Morgunblaðið - 22.12.2017, Blaðsíða 32

32 MENNING
MORGUNBLAÐIÐ FÖSTUDAGUR 22. DESEMBER 2017
BÆJARLIND 16 I 201 KÓPAVOGUR I SÍMI 553 7100 I LINAN.IS
OPIÐ MÁN TIL FÖSTUDAGA 11 - 18 I LAUGARDAGA 11 - 16
UPPHENGDAR HILLUR SEM BJÓÐA UPP ÓTAL UPPRÖÐUNAR MÖGULEIKA - HVER HILLA 70x70x32 cm kr. 35.800
* 4 HILLUR Á MYND
Z CUBE HILLUR
Helgi Snær Sigurðsson
helgisnaer@mbl.is
Íslensku myndlistarverðlaunin
verða afhent í fyrsta sinn í febrúar
á næsta ári en að þeim stendur
myndlistarráð sem var stofnað fyr-
ir fjórum árum. Rúm fimm ár eru
liðin frá því Íslensku sjónlista-
verðlaunin voru
afhent í síðasta
sinn, í febrúar
árið 2012 og
hlaut þá mynd-
listarmaðurinn
Ragnar Kjart-
ansson Sjón-
listaorðu verð-
launanna. Fjögur
ár voru þá liðin
frá því Íslensku
sjónlistaverð-
launin voru afhent þar áður en þau
voru haldin að frumkvæði Lista-
safnsins á Akureyri á árunum 2006
til 2008 og lögðust af í efnahags-
hruninu. Verðlaunin voru hugsuð
sem uppskeruhátíð á sviði mynd-
listar og hönnunar en Íslensku
myndlistarverðlaunin verða ein-
göngu helguð myndlist, eins og sjá
má af heiti þeirra.
Allir geta tilnefnt
Opnað hefur verið fyrir tilnefn-
ingar til verðlaunanna á vef Mynd-
listarsjóðs, myndlistarsjodur.is, og
þurfa þeir sem tilnefna vilja mynd-
listarmann eða -menn fyrst að skrá
sig inn á vefinn. Fyrirkomulagið er
þannig að hver sem er getur sent
inn rökstudda tilnefningu og fer
dómnefnd svo yfir allar tilnefn-
ingar en hana skipa fulltrúar
Listaháskóla Íslands, Listfræða-
félags Íslands, myndlistarráðs,
safnstjóra íslenskra listasafna
(Listasafns Íslands, Listasafnsins á
Akureyri, Listasafns Reykjavíkur,
Gerðarsafns, Nýlistasafnsins,
Listasafns Árnesinga, Listasafns
Reykjanesbæjar og Listasafns
ASÍ) og Sambands íslenskra mynd-
listarmanna. Dómnefnd er skipuð
til eins árs í senn og sitja í henni,
fyrir árið 2017-2018, þau Bryndís
Hrönn Ragnarsdóttir, myndlistar-
maður fyrir SÍM; Sigrún Hrólfs-
dóttir, deildarforseti myndlistar-
deildar Listaháskóla Íslands;
Magnús Gestsson, formaður List-
fræðafélags Íslands; Margrét El-
ísabet Ólafsdóttir, fulltrúi safn-
stjóra íslenskra safna, og Margrét
Kristín Sigurðardóttir, formaður
myndlistarráðs.
Í tilkynningu segir að verðlaunin
hafi þann tilgang að vekja athygli
á því sem vel sé gert á sviði mynd-
listar á Íslandi og að þeim sé ætlað
að stuðla að kynningu á íslenskum
myndlistarmönnum og styðja við
myndsköpun þeirra. Verðlaun
verða veitt í tveimur flokkum. Að-
alverðlaunin, myndlistarmaður árs-
ins, hlýtur listamaður sem þykir
hafa skarað fram úr með nýlegum
verkum og sýningu á Íslandi á síð-
astliðnu myndlistarári, þ.e. 2017 og
fær hann eina milljón króna í verð-
laun. Hvatningarverðlaun og hálfa
milljón króna hlýtur svo ungur,
starfandi myndlistarmaður sem
lokið hefur grunnnámi á síðast-
liðnum fimm árum og hefur sýnt
opinberlega innan þess tíma.
Mikilvæg verðlaun
„Þar sem myndlistarráð kemur
að þessu – og það heyrir undir
menntamálaráðuneytið – fannst
okkur eðlilegt að almenningur
kæmi að því að tilnefna,“ segir
Björg Stefánsdóttir, framkvæmda-
stjóri Kynningarmiðstöðvar ís-
lenskrar myndlistar. Hún segir
dómnefnd velja fjóra myndlistar-
menn eftir að hafa farið yfir allar
tilnefningar og að þeir verði í
framhaldi kynntir vel. „Af þeim
verður svo einn valinn sem mynd-
listarmaður ársins en fyrir hvatn-
ingarverðlaunin er ekkert forval,“
útskýrir Björg.
Hún segir verðlaunin skipta
miklu máli. „Þetta er mikil upp-
hafning fyrir þann sem verður fyr-
ir valinu og mjög mikil kynning á
þeim myndlistarmanni. Í raun og
veru er þetta líka upphafning fyrir
greinina alla því verðlaunin beina
augum fleira fólks að myndlist og
veita henni vonandi meira umfang í
fjölmiðlum. Hún mun fá meiri um-
fjöllun í kjölfarið og fleiri munu þá
þekkja og kannast við þann sem
vinnur og þá sem eru tilnefndir.
Hlutverk myndlistarráðs er að efla
og kynna íslenska myndlist og
þetta er mjög stór liður í því.“
Björg er spurð að því hvernig
henni finnist myndlistarárið 2017
hafa verið hér á landi. „Bara mjög
gott, ég held ég geti ekki sagt ann-
að, með mörgum stórum sýningum
í söfnunum, t.d. sýningu Ragnars
Kjartanssonar sem sló öll aðsókn-
armet í Listasafni Reykjavíkur og
skálinn á Feneyjatvíæringnum
hlaut gríðarlega mikla og góða um-
fjöllun. Egill Sæbjörnsson er búinn
að vera að sýna töluvert í kjölfarið
á þeirri sýningu og svo tók nýr
safnstjóri við Listasafni Íslands
þannig að það er búið að vera mik-
ið að gerast,“ svarar Björg.
Spurð að því hvort búið sé að
ákveða hvar verðlaunin verði af-
hent og hver umgjörðin verði segir
Björg ekki búið að ákveða það end-
anlega. „Það er ennþá í mótun og
verður ábyggilega gert í samtali
við safnstjórana. Þau verða líklega
veitt í einhverju þeirra safna sem
koma að dómnefndinni,“ segir hún
og hvetur að lokum almenning til
að taka þátt og senda inn tilnefn-
ingar. Sem fyrr segir þurfa til-
nefndir myndlistarmenn að hafa
haldið sýningu hér á landi árið
2017.
Upphafning fyrir greinina alla
 Íslensku myndlistarverðlaunin verða veitt í fyrsta sinn í febrúar á næsta ári  Stór liður í að efla
og kynna íslenska myndlist, segir framkvæmdastjóri Kynningarmiðstöðvar íslenskrar myndlistar
Björg
Stefánsdóttir
Morgunblaðið/Golli
Farsæll Ragnar Kjartansson hlaut Sjónlistaorðu Íslensku sjónlistaverðlaunanna þegar hún var veitt í síðasta sinn,
árið 2012. Guð, hvað mér líður illa, sýning á verkum hans í Hafnarhúsi Listasafns Reykjavíkur, naut afar mikillar
aðsóknar á árinu sem er að líða og hér sést Ragnar kampakátur við opnun hennar, 4. júní.
Átta fyrrverandi barnastjörnur í
Hollywood hafa stigið fram og sakað
framleiðandann Gary Goddard um
kynferðislega misnotkun eða til-
raunir til misnotkunar. Árum saman
var Goddard fenginn til að leiðbeina
ungum leikurum í Santa Barbara í
Kaliforníu. Hann hefur skrifað, leik-
stýrt og framleitt sýningar fyrir
Hollywood og Broadway ásamt því
að hanna skemmtigarða.
Í seinasta mánuði greindi leikar-
inn Anthony Edwards, sem þekkt-
astur er fyrir hlutverk bráðalæknis-
ins Mark Greene í sjónvarps-
þáttunum ER, frá því að Goddard
hefði misnotað sig kynferðislega
þegar hann var drengur.
„Þetta er maður sem laðast að
ungum drengjum á ógeðfeldastan
hátt. Það sem hann gerir endur-
speglar hvorki ást né vináttu. Þetta
er hryllingur vegna þess að hann
stjórnar ungum hjörtum og hugum
með brögðum,“ segir Edwards.
Frá því Edwards birti skrif sín á
netinu hefur blaðamaður Los Angel-
es Times rætt við sjö aðrar fyrrver-
andi barnastjörnur sem saka Godd-
ard um allt frá tilraunum til
óviðeigandi snertinga til kynferðis-
ofbeldis. Ein þeirra er Mark Dris-
coll, sem lýsir því hvernig hann hafi
ávallt kviðið heimsóknum sínum til
Goddards en barnastjörnurnar gisti
iðulega á heimili framleiðandans.
„Ég vissi að ég þyrfti að upplifa hluti
sem mig langaði ekki til.“
Bret Nighman lýsir því hvernig
Goddard hafi leitað á sig fjórum
sinnum áður en hann varð 16 ára.
Seinasta atvikið átti sér stað á heim-
ili Goddards árið 1977 en þá þuklaði
hann á klofi Nighmans og neyddi
hann til að fróa sér á móti.
Goddard hafnaði boði Los Angel-
es Times um viðtal. Sam Singer, fjöl-
miðlafulltrúi hans, vísar ásökun-
unum á bug og segir þær ekkert
annað en sögusagnir.
Stígur fram Anthony Edwards
sem Mark Greene læknir í ER.
Barnastjörnur upp-
lýsa um misnotkun