Morgunblaðið - Sunnudagur - 22.04.2018, Blaðsíða 35

22.4. 2018 MORGUNBLAÐIÐ SUNNUDAGUR 35
BÓKSALA 11.-17. APRÍL
Listinn er tekinn saman af Eymundsson
1 Dagar höfnunarElena Ferrante
2 Í nafni sannleikansViveca Sten
3 Mið-AusturlöndMagnús Þ. Bernharðsson
4 Ég er að spá í að slútta þessuIain Reid
5 ÞorstiJo Nesbø
6 Iceland in a BagÝmsir höfundar
7 LukkuriddarinnJan-Erik Fjell
8 Independent PeopleHalldór Laxness
9 UppruniDan Brown
10 Þitt annað lífRaphaëlle Giordano
1
Kormákur krummafótur
Jóna Valborg Árnadóttir
/Elsa Nielsen
2
Stóra bókin um
Hvolpasveitina
Mary Tillworth
3
Risasyrpa – Sögufrægar
endur
Walt Disney
4
Lói þú flýgur aldrei einn
Styrmir Guðlaugsson
/Sigmundur Þorgeirsson
5 Gagn og gamanHelgi Elíasson/Ísak Jónsson
6 Hvolpasveitin – Litabók
7 Víti í VestmannaeyjumGunnar Helgason
8
Fuglar
Hjörleifur Hjartarson
/Rán Flygenring
9 Íslensku dýrinHalldór Pétursson
10 Finndu hvolpinn í borginniSetberg
Allar bækur
Barnabækur
Ég les ekki mikið af skáldsögum
vegna þess að ég eyði hálfum deg-
inum í að búa til sögur. Fyrir jafn-
vægi þefa ég upp
fræðibækur um
listina að skrifa.
Þessa dagana er ég
að lesa bók eftir
Steven Pressfield,
sem heitir The
Authentic Swing.
Þessi Steven skrifaði bókina The
Legend of Bagger Vance, sem var
gerð kvikmynd eftir. Í The Auth-
entic Swing fer höfundurinn yfir
það hvernig hugmyndin að bók-
inni kom og hvernig var að skrifa
hana. Það sem gerir ferð höfund-
arins skemmtilega er að þessi
Steven hafði bæði engan áhuga á
viðfangsefninu (að spila golf) og
gat með engu móti sannfært sig
með rökum um hvers vegna hann
ætti að skrifa bókina. Í The Auth-
entic Swing fer hann yfir mátt
þess að elta tilfinningu og að
hætta að reyna hafa vit fyrir
brjóstviti. Í gegnum þessa reynslu
lýsir hann því hvernig efnið byrjaði
að tala við hann, að góð „golf-
sveifla“ er eitthvað sem þú getur
ekki lært. Að góð „golf-sveifla“ er
eitthvað sem þú hefur nú þegar. Ef
þú treystir eigin sannleika, þá
mun hin fullkomna sveifla birtast
þér.
ÉG ER AÐ LESA
Olaf de
Fleur
Olaf de Fleur er kvikmyndagerð-
armaður.
Byrjendalæsi er aðferð sem tekin hefur verið
upp við eflingu læsis í fyrsta og öðrum bekk
margra íslenskra grunnskóla í samstarfi við
miðstöð skólaþróunar við Háskólann á Akur-
eyri. Í bókinni Byrjendalæsi: Rannsókn á inn-
leiðingu og aðferð greina ellefu fræðimenn frá
niðurstöðum rannsóknar á Byrjendalæsi.
Fjallað er um nám og kennslu undir merkjum
aðferðarinnar, þróunarstarf sem miðar að inn-
leiðingu hennar og samstarf kennara og for-
eldra. Rúnar Sigþórsson og Grétar L. Mar-
inósson ritstýra, Háskólaútgáfan gefur út.
Samfeðra heitir ný skáldsaga eftir Steinunni G.
Helgadóttur, rithöfund og myndlistarmann. Í
bókinni segir frá Janusi, sem kemst að því við lát
móður sinnar að hann á ellefu hálfsystkini á svip-
uðu reki víða um landið. Þjóðhátíðarárið 1974
leggur hann upp í hringferð til að kynnast þessu
ókunna en þó náskylda fólki. Þetta er fjórða bók
Steinunnar, en hún hlaut meðal annars Fjöru-
verðlaunin fyrir síðustu skáldsögu sína og var val-
in ein af nýjum röddum Literary Europe 2017.
Í skáldsögu Laetitia Colombani, Fléttunni,
segir frá þremur konum, Smítu, Giuliu og Söru. Smíta á heima á Ind-
landi og tilheyrir stétt hinna lægst settu. Hún
leggur allt í sölurnar til að dóttir hennar þurfi
ekki að lifa við sömu hörmungaraðstæður og
hún sjálf og fórnar því sem henni er dýrmætast:
hárinu. Giulia á heima á Sikiley og vinnur í hár-
kolluverksmiðju föður síns. Þegar hann lendir í
slysi kemst hún að því að fjölskyldufyrirtækið er
gjaldþrota. Sarah býr í Kanada. Hún er virtur lög-
fræðingur sem á mikilvæga stöðuhækkun í vænd-
um þegar hún greinist með illvígan sjúkdóm.
