Morgunblaðið - 10.02.2018, Qupperneq 14

14 FRÉTTIRInnlent
MORGUNBLAÐIÐ LAUGARDAGUR 10. FEBRÚAR 2018
Árleg tónlistarguðsþjónusta séra
Eðvarðs Ingólfssonar, sóknarprests
á Akranesi, Ragnars Bjarnasonar
söngvara og Þorgeirs Ástvalds-
sonar tónlistarmanns verður í
Akraneskirkju á morgun, sunnu-
dag, og hefst klukkan 17, ef veður
leyfir.
„Það er spáð stórhríð og djöful-
gangi og ég er enginn fjallagarp-
ur,“ segir Ragnar, sem vonar samt
að ekki þurfi að fresta messunni,
sem nú fer fram í 11. sinn.
Sem fyrr syngur Ragnar þekkt
lög við píanóundirleik Þorgeirs en
Eðvarð byggir brú á milli laganna
með stuttri hugvekju. „Þetta eru
lög um lífið og tilveruna; ástir og
ástarsorg, náttúrufegurð, rómantík
og sjómennsku, lög sem gott er að
prédika út frá,“ segir Eðvarð, en
Rakel Pálsdóttir verður gesta-
söngvari í ár. „Hún syngur meðal
annars tvö lög með mér, „Þannig
týnist tíminn“ og „Heyr mína
bæn“,“ segir Ragnar.
Húsfyllir hefur verið hverju sinni
og tónlistarmennirnir hafa alltaf
verið klappaðir upp. Þá hefur
Ragnar sungið „Vertu ekki að horfa
svona alltaf á mig“ og verður engin
breyting á. Í fyrra flutti hann eft-
irfarandi eigin kveðskap í lokin við
góðar undirtektir:
Nonni litli datt í dý
og meiddi sig í „fótnum“.
En hann varð aldrei uppfrá því,
jafngóður í fótnum.
„Þarna skiptir fyrsta orðið í
þriðju línu mestu máli,“ segir Ragn-
ar og leggur áherslu á orðið „en“.
„Það var lítið minnst á þetta við
veitingu Nóbelsverðlaunanna,“
heldur söngvarinn síkáti áfram.
steinthor@mbl.is
Hinir þrír fræknu Frá vinstri: Ragnar Bjarnason, Eðvarð Ingólfsson og Þor-
geir Ástvaldsson bjóða upp á tónlistarguðsþjónustu á Akranesi í 11. sinn.
Léttleikinn í fyrir-
rúmi á Akranesi
 Árleg tónlistarguðsþjónusta
Helgi Bjarnason
helgi@mbl.is
Íbúum Akraness gæti fjölgað um 600
eða þar um bil þegar flutt verður inn
í allar 218 íbúðirnar sem byggja á í
tveimur fyrstu áföngum Skógahverf-
is. Auk þess eru nú 218 íbúðir í bygg-
ingu eða hönnun
og 130 íbúðir
verða á Dalbraut-
arreit sem aug-
lýstur verður á
næstunni. Þegar
fólkið flytur inn í
allar þessar íbúð-
ir má búast við að
íbúum Akraness
fjölgi um 1.300 til
1.400 og verði þá
orðnir yfir 8.500.
Alls bárust 44 umsóknir um sex
par- og raðhúsalóðir og átta fjöl-
býlishúsalóðir í Skógahverfi en
Akranesbær hafði auglýst átta par-
og raðhúsalóðir og tólf fjölbýlishúsa-
lóðir til byggingar á samtals um 178
íbúðum. Mikil umframeftirspurn
varð eftir par- og raðhúsunum en
minni eftir fjölbýlishúsunum. Í þessu
hverfi hefur einnig verið tekin frá lóð
fyrir Bjarg íbúðafélag sem hyggst
byggja þar hús með um 40 íbúðum til
langtímaleigu fyrir tekjulágt vinn-
andi fólk. Samkvæmt upplýsingum
bæjarstjórans verður gengið frá
samningum um þá lóð á næstunni.
Fleiri hverfi undirbúin
Dregið verður úr umsóknum, þar
sem fleiri en einn sækja um sömu
lóð. Sævar Freyr Þráinsson bæjar-
stjóri segir að mikil eftirspurn hafi
ekki komið á óvart. „Hún er í sam-
ræmi við það sem við höfum fundið,
að mikil ásókn er í lóðir á Akranesi.
