Morgunblaðið - 12.01.2018, Blaðsíða 4
4 FRÉTTIRInnlent
MORGUNBLAÐIÐ FÖSTUDAGUR 12. JANÚAR 2018
Ármúla 17, 108 Reykjavík, sími 552 8636, mbr.is
Allt fyrir raftækni
Hljómtæki
Cambridge Audio Air 100 - Bluetooth hátalari
Verð
59.900 kr.
BAKSVIÐ
Agnes Bragadóttir
agnes@mbl.is
Framboð fimm sjálfstæðismanna í
Reykjavík til þátttöku í leiðtogakjöri
Sjálfstæðisflokksins í Reykjavík
vegna borgarstjórnarkosninganna í
vor virðist hafa markað ákveðið upp-
haf að kosningabaráttunni vegna
sveitarstjórnarkosninganna og að
flestir stjórnmálaflokkar sem á ann-
að borð hyggja á framboð í kosning-
unum séu að hefja undirbúning.
Framsóknarflokkurinn í Reykja-
vík ákvað á kjördæmisþingi í fyrra-
kvöld að stilla upp framboðslista
vegna borgarstjórnarkosninganna
og verður tillaga uppstillingarnefnd-
ar lögð fyrir kjördæmisþing flokks-
ins 22. febrúar nk. til samþykktar
eða synjunar að sögn Jóns Inga
Gíslasonar, formanns kjördæmis-
ráðs Framsóknarfélaganna í
Reykjavík.
Þorgerður Katrín Gunnarsdóttir,
formaður Viðreisnar, sagði í samtali
við Morgunblaðið í gær að undir-
búningur kosninganna í vor væri
hafinn. „Nú fara fram samtöl innan
okkar raða og við aðra flokka. Við
erum bara að fara yfir málin í róleg-
heitum. Við munum bjóða fram ein
og sér eða í samstarfi við aðra. Ég
tel ljóst að við eigum möguleika á
ágætisstuðningi á tilteknum svæð-
um, meðal annars hér á höfuðborg-
arsvæðinu,“ sagði Þorgerður Katr-
ín.
Hún telur að línur hjá Viðreisn
muni skýrast á næstu vikum með
það hvar verður boðið fram og með
hvaða hætti.
Björt Ólafsdóttir, formaður
Bjartrar framtíðar, sagði í samtali
við Morgunblaðið í gær að vinna við
undirbúning framboðs Bjartrar
framtíðar í sveitarstjórnarkosning-
unum í vor væri hafin og raunar
komin í fullan gang.
Aðspurð hvort flokkurinn myndi
bjóða fram í samstarfi við aðra
flokka eða einn og sér sagði Björt:
„Það á eftir að koma í ljós. Það verð-
ur undir framboðum í hverju og einu
sveitarfélagi komið hvernig þeim
málum verður háttað. Það verður
engin ein meginlína gefin út heldur
verður það í höndum aðildarfélaga
Bjartrar framtíðar að meta hvar
samlegðaráhrifin geti orðið mest og
ávinningur orðið að samvinnu.“
Björt telur að framboðsmál
flokksins muni skýrast í næsta mán-
uði.
Miðflokkurinn að stofna
kjördæmafélög um land allt
Gunnar Bragi Sveinsson, formað-
ur þingflokks Miðflokksins, sagði í
samtali við Morgunblaðið í gær að
undirbúningur flokksins hvað varð-
ar framboð vegna sveitarstjórnar-
kosninganna væri þar á vegi stadd-
ur að verið væri að stofna kjör-
dæmafélög Miðflokksins úti um allt
land. „Síðan munu kjördæmafélögin
fara í það að ákveða hvar verður
boðið fram. Við gerum ráð fyrir því
að bjóða fram í flestum af þessum
stærri sveitarfélögum, en ég tek það
þó fram að í þeim efnum hefur ekk-
ert verið endanlega ákveðið,“ sagði
Gunnar Bragi.
Ólafur Ísleifsson, formaður þing-
flokks Flokks fólksins, sagði í sam-
tali við Morgunblaðið í gær að hjá
flokknum væri undirbúningur að
þátttöku í sveitarstjórnarkosningum
í deiglunni þessa daga. „Það hefur
verið unnin undirbúningsvinna með
stofnun kjördæmisráða á nokkrum
stöðum. Við erum að skoða mögu-
leikann á því að bjóða fram á völdum
stöðum, en engar ákvarðanir hafa
enn verið teknar,“ sagði Ólafur.
Flokkarnir eru að hefja
kosningaundirbúning sinn
Búist við að framboðsmál vegna sveitarstjórnarkosninganna skýrist fljótlega
Morgunblaðið/Ómar
Ráðhús Reykjavíkur Að loknum borgarstjórnarkosningunum í maí í vor
verða borgarfulltrúar Reykjavíkurborgar 23 talsins en í dag eru þeir 15.
„Þetta er í raun afleiðing þess að
hluti fjárveitinga til Landhelgisgæslu
Íslands er gengistryggður, en þannig
hefur það verið í mörg ár og er það
gert að ósk Landhelgisgæslunnar
sjálfrar,“ segir Sigríður Á. Andersen
dómsmálaráðherra í samtali við
Morgunblaðið.
Greint var frá því á laugardag að
þyrlan TF-SYN yrði hugsanlega
leigð í verkefni erlendis í að minnsta
kosti tvo mánuði til að loka gati sem
myndaðist við „lækkun“ fjárheimilda
til Landhelgisgæslunnar í fyrra. Er
það tilkomið vegna breyttra geng-
isforsendna. Eftir fund Gæslunnar
með embættismönnum í dóms-
málaráðuneytinu er nú hins vegar
ljóst að þyrlan verður ekki framleigð,
en í staðinn ætti LHG að leita ann-
arra leiða til að auka sértekjur.
Sigríður segir þetta ekki hafa átt
að koma Landhelgisgæslunni á óvart
og þar á bæ hefðu menn mátt vita í
hvað stefndi, en vegna gengisbreyt-
inga lækkaði framlag til þeirra um
61,4 milljónir króna. „Landhelg-
isgæslunni mátti vera það ljóst,
þekkjandi sitt bókhald og stöðu
gengismála,“ segir hún. Þá segir hún
einnig ljóst að ekki komi til greina að
leigja út björgunarþyrlu á sama tíma
og önnur er í viðgerð. „Ráðuneytið
mun aldrei samþykkja slíkt komi það
niður á getu Gæslunnar til björg-
unar.“
Munu ekki samþykkja
skerta getu Gæslunnar
Fjárveitingar háðar gengisbreytingum
Yfir 70 manns höfðu leitað til bráðamóttökunnar á
Landspítalanum um miðjan dag í gær vegna hálku-
slysa. Jón Magnús Kristjánsson, yfirlæknir á bráða-
móttökunni, segir að um hafi verið að ræða bæði lítil
og stærri slys. „Í þessari tölu eru alvarleg brot sem
kröfðust aðgerða, s.s. ökklabrot og mjaðmabrot,“ seg-
ir Jón.
Að sögn Jóns Halldórs Jónassonar, upplýsingafull-
trúa hjá Reykjavíkurborg, ræsti vaktmaður út allan
tiltækan mannskap til að hefja söltun og söndun á
stofnleiðum í borginni í gærnótt. Spurður um mikla
hálku hjá skólum í borginni segir hann að skólarnir
hafi aðgang að salti og sandi til að dreifa um sitt
nærumhverfi. „Við dreifum salti og sandi til skólanna
og stofnana. Þannig að þar eru úrræði til staðar og
fólk getur kastað á helstu gönguleiðir,“ segir Jón.
Skaðabótaskylda getur myndast ef opinberir aðilar
eða einkaaðilar tryggja ekki aðkomu að þeim stöðum
sem fólk venur komur sínar. „Eldsnemma á morgn-
ana er möguleiki á að þeir séu ekki bótaskyldir ef
einhver dettur í hálku. Hvað varðar skólana þá er
það um leið og kominn er tími til að mæta í skólann.
Hvort sem það eru krakkarnir, foreldrar eða starfs-
menn, þá er talað um að það eigi að vera búið að
gera ráðstafanir ef það eru greinilega þannig að-
stæður úti,“ segir Bergrún Elín Benediktsdóttir, lög-
maður hjá lögfræðistofunni Fulltingi.
Hún bætir við að því lengur sem líði á daginn auk-
ist sú ábyrgð að bregðast við hálkunni. „Ef það er lið-
ið lengra á daginn og aðstæður hafa verið slæmar um
morguninn er alveg klárt mál að það á að vera löngu
búið að salta eða sanda,“ segir Bergrún. mhj@mbl.is
Hálkuslys voru víða á höfuðborgarsvæðinu
Morgunblaðið/Hanna
Yfir 70 manns fóru á bráða-
móttökuna vegna hálkuslysa
Ungur karlmaður, 21 árs, lést í
umferðarslysi á Suðurlandsvegi í
gærmorgun, á móts við Bitru í
Flóa, eftir árekstur tveggja fólks-
bíla sem voru að mætast. Einn var
í hvorum bíl, báðir búsettir á Ís-
landi. Sá sem lést ók til vesturs.
Ökumaður hins bílsins er ekki al-
varlega slasaður.
Slysið, sem varð um klukkan 7.40
í gærmorgun, er til rannsóknar hjá
lögreglunni á Suðurlandi. Að sögn
Sveins Kristjáns Rúnarssonar yfir-
lögregluþjóns er talið mögulegt að
annar ökumaðurinn hafi misst
stjórn á bíl sínum og það sé orsök
slyssins, en fljúgandi hálka var á
veginum og svartamyrkur þegar
það varð.
Ekki er hægt að greina frá nafni
hins látna að svo stöddu.
Banaslys
við Bitru
Svandís Svavarsdóttir heilbrigðis-
ráðherra hefur ákveðið að skipa
starfshóp til að fjalla um aukna
greiðsluþátttöku ríkisins í tann-
lækningum lífeyrisþega. Hálfur
milljarður króna er til ráðstöf-
unar í þessu skyni samkvæmt
fjárlögum 2018. Þetta kemur
fram í tilkynningu frá ráðuneyt-
inu.
Samkvæmt núverandi reglu-
gerð um hlutdeild sjúkratryggðra
í kostnaði við tannlækningar ætti
greiðsluþátttaka ríkisins í kostn-
aði aldraðra og öryrkja við tann-
lækningar að nema 75% að jafn-
aði og vera einstaklingum á
hjúkrunarheimilum að kostn-
aðarlausu.
Tannlæknagreiðslur
lífeyrisþega í nefnd