Morgunblaðið - Sunnudagur - 07.01.2018, Blaðsíða 8

Í PRÓFÍL
8 MORGUNBLAÐIÐ SUNNUDAGUR 7.1. 2018
Ármúli 7, Reykjavík | Sími 568 0708 | www.fako.is
BORÐ
140.000 kr.SKÁPUR
59.000 kr.
MOTTA
85x130cm
17.900 kr.
VONBRIGÐI Mikil eftirvænting skapaðist í
aðdraganda andhetjumyndarinnar Suicide
Squad, en myndin var byggð á vinsælum
myndasögum frá DC útgáfufyrirtækinu. Rob-
bie fór með hlutverk ofurillmennisins Harley
Quinn, en ásamt henni fór stjörnum prýddur
leikarahópur með hlutverk í myndinni, þar
má nefna Will Smith í hlutverki hins skotfima
Deadshot, Jared Leto í hlutverki Jókersins og
Cara Delevingne í hlutverki June Moone, eða
Enchantress. Eftirvæntingin breyttist fljótlega
í vonbrigði þegar myndin kom út, en hún fékk
tiltölulega neikvæð viðbrögð frá gagnrýn-
endum. Robbie stóð þó uppi sem skærasta
stjarna myndarinnar og eftirlæti aðdáenda, en
í kjölfar vinsælda hennar var tilkynnt að hún
myndi bregða sér í hlutverk Harley Quinn á
ný í að minsta kosti einni mynd á næstu árum,
en aðdáendur eru vongóðir um að þær muni
verða fleiri. Margot Robbie í gervi Harley Quinn.
Ofurillmenni og
andhetjur
MARGOT ROBBIE er áströlsk leikkona sem skotist hefur með ógnar-
hraða upp á stjörnuhimininn, og með hverri stórmyndinni á fætur ann-
arri, nálgast það óðfluga að verða ein af skærustu stjörnum kvikmynda-
heimsins. Aðeins sautján ára gömul flutti Robbie frá smábæ í
Queensland til Melbourne og hóf að starfa sem leikkona, en aðeins rúmu
ári síðar spratt Robbie inn á sjónarsviðið þegar hún landaði gesta-
hlutverki í sápuóperunni geysivinsælu Nágrönnum. Robbie fór með hlut-
verk Donnu Freedman, en hún var fljótlega gerð að einni af aðal-
persónum þáttarins.
Robbie eyddi þremur árum í hlutverki Freedman áður en hún flutti til
Hollywood og fékk hlutverk í þáttunum Pan Am, sem fjölluðu um flug-
menn og flugfreyjur hjá flugfélaginu Pan American World Airways, en
þættirnir entust aðeins í eina þáttaröð þrátt fyrir prýðilegar undirtektir.
Robbie fór með stórt hlutverk í Martin Scorsese-myndinni The Wolf
of Wall Street ásamt stórleikaranum Leon-
ardo DiCaprio, en hún fékk mikið lof fyrir
leik sinn sem Naomi Lapaglia, önnur eig-
inkona Jordans Belfort, aðalpersónu mynd-
arinnar.
Árið 2015 lék Robbie á móti Chiwetel Ejio-
for og Chris Pine í heimsendamyndinni Z for
Zachariah, en myndin segir frá tilfinn-
ingaríkum ástarþríhyrning eftirlifenda ham-
fara sem þurrka út mestallt mannkyn. Sama
ár lék hún á móti Will Smith í rómantísku
gamanmyndinni Focus þar sem tvíeykið fer
með hlutverk tveggja svikahrappa, en þótt
myndin hafi fengið misgóðar undirtektir var
Robbie lofuð upp í hástert fyrir leik sinn.
Robbie giftist aðstoðarleikstjóranum Tom
Ackerley í desember 2016, en parið kynntist á
tökustað myndarinnar Suite Française.
Robbie fór með annað aðalhlutverka gaman-
myndarinnar Whiskey Tango Foxtrot ásamt
Tinu Fey, en myndin fjallar um kvenkyns
blaðamenn í Afganistan.
SÚ BESTA Robbie túlkar
hlutverk Tonyu Harding,
skautadansarans alræmda, í
myndinni I, Tonya, sem
byggð er á ævi Harding.
Harding var einn besti
skautadansari Bandaríkjanna
áður en hún fékk ævilangt
bann frá listdansi á skautum
eftir að eiginmaður hennar
ásamt tveimur samsæris-
mönnum réðst á helsta
keppinaut Harding, Nancy
Kerrigan.
Rétt eins og í flestu sem
Robbie tekur sér fyrir hend-
ur hefur hún fengið nær ein-
róma lof gagnrýnenda fyrir
leik sinn í myndinni.
Ég, Tonya
Sjálf Tonya Harding mætti á frumsýningu myndarinnar og stillti sér að sjálfsögðu
upp með Margot Robbie. Mörgum þótti óviðeigandi að hún skyldi mæta.
AFP
FJÖLHÆF Allt frá því að Robbie fór með
hlutverk Naomi Lapaglia í The Wolf of Wall
Street hefur ferill hennar verið á hraðri upp-
leið og er Margot Robbie orðin ein eftir-
sóttasta leikkonan í Hollywood í dag. Á
næstu mánuðum mun hún birtast í fjölda
mynda, meðal annars fer hún með hlutverk
í hrollvekjunni Terminal, sálfræðitryllinum
Bad Monkeys, sem byggður er á skáldsögu
Matts Ruff, og ævintýramynd byggðri á sög-
unum um Pétur Kanínu, auk þess að bregða
sér í hlutverk Elísabetar I. Englandsdrottn-
ingar í Mary Queen of Scots. Hún mun
einnig stíga á bakvið myndavélina á kom-
andi ári, en Robbie á og rekur, ásamt eigin-
manni sínum, framleiðslufyrirtækið
LuckyChap Entertainment.
AFP
Eftirsótt og
upptekin
Robbie er á
hraðri uppleið í
Hollywood.
Fyrst Nágrannar,
svo Hollywood
Stíll Robbie er
afslappaður og
glaðlegur.
AFP
Margot Robbie ásamt
Allison Janney sem leik-
ur móður Tonyu Har-
ding í myndinni I, Tonya
og leikstjóra mynd-
arinnar, Craig Gillespie.
’ Vendipunktur varð á ferli Margot Robbieeftir að hún lék í myndinni um úlfinn á WallStreet. Eftir það hefur hún verið á uppleið. Húnhefur fengið lof fyrir leik sinn í I, Tonya.
Robbie á svellinu í hlutverki Tonyu Harding.