Ólöf Pétursdóttir þýddi bókina, JPV gefur út.
NÝJAR BÆKUR
Það er erfitt að flokka þessabók; það er hryllingur þarnaen þetta er samt ekki dæmi-
gerð hryllingssaga með ofbeldi, blóð-
baði og slíku. Sagan er líka bók-
menntaleg og það talsvert af
heimspeki í henni; hún fjallar um
hugmyndir sem ég hef áhuga á og
vekja hjá mér ugg,“ segir kanadíski
rithöfundurinn Iain Reid um skáld-
sögu sína, Ég er að spá í að slútta
þessu, sem komin er út á íslensku hjá
Veröld í þýðingu Árna Óskarssonar.
Sagan hverfist um ungt par sem
ekki hefur verið saman nema í fáein-
ar vikur þegar það leggur upp í öku-
ferð. Stúlkan hefur efasemdir um
ferðalagið enda er hún að íhuga að
slíta sambandinu. „Þannig hefst sag-
an en síðan tekur hún óvænta
stefnu,“ segir Reid, sem var staddur
hér á landi í vikunni vegna útgáfu
bókarinnar. Á bókarkápu segir að
um sé að ræða spennuþrungna og
taugatrekkjandi sögu um ökuferð
sem endar með skelfingu.
Ég er að spá í að slútta þessu er
fyrsta skáldsaga Reids en áður hafði
hann sent frá sér tvær sjálfsævi-
sögulegar bækur með kómísku ívafi.
„Mig hafði lengi langað að skrifa
skáldsögu, ég les meira af skáldskap
en bókmenntum af öðru tagi, en próf-
aði annað fyrst, þar sem það er auð-
veldara að halda sig við staðreyndir
en skáldskap. Allt getur gerst í
skáldskap. Þegar ég fékk þessa hug-
mynd ákvað ég að láta slag standa.
Hún féll vel að spennuforminu og ég
byrjaði bara að skrifa.“
Persónulegri en
fyrri bækurnar
Spurður hvort um tæran skáldskap
sé að ræða svarar Reid játandi, sag-
an byggi ekki að neinu leyti á sönn-
um atburðum. „Eigi að síður finnst
mér þessi bók persónulegri en hinar
fyrri, sem þó fjölluðu um mitt eigið
líf, sem hljómar auðvitað svolítið
mótsagnakennt. Staðreyndin er hins
vegar sú að í skáldskap er höfundur-
inn að bjóða lesendum að spássera
um heilabú sitt.“
Bókin hefur verið þýdd á fjölmörg
tungumál og gefin út í meira en tutt-
ugu löndum. Reid segir þennan
mikla áhuga hafa komið sér þægilega
á óvart. „Frá mínum bæjardyrum
séð snerist þetta um að fá útgefanda
heima í Kanada, allt umfram það er
óvænt gleði. Sagan er um margt opin
fyrir túlkun og fyrir vikið hefur verið
rætt talsvert um hana. Það spyrst út
og eitt leiðir af öðru.“
Ekki spillti fyrir að leikstjórinn
Charlie Kaufman, sem meðal annars
hefur gert myndirnar Being John
Malkovich og Eternal Sunshine of
the Spotless Mind, hefur fest kaup á
kvikmyndaréttinum og vinnur nú að
handriti. „Það hjálpaði sannarlega
til,“ segir Reid. „Ég er mjög spennt-
ur fyrir því verkefni enda hef ég ver-
ið aðdáandi Kaufmans frá því löngu
áður en ég skrifaði bókina. Hann er í
senn skapandi og frumlegur og
myndir hans eru í miklu uppáhaldi
hjá mér. Kaufman hefur haft mikil
áhrif á mig en ég bjóst aldrei við því
að fá tækifæri til að hitta hann, hvað
þá vinna með honum. Hann hefur
verið mjög almennilegur við mig og
ég hef þegar lært heilmargt af þessu
samstarfi. Ég hafði ekki kvikmynd í
huga þegar ég skrifaði bókina, þann-
ig að þessi vegferð er mjög spenn-
andi.“
Þess má geta að það var vefversl-
unin Amazon.com sem mælti með
bókinni við Kaufman með hliðsjón af
fyrri viðskiptum hans. Þannig fór
boltinn að rúlla.
Von er á nýrri skáldsögu eftir Reid
með haustinu vestra, Foe, ellegar
Fjandmaður, sem gerist í náinni
framtíð. „Það er líka heimspekileg
spennusaga með vott af vísindaskáld-
skap. Bróðir minn starfar í geimiðn-
aðinum, hefur meðal annars unnið
fyrir NASA, og ég nota hann sem
heimildarmann. Það er svolítið geim-
þema þarna.“
Gott að skrifa á Íslandi
Talandi um systkini þá er systir
Reids, Eliza, búsett á Bessastöðum.
„Mikið rétt, systir mín er forsetafrú
ykkar Íslendinga. Okkur fannst á
sínum tíma mjög spennandi að fjöl-
skyldumeðlimur væri að flytjast til
Íslands, sem er mjög framandi og
spennandi staður, og ekki dró úr
áhuganum þegar Guðni mágur minn
ákvað að bjóða sig fram til forseