Morgunblaðið - Sunnudagur - 31.12.2017, Blaðsíða 17

Við sendum
landsmönnum
hlýjar kveðjur
569 6900 08:00–16:00www.ils.is
Með ósk um gleðileg jól
og farsæld á komandi árum
31.12. 2017 MORGUNBLAÐIÐ SUNNUDAGUR 17
Hvað finnst þér þú hafa lært á árinu sem
er að líða?
„2017 var gríðarlega lærdómsríkt fyrir
mig. Ég hóf árið á TED-fyrirlestri sem
vakti heimsathygli. Þar ræddi ég um of-
beldisreynslu sem flestir þolendur þegja
yfir. Mig óraði ekki fyrir því að einungis
nokkrum mánuðum síðar myndi
#metoo-hreyfingin breiðast út um allan
heim, né að skyndilega yrðu milljónir þol-
enda búnar að rjúfa þögnina á sama hátt
og ég. Ég lærði líka að ef maður gefur út
bók í átta löndum samtímis neyðist mað-
ur til að treysta útgefandanum á hverjum
stað, þótt maður botni ekkert í hvers
vegna einhver ákveðin bókarkápa varð
fyrir valinu. Mér fannst íslensk stjórn-
málamenning afhjúpa sig á árinu, en ég
varð fyrir vonbrigðum með að ofbeldis-
forvarnir og umbætur í kynferðisbrota-
málum fengju ekki meira vægi í kosn-
ingum haustsins. Ég tel að það sé hluti af
skýringunni á því að #metoo-hreyfingin á
Íslandi varð jafn sterk og raun ber vitni,
þolendur eru hreinlega komnir með nóg.
Ég lærði að meta Instagram, finnst það
langskemmtilegasti samfélagsmiðillinn í
dag, lærði að iðka yoga á hótelher-
bergjum víða um heim og hvernig á að
losa fræ úr granateplum.“
Besta ráðið sem þú gætir gefið sjálfri þér
á nýju ári?
„Ég vil fara með æðruleysi inn í 2018 og
sætta mig við það sem ég get ekki breytt.
Ég vil breyta heiminum, helst í gær, þann-
ig að við njótum öll sömu tækifæranna í
lífinu og ofbeldi líðist ekki í neinni mynd.
Ég ætla að halda þeirri baráttu áfram en
þegar starfsvettvangurinn stækkaði
skyndilega og fór úr því að takmarkast
við Ísland yfir í allan heiminn varð mér
ljóst að það er nauðsynlegt að ég velji vel
mína bardaga. Ég ætla að vera duglegri
að biðja um aðstoð þegar ég þarf á henni
að halda, en sem einyrki er ég svo vön að
þurfa að leysa allt sjálf að stundum stein-
gleymi ég öllu því dásamlega fólki sem ég
er svo heppin að þekkja og er stundum
með miklu betri lausnir en ég. Hvað
hversdagslegri hluti varðar vil ég líka taka
djarfari ákvarðanir með litaval á komandi
ári, fækka svörtu flíkunum í fataskápnum
og mála veggina á heimilinu í lit. Lífið er
fjarri því svarthvítt og gott að njóta allra
blæbrigða regnbogans.“
ÞÓRDÍS ELVA ÞORVALDSDÓTTIR RITHÖFUNDUR
Velja mína bardaga
Morgunblaðið/Golli
Hvað finnst þér þú hafa
lært á árinu sem er að líða?
„Á árinu sem er að líða
missti ég afar dýrmætan
vin og samstarfsmann. Mér
finnst ég líta tilveruna
öðrum augum eftir frá-
fallið.“
Ef þú horfir til þess sem þú
hefur upplifað, reynt og
lært á árinu sem er að líða,
hvert er besta ráðið sem
þú gætir gefið sjálfum þér
fyrir nýja árið?
„Mikilvægi þess að lifa líf-
inu þakklátur fyrir allt sem
maður hefur: vini, fjöl-
skyldu, góða heilsu og allt
sem maður fær að fást við,
upplifa og læra.“
BJARNI BENEDIKTSSON FJÁRMÁLARÁÐHERRA
Sé tilveruna með
öðrum augum
Morgunblaðið/Kristinn Magnússon
Hvað finnst þér þú hafa lært á árinu sem er að
líða?
„Ég hef lært að sýna þolinmæði og einnig hef
ég lært að njóta augnabliksins. Þolinmæðina hef
ég lært af því að þurfa að kljást við mín meiðsl.
Að læra að meta augnablikið er það sem ég
lærði þegar við í karlalandsliðinu í knattspyrnu
komumst á Heimsmeistaramótið næsta sumar,
að njóta þess að fanga nákvæmlega það augna-
blik inni í mér.“
Ef þú horfir til þess sem þú hefur upplifað, reynt
og lært á árinu sem er að líða, hvert er besta ráð-
ið sem þú gætir gefið sjálfum þér fyrir nýja árið?
„Ég gef mér það ráð að gefast aldrei upp. Ef
maður leggur sig nógu mikið fram, án þess að
gefast upp, er alltaf hægt að ná markmiðum sín-
um. Setja sér markmið og hætta ekki fyrr en því
markmiði er fyllilega náð.“
ARON EINAR GUNNARSSON LANDSLIÐSFYRIRLIÐI
Hef lært að sýna þolinmæði
Morgunblaðið/Skapti Hallgrímsson