Við sjáum á þessu að við þurfum að
drífa í að skipuleggja fleiri par- og
raðhúsalóðir.“
Hann telur einnig möguleika á að
þeir sem ekki fá þær lóðir sem þeir
sóttust helst eftir muni vilja aðrar
lóðir sem ekki gengu út í fyrstu um-
ferð.
Hann bætir því við að á vegum
bæjarins sé verið að undirbúa annað
stórt verkefni, uppbyggingu á Dal-
brautarreit í miðbæ Akraness, en
þar verður gert ráð fyrir fjórum fjöl-
býlishúsum með alls um 130 íbúðum.
Stefnt er að útboði byggingarréttar
um næstu mánaðamót.
Fyrir utan þær lóðir sem nú er
verið að byggja á og úthlutað er í
Skógahverfi og á Dalbrautarreit er
nokkur fjöldi tilbúinna lóða laus og
verið að undirbúa lóðir fyrir 329
íbúðir á svokölluðum Sementsreit.
Ekki er komið að úthlutun lóða á
Sementsreit en uppbyggingu þar
mun væntanlega fylgja ný bylgja
íbúa.
Líta til Akraness
Að sögn Sævars Freys eru bygg-
ingaverktakar farnir að leita eftir
verkefnum á Akranesi og íbúar á
höfuðborgarsvæðinu skoði Akranes
sem kost til flutninga.
Hann segir að ekki þurfi að byggja
nýja grunnskóla eða leikskóla vegna
fjölgunar á allra næstu árum. Unnt
sé að stækka þá skóla sem fyrir eru.
Huga þurfi að byggingu þriðja
grunnskóla bæjarins þegar fjöldi
íbúa verði kominn í 9 til 10 þúsund.
Morgunblaðið/Árni Sæberg
Akranes Lóðum er úthlutað í stórum stíl og byggingaverktakar og íbúar af
höfuðborgarsvæðinu líta þangað eftir verkefnum og húsnæði.
Þúsund manns á Skagann
 Ásókn í lóðir á Akranesi  Lóðir í nýju Skógahverfi renna út  Lóðir á
Dalbrautarreit verða auglýstar á næstunni og Sementsreitur er í undirbúningi
Sævar Freyr
Þráinsson
Eltak sérhæfir sig í sölu
og þjónustu á vogum
MENNTADAGUR
ATVINNULÍFSINS
Í HÖRPU - SILFURBERGI
FIMMTUDAGINN 15. FEBRÚAR
KL. 8.30-12.00
HVAÐ VERÐUR
UM STARFIÐ ÞITT?
8.30 Setning. Halldór Benjamín Þorbergsson, framkvæmdastjóri SA.
Ávarp. Lilja Alfreðsdóttir, mennta- og menningarmálaráðherra.
Færni er framtíðin: Hvað átt þú eftir að læra? Lilja Dögg Jónsdóttir, starfsmannastjóri
Burning Glass Technologies.
Hvað geta fyrirtæki gert? Jón Björnsson, forstjóri Festi.
Amma, hvað er stundaskrá? Þorbjörg Helga Vigfúsdóttir, framkvæmdastjóri Kara Connect.
Hugvekjur
Ragnar Kjartansson, listamaður.
Fida Abu Libdeh, frumkvöðull og eigandi geoSilica Iceland.
Marinó Páll Valdimarsson, teymisstjóri IoT og gervigreindar hjá Marel.
Menntaverðlaun atvinnulífsins 2018. Þórdís Kolbrún R. Gylfadóttir, ferðamála-, iðnaðar- og
nýsköpunarráðherra afhendir verðlaunin.
10.00 Kaffi og með því. Fræðslusjóðir og fræðsluaðilar kynna sig á Menntatorgi.
10.30 Málstofur. Nánari dagskrá á sa.is.
A) Hvað verður um byggðirnar?
B) Tæknileg áhrif.
C) Framlínan - tækni, hæfni og þjónusta.
Fundarstjóri er Katrín Júlíusdóttir, framkvæmdastjóri Samtaka fjármálafyrirtækja.
Allir velkomnir – ekkert þátttökugjald
Vinsamlegast skráið þátttöku á vef SA: www.sa.is