæntur Bjarneyju K. Garðars-
dóttur, sonur þeirra er Ástþór, f.
12.2. 1997. Unnusta Hjörleifs er
Bára Hafsteinsdóttir, f. 28.5.
1968, synir Báru eru Oliver Snær
og Nökkvi Snær Jónssynir. 4)
Kristinn Ásgrímur, f. 9.4. 1966,
var kvæntur Margréti Hrönn
Viggósdóttur, f. 2.11. 1965, d.
6.9. 2003. Börn þeirra eru: a)
Sunna Ósk, f. 25.9. 1984, gift
Magnúsi Blöndahl Kjartanssyni,
börn þeirra eru Margrét Blön-
dahl og Kjartan Jökull Blöndahl,
b) Nanna Margrét, f. 4.12. 1993,
unnusti hennar er Jón Orri
Elsku mamma.
Ég veit ekki hvar ég á að byrja.
Andlát þitt bar svo skjótt að að
það er erfitt að átta sig á að þú ert
ekki með mér hér. Mamma sem
alltaf varst til staðar fyrir mig,
mamma sem varst alltaf að hugsa
um börnin þín og barnabörn.
Fjölskyldan og heimilið var það
sem gaf þér mest. Alltaf að baka,
elda góðan mat og hafa fínt hjá
þér. Þú með þína grænu fingur að
gera fínt í garðinum í Stafnaseli
og að gera fínt úti og inni á
Hraunbrún, sumarbústaðnum
ykkar pabba. Alltaf allt fullt af
fallegum blómum í kringum þig.
Þú varst alltaf fyrst til að bjóða
fram aðstoð þína ef einhverjar
veislur voru fram undan, bakaðir
þínar góðu tertur, púðursykurs-
tertan sem allir elskuðu var
ómissandi í allar veislur. Alltaf
reiðubúin að passa og vissir ekk-
ert betra en að vera með barna-
börnunum, hafðir alltaf tíma fyrir
þau. Við systkinin og ömmu- og
langömmubörnin voru stolt þitt
og þú hafðir endalausan áhuga og
fylgdist vel með öllu sem við vor-
um öll að gera. Barnabörnin þín
hafa misst mikið að eiga ekki
ömmu lengur. Hjördís nafna þín
ber nafn þitt með stolti og saknar
ömmu sinnar. Mamma hjálpaði til
við marga öskudagsbúningana og
gardínusauminn, síðast – þá sat
hún hjá Hrafnkeli mínum og
Möggu í Búðavaði og leiðbeindi
þó ekki hefði hún sjón til að gera
það fyrir þau.
Mamma sem kenndi mér
handavinnu, að prjóna, hekla og
sauma. Þú gast allt og hafðir allt-
af mikla þolinmæði til að kenna
mér, ég var ekki alltaf jafnþolin-
móð og stundum kláraðir þú
stykkin fyrir mig. Við vorum ótal
sinnum saman í sumarbústaðnum
ykkar pabba. Báðar höfðum við
jafngaman að vera þar saman að
gera eitthvað skemmtilegt úti eða
inni. Yndislega ferð áttum við
saman fyrir nokkrum árum þegar
við fórum saman tvær til Tyrk-
lands í viku. Það var ógleymanleg
mæðgnaferð og góðar samveru-
stundir. Eins fannst okkur gaman
að fara um helgar að kíkja í búðir
og fá okkur svo djúpsteiktar
rækjur en það var með því besta
sem þú fékkst.
Elsku mamma var búin að eiga
við veikindi að stríða í nokkurn
tíma, þrátt fyrir það bar hún sig
alltaf vel og kvartaði ekki. Henni
fannst hræðilegt þegar hún missti
svo mikla sjón að hún gat ekki
keyrt lengur og þurfti því að reiða
sig á aðra meir en áður. Hún var
þessi sterka kona sem alltaf redd-
aði sér sjálf.
Elsku mamma mín, fjölskyldan
var þér allt og ég mun halda fram
því góða starfi sem þú sinntir af
svo mikilli kostgæfni, að halda ut-
an um okkur systkinin og afkom-
endur okkar.
Hvíl í friði, elsku mamma, ég
elska þig og sakna þín.
Þeim mun dýpra sem sorgin grefur sig í
hjarta manns, þeim mun
meiri gleði getur það rúmað.
…
Skoðaðu hug þinn vel, þegar þú ert
glaður, og þú munt sjá, að aðeins
það, sem valdið hefur hryggð þinni,
gerir þig glaðan.
Þegar þú ert sorgmæddur, skoðaðu þá
aftur huga þinn, og þú
munt sjá, að þú grætur vegna þess,
sem var gleði þín.
(Kahlil Gibran)
Þín dóttir
Ástþóra.
Elsku mamma mín.
Þú ert horfin á braut, mikið
sakna ég þín.
Þú settir okkur fjölskylduna
alltaf í fyrsta sæti. Áhugi þinn á
því hvað við tókum okkur fyrir
hendur og að allt gengi vel var í
fyrirrúmi. Ef það var eitthvað
sem þú gast gert til að aðstoða
okkur þá var það auðsótt, ekki
skipti það máli hvort það var að
baka, passa eða þvo þvotta. Aldrei
taldir þú eftir þér þau fjölmörgu
handtök sem léttu undir með okk-
ur.
Ég man eftir því þegar ég eign-
aðist drengina mína, þá hringdir
þú í Ástþóru nánast á sömu mín-
útunni og Kristinn Ásgrímur
fæddist. Ég spurði þig síðar af
hverju þú hafir hringt þarna og
þá sagðir þú að það hafi sótt að
þér svo mikil syfja og þér hafi
fundist þú þurfa að hringja til að
athuga hvernig gengi. Eftir
fylgdu margar heimsóknir þar
sem þú gladdist með okkur að
fylgjast með drengjunum vaxa og
dafna í leik og gleði. Þeir áttu hug
þinn allan.
Ég man eftir ófáum gleði-
stundum með þér í sumarbú-
staðnum. Þar sem drengirnir
mínir fjögurra ára buðu þér í
kaffiboð úti á bletti. Þarna sast þú
með þeim í huggulegu kaffiboði
og drakkst djús og borðaðir kex.
Einnig skipti engu máli þótt öll
teppi og koddar væru tekin út úr
bústaðnum og sett á pallinn til að
búa til kósíhreiður fyrir gullmol-
ana eins og þú kallaðir þá.
Mamma mín, þú varst líka mik-
ill listamaður og fagurkeri í þér,
hvort sem það var að elda góðan
mat, sauma eða föndra eitthvað
fallegt. Fyrsta jólaþorpið sem þú
gerðir var á litlum platta með
jólasnjóköllum sem þú bjóst til
sjálf og þeir héldu á litlum pökk-
um sem voru sykurmolar pakk-
aðir inn í álpappír og svo var sett-
ur örfínn borði á líka. Jólatréð á
plattanum var stór köngull. Í
gegnum árin hefur þetta þorp
stækkað og vakið gleði hjá öllum í
fjölskyldunni stórum og smáum.
Það sem þér þótti líka gaman
var að bjóða í veislur, þar varst þú
á heimavelli. Allt þaulskipulagt
og drifkrafturinn magnaður. Þig
munaði ekkert um að bjóða 100
manns hér í Stafnaselið og gefa
þeim eitthvað gott að borða sem
þú útbjóst allt sjálf. Þú stýrðir
okkur sem aðstoðuðu í verkefnin
fumlaust og allt var svo tilbúið á
réttum tíma.
Ég man eftir því þegar við
systkinin sátum saman við eld-
húsborðið á Ferjubakkanum að
skreyta piparkökur. Þar sem þú
blandaðir glassúr í öllum litum og
bjóst til lítil kramarhús til að setja
litina í og við lituðum kökurnar.
Svona gæti ég lengi talið upp,
elsku mamma.
Gleði þín fólst í því að vera með
fjölskyldunni. Og mikil var okkar
gleði að eiga þig að, elsku
mamma.
Hvíl í friði, elsku mamma.
Þín dóttir,
Hulda Sjöfn.
Elsku fallega amma mín, ég
trúi því ekki enn að þú sért farin,
ég virðist ekki geta sætt mig við
að þurfa að kveðja þig í hinsta
sinn. Ég hef hugsað til þín stans-
laust á hverjum degi síðan þú
kvaddir okkur og ég er nánast
alltaf lögð af stað í heimsókn til
þín þegar ég átta mig á því að þú
verður ekki þar eins og þú hefur
alltaf verið. Til þín gat ég alltaf
leitað ráða, ég gat komið til þín
hvað sem tímanum leið og það
þótti mér vænt um. Í hvert sinn
sem ég opnaði dyrnar tókstu á
móti mér með ást og umhyggju og
þínu fallega brosi sem birti upp
daginn minn og fyrir það er ég þér
gríðarlega þakklát.
Ég get talið upp ótal minningar
sem fara um hugann þegar ég
hugsa til þín og söknuðurinn
leynir sér ekki við tilhugsunina
um allar ferðirnar með þér og afa
upp í sumarbústað, smáköku-
baksturinn með þér fyrir jólin og
samverustundirnar sem við áttum
í þau ótalmörgu skipti sem ég kom
í pössun til þín og við gerðum svo
margt skemmtilegt saman.
Öll þau samtöl sem við áttum
fyrir svefninn þegar ég gisti í
rúminu þínu þar sem þú klóraðir á
mér bakið og ég steinsofnaði í
fanginu þínu eru mér ólýsanlega
kær. Mér þótti líka svo gaman að
koma til þín rétt fyrir jólin að
hjálpa þér að setja upp jólalandið
þitt, pakka inn jólagjöfunum og
skrifa á kortin fyrir þig.
Ég veit hreinlega ekki hvað ég
á að gera án þín, elsku amma mín.
Hverjum á ég að segja allt slúðrið
sem þér þótti svo gaman að hlusta
á og hver á að gefa mér öll þessi
ómetanlegu knús sem þú ein gast
gefið?
Hlýjan sem fylgdi þér allt var
ómetanleg og ég get ekki ímyndað
mér hvernig er að eiga líf án þín,
en ég ætla samt sem áður að halda
áfram að lifa lífinu í gleði og geri
það fyrir þig því ég veit að þú
myndir vilja það. Þú ert og verður
áfram stór fyrirmynd í lífi mínu og
mig langar að geta verið eins góð,
umhyggjusöm og jafnvingjarnleg
við alla og þú varst alltaf.
Ég ætla einnig að halda áfram
að sjá það góða í fólki eins og þú
kaust alltaf að gera og það var
enn einn kostur í fari þínu, elsku
yndislega amma mín.
Ég vil þakka þér fyrir allt sem
þú gerðir fyrir mig og alla aðra.
Nú kveð ég þig og bið Guð að
varðveita þig á nýjum stað og
vona að þú hafir það gott með
afa. Hvíldu ávallt í friði, elsku
amma mín, ég mun sakna þín alla
tíð.
Þín,
Tinna Kristín Indíana.
Elsku amma Hjördís kvaddi
okkur alltof skyndilega í síðast-
liðinni viku. Ég er enn að átta
mig á því að hún sé farin fyrir
fullt og allt, en það er huggun í
því að vita að hún er komin til afa
Didda sem alltaf elskaði hana svo
heitt, en það sáu allir sem þau
þekktu.
Amma í Stafnaselinu var
amma af lífi og sál. Hún vildi allt
fyrir mann gera, passaði alltaf
vel upp á það að enginn færi
svangur úr heimsókn frá henni
og átti alltaf tertu með kaffinu og
smákökur í dós. Síðustu jól fékk
ég meira að segja senda frá
henni ljúffenga brúntertu sem er
ómissandi hluti af jólahaldinu,
þess mun ég sakna.
Hún amma elskaði að hafa
fólkið sitt í kringum sig og fylgd-
ist vel með hvað var í gangi hjá
okkur öllum, og hafði jafnframt
skoðun á því, bara alveg eins og
það á að vera.
Það hefur alltaf verið glatt á
hjalla í Stafnaseli en þar eyddi ég
miklum tíma sem barn og er ein
minning mér sérstaklega kær.
Hún amma hélt upp á allar krem-
krukkur sem hún kláraði, tóm
ilmvatnsglös og varaliti sem hún
var hætt að nota svo að ég gæti
stofnað búð í einu herbergjanna
innst á ganginum. Síðan gaf hún
mér límmiða til að verðmerkja
allt saman og verslaði svo hjá
mér eins og ekkert væri eðli-
legra.
Það var alltaf passað upp á að
barnabörnin hefðu nóg við að
vera, leikherbergið var fullt af
alls kyns leikföngum sem þau afi
höfðu gaman af að kaupa í Am-
eríku, því hávaðasamara og lit-
ríkara, því betra.
Amma fór oft með vísur og
bænir fyrir okkur barnabörnin
og því er vel við hæfi að enda á
einni af uppáhaldsbænunum
hennar:
Vertu yfir og allt um kring
með eilífri blessun þinni,
sitji Guðs englar saman í hring
sænginni yfir minni.
(Sig. Jónsson frá Presthólum)
Hvíldu í friði, elsku amma mín,
við munum sakna þín og varð-
veita minningu þína.
Sunna Ósk Kristinsdóttir.
Elsku besta amma mín. Það er
erfitt að trúa því að þú sért farin,
ég er búin að hugsa alla síðustu
daga að ég ætli að koma við hjá
þér en átta mig svo á því að það er
ekki lengur hægt. Þú hugsaðir
alltaf svo vel um okkur systur,
varst alltaf svo góð við okkur og
vildir allt fyrir okkur gera. Stuðn-
ingurinn sem þú sýndir okkur var
ómetanlegur, hjá þér voru ávallt
opnar dyr þar sem ást og um-
hyggja ríkti. Ég á dýrmætar
minningar um þig, öll notalegu
kvöldin sem við áttum saman í
Stafnaselinu og í Viðarásnum
þegar þið afi komuð þangað fyrir
okkur Tinnu, knúsin og kossarn-
ir, vísurnar sem þú fórst með
fyrir okkur fyrir svefninn, bökun-
arstundir okkar, allar bústaðar-
ferðirnar og sveitaferðirnar með
ykkur afa þar sem ég leiddi ykkur
bæði tvö og þið sveifluðuð mér
fram og til baka á milli ykkar,
góðu ráðin sem þú gafst mér,
ásamt öllum dýrmætu samræð-
unum okkar. Það verður svo
sannarlega sárt að hafa þig ekki
hjá okkur, þú varst dýrmæt og
ert mér mikil fyrirmynd.
Ég mun sakna þín mikið, það
er erfitt að hugsa til þess að mað-
ur geti ekki kíkt til þín í ömmu-
knús og spjall hvenær sem er eins
og áður. En við gerum okkar
besta í að passa vel upp á hvert
annað, því að það þótti þér mik-
ilvægast, að allir væru saman og
að við værum góð hvert við annað.
Takk fyrir allt sem þú hefur
gefið mér, ég væri ekki sú mann-
eskja sem ég er í dag hefðir þú
ekki verið alltaf til staðar fyrir
mig. Ég vona að þú hafir það gott
í faðmi afa þar sem þið eruð nú
sameinuð á ný ásamt Dimmu
ykkar.
Vertu yfir og allt um kring
með eilífri blessun þinni,
sitji Guðs englar saman í hring
sænginni yfir minni.
(Sig. Jónsson frá Presthólum)
Ástarkveðja,
Nanna Margrét.
Hjördís
Hjörleifsdóttir
 Fleiri minningargreinar
um Hjördísi Hjörleifs-
dóttur bíða birtingar og
munu birtast í blaðinu næstu
daga.
Elskuleg móðir okkar, tengdamóðir, amma
og langamma,
VILBORG GUÐJÓNSDÓTTIR,
Miðtúni 42,
andaðist á Landspítalanum 10. desember.
Útför verður auglýst síðar.
Óskar Rafnsson Sólveig Hafsteinsdóttir
Ásta Karen Rafnsdóttir Birgir Gunnarsson
Kjartan Rafnsson
Sverrir Rafnsson Sigrún Garðarsdóttir
barnabörn og barnabarnabörn
Ástkær faðir okkar, tengdafaðir, afi
og langafi,
SIGURSTEINN MARINÓSSON,
dvalarheimilinu Hraunbúðum,
áður Faxastíg 9, Vestmannaeyjum,
lést á heimili sínu síðastliðinn föstudag, í
faðmi fjöslkyldunnar.
Útförin fer fram laugardaginn 16. desember frá Landakirkju í
Vestmannaeyjum klukkan 13.
Ingibjörg Birna Sigursteinsd. Leifur Gunnarsson
Marinó Sigursteinsson Marý Ólöf Kolbeinsdóttir
Guðbjörg H. Sigursteinsd. Halldór Sveinsson
Ester Sigursteinsdóttir Páll Hallgrímsson
barnabörn og barnabarnabörn
Ástkær faðir okkar, tengdafaðir, vinur, afi
og langafi,
ÞRÖSTUR SIGTRYGGSSON
skipherra,
lést laugardaginn 9. desember.
Útförin verður auglýst síðar.
Sigtryggur Hjalti Þrastarson
Bjarnheiður Dröfn Þrastard. Sigurjón Þór Árnason
Margrét Hrönn Þrastardóttir Sigurður Hauksson
Kolbrún Þrastardóttir Magnús Pétursson
Hallfríður Skúladóttir
barnabörn og barnabarnabörn
Elskulegur sonur og bróðir,
HAUKUR A. CLAUSEN,
varð bráðkvaddur á heimili sínu
fimmtudaginn 30. nóvember á 59. aldursári.
Útförin verður frá bænahúsinu í
Fossvogskapellu fimmtudaginn 14.
desember klukkan 11.
Guð varðveiti hann.
Halldóra Filippusdóttir
Breki Johnsen
Árni Johnsen