Morgunblaðið - Sunnudagur - 31.12.2017, Blaðsíða 18

LEXÍUR 2017
18 MORGUNBLAÐIÐ SUNNUDAGUR 31.12. 2017
Hvað finnst þér þú hafa lært á árinu sem er
að líða?
Það sem ég hef lært 38 að aldri er að líf-
ið er ekki „línulegt“ ástand, það tekur
breytingum, Þessa setningu sagði kær vin-
kona við mig á erfiðum tíma og ég trúði
því ekki þá en sá eftir á hvað hún er rétt.
Lífið tekur okkur í ferðalag og maður verð-
ur stundum að fara í gegnum erfiðu stund-
irnar til að geta upplifað þær góðu. Stund-
um finnst manni eins og erfiði tíminn ætli
engan enda að taka en svo gerist það allt í
einu og þá verður maður að muna að njóta
góða tímans sem gengur í garð. Kosturinn
við það að eldast er að maður kann betur
að meta hann með þakklæti í hjarta.“
Ef þú horfir til þess sem þú hefur upplifað,
reynt og lært á árinu sem er að líða, hvert
er besta ráðið sem þú gætir gefið sjálfri þér
fyrir nýja árið?
„Það sem ég mundi vilja hafa í huga á
næsta ári er tvennt. Taktu einn dag í einu
og þolinmæði þrautir vinnur allar, væna
mín.“
HELGA ARNARDÓTTIR, YFIRRITSTJÓRI OG FJÖLMIÐLAKONA
Lífið ekki línulegt ástand
Hvað finnst þér þú hafa lært á
árinu sem er að líða?
„Sem stjórnmálamaður hef ég
lært að setji maður sér markmið,
hafi skýra sýn og vinni að þeim og
hlusti eftir því sem fólk hefur að
segja þá er hægt að virkja þann já-
kvæða kraft og gleði sem felst í
samvinnu fjöldans. Mestu skiptir
að hverjum og einum sé sýnd
virðing og traust og að hver og
einn fái að njóta sín.“
Ef þú horfir til þess sem þú hefur
upplifað, reynt og lært á árinu
sem er að líða, hvert er besta ráð-
ið sem þú gætir gefið sjálfum þér
fyrir nýja árið?
„Taka áskorunum og vera op-
inn fyrir nýjum tækifærum, en á
sama tíma að hlúa að því sem er
mikilvægast í lífinu sem er fjöl-
skylda, vinir og eigin heilsa. Árið
2018 verður ár lýðheilsu, bæði
einstaklinga og samfélagsins.“
SIGURÐUR INGI JÓHANNSSON, SAMGÖNGU-
OG SVEITARSTJÓRNARRÁÐHERRA
Öllum sé sýnd virðing
Hvað finnst þér þú hafa lært á
árinu sem er að líða?
„Í fyrsta lagi hvað það getur
verið snúið að safna peningum
til að reyna að eiga fyrir útborg-
un í íbúð. Líka að það er mikil-
vægt að láta drauma sína ræt-
ast, þótt það geti stundum
verið pínu sársaukafullt. Svo hef
ég lært það líka að fólk sem
maður taldi sig geta treyst og
leit upp til getur brugðist. En
um leið hef ég lært að það þýðir
ekkert að dvelja við eitthvað
neikvætt.
Ef þú horfir til þess sem þú hef-
ur upplifað, reynt og lært á
árinu sem er að líða, hvert er
besta ráðið sem þú gætir gefið
sjálfum þér fyrir nýja árið?
„Númer eitt, tvö og þrjú:
Aldrei gefast upp. Hafa fulla trú
á draumum sínum og reyna að
ná þeim sama hvað það kostar
innan skynsamlegra marka. Ekki
láta fólk sem veit ekkert hvað
það er að tala um hafa of mikil
áhrif á sig – og hlusta frekar á
fólk sem hefur vit á því sem
maður er að spá og hlusta á
ráðleggingar þess. Þá finnst mér
mjög mikilvægt að reyna alltaf
að láta gott af sér leiða.
SÆVAR HELGI BRAGASON STJÖRNUFRÆÐIKENNARI
Erfitt að safna fyrir íbúð
Morgunblaðið/Kristinn Magnússon
Hvað finnst þér þú hafa lært á árinu sem er að líða?
„Á þessu ári tók ég töluverða áhættu, bæði póli-
tíska og persónulega, og tel að ég hafi lært það að
miklu skiptir að fylgja sinni eigin sannfæringu og
tilfinningu ef maður á að vera sáttur við sjálfan sig.
Ég lærði líka að maður lærir ekki spænsku í ein-
um grænum fjórum dögum fyrir Spánarferð, að
þegar maður er kominn yfir fertugt þarf maður
eiginlega helst að fara að hreyfa sig og alls konar
fólk er skemmtilegra en það virðist við fyrstu sýn.“
Ef þú horfir til þess sem þú hefur upplifað, reynt og
lært á árinu sem er að líða, hvert er besta ráðið
sem þú gætir gefið sjálfri þér fyrir nýja árið?
„Besta ráðið sem ég gæti gefið sjálfri mér út frá
lærdómi liðins árs er að hafa dyrnar opnar fyrir
óvæntum straumum og vera þannig tilbúin að
taka á móti tækifærunum.
Og að hætta ekki að hreyfa mig þó að lítið hafi
nú gengið í þeim málum á undanförnum vikum út
af svolitlu.“
KATRÍN JAKOBSDÓTTIR FORSÆTISRÁÐHERRA
Morgunblaðið/Árni Sæberg
Maður lærir
ekki spænsku á
fjórum dögum
Hvað finnst þér þú hafa lært
á árinu sem er að líða?
„Það sem ég lærði á árinu
er að tíu ár eru allt of fljót að
líða og lífið er allt of stutt fyr-
ir léleg dekk, lélega hnífa,
ódýrt rauðvín og vond föt.“
Ef þú horfir til þess sem þú
hefur upplifað, reynt og lært
á árinu sem er að líða, hvert
er besta ráðið sem þú gætir
gefið sjálfum þér fyrir nýja ár-
ið?
„Ráð mitt er nákvæmlega
það sama og ég lærði. Að
muna að lífið er of stutt fyrir
léleg dekk, lélegar rúðu-
þurrkur, bitlausa hnífa, vont
rauðvín og ljót föt. Og einnig
að 10 ár í viðbót verða fljót
að líða. Ég ætla að gera eitt-
hvað í þessu öllu.“
VILHELM ANTON JÓNSSON EÐA VILLI NAGLBÍTUR
Lífið er of stutt fyrir ljót föt
og vont rauðvín
Getty Images
’Þegar maður er kominnyfir fertugt þarf maðureiginlega helst að fara aðhreyfa sig og alls konar fólk
er skemmtilegra en það
virðist við fyrstu sýn.
Morgunblaðið/Kristinn Magnússon
Morgunblaðið/ Kristinn Magnússon
Morgunblaðið/Árni Sæberg