Morgunblaðið - Sunnudagur - 31.12.2017, Blaðsíða 42

Hægt er að nota ýmislegt sem fell-
ur til í eldhúsinu til að búa til fitu-
kökur eins og ost og haframjöl,
segir í grein á gardeners-
world.com. Aðeins þarf að blanda
þessu saman við svínafitu eða
mör. Ekki má nota kalkúnafitu þar
sem hún harðnar ekki með sama
hætti og getur komist í fjaðrir
fuglanna og hindrað þá í að fljúga.
TÆKI SEM ÞARF
skál
pottur
skeið
band
tómar jógúrdósir
INNIHALDSEFNI
ýmiss konar fræ
haframjöl
rúsínur
brauðmylsna
kökumylsna
rifinn ostur
jarðhnetur
fita
Hlutföllin í uppskriftinni
eru tveir hlutar af þurr-
efnum á móti einum
hluta af fitu.
Byrjað er á því að blanda
þurrefnunum saman í skál. Síð-
an er fitan brædd í pönnu og
blandað vel saman við þurrefnin.
Næst þarf að gera lítið gat í
botninn á jógúrtdósinni og þræða
spotta þar í gegn. Hægt er að nota
margskonar form en jógúrtdós er
heppileg í notkun og auðvelt að
nálgast. Formið er fyllt með heitri
blöndunni með skeið og spottinn
hafður í miðjunni.
Fitukökur fyrir fugla
Dósirnar bíða í ísskápnum yfir
nótt. Þá er hægt að klippa þær í
burtu. Nauðsynlegt er að binda
stóran hnút neðan við fitukökuna
og nota hinn endann til að hengja
hana upp í tré.
Þá er bara að bíða eftir því að
fuglarnir mæti í veisluna!
Í frosti eins og ríkt hefur að undanförnuer mikilvægt að hugsa til fuglanna. Al-gengustu spörfuglarnir á höfuðborg-
arsvæðinu yfir vetrartímann eru skógar-
þröstur, stari, hrafn, snjótittlingur og
auðnutittlingur. Þessir fuglar hafa alls
ekki sama matarsmekk en það fer eftir
tegund hvað þeim finnst best að éta.
Þegar vetrarhörkur ríkja þurfa fuglar
mikla orku til að halda á sér hita og því
er feitmeti, svo sem tólg, kjötsag, dýra-
fita, flot og mör, ein allra besta fæðan
sem þeir fá, segir á Vísindavef Háskóla
Íslands.
„Almennt sækir stari í alla matar-
afganga, meðal annars brauðmeti, kart-
öflu- og fiskafganga en fita og tólg hent-
ar honum vel. Skógarþrestir og
svartþrestir eru mjög sólgnir í epli og
perur. Æskilegast er að láta ávextina á
stöðugan stað, til dæmis festa þá á trjá-
grein þar sem fuglarnir geta setið og bit-
ið í eplið eða peruna í frið og ró. Skóg-
arþrestir eru einnig sólgnir í mör og
kjötsag, auk brauðmylsnu og berja,“ seg-
ir þar.
Þar kemur einnig fram að auðnutitt-
lingar og snjótittlingar séu fræætur og
því er sérstakt fuglafóður heppilegt.
„Fóðrið er sérstaklega ætlað snjótitt-
lingum og í því er annaðhvort kurlaður
maís eða ómalað hveitikorn,“ en auðnu-
tittlingar eru ekki hrifnir af maísnum en
þeim mun sólgnari í hveitið.
Gott að bæta við fitu
Í miklum kuldum er oft gott að blanda
matarolíu eða smjörlíki við fóðrið til þess
að gera það orkumeira.
Hrafnar eru mest fyrir kjötmeti en
þiggja engu að síður ýmislegt annað í
harðindum. Til að laða hrafna í fæði er
best að gefa þeim á opnu svæði.
Hægt er að nota margs-
konar form til að búa til
fitukökur fyrir fugla.
GettyImages/iStockphoto
Gleymum ekki smáfuglunum
Starar sækja í alls-
kyns matarafganga.
Fuglar hafa mismunandi matarsmekk en þegar vetrar-
hörkur ríkja þurfa þeir mikla orku til að halda á sér hita.
Almennt sækir stari í alla matarafganga á meðan skóg-
arþrestir og svartþrestir eru mjög sólgnir í epli og perur.
Inga Rún Sigurðardóttir ingarun@mbl.is
42 MORGUNBLAÐIÐ SUNNUDAGUR 31.12. 2017
MATUR
Óseyrarbraut 12, 220 Hafnarfirði | Klettagörðum 5, 104 Reykjavík | stolpigamar@stolpigamar.is
Gámaleiga
Er gámur lausnin fyrir þig?
Við getum líka geymt gáminn fyrir þig
568 0100
stolpigamar.is
HAFÐU
SAMBAND
Búslóðageymsla z Árstíðabundinn lager z Lager z Sumar-/vetrarvörur
Frystigeymsla z Kæligeymsla z Leiga til skemmri eða lengri tíma
ÞÚ FINNUR ALLT Á FINNA.IS
VANTAR
ÞIG
PÍPARA?
Íslensku
þjónustufyrirtækin
eru á finna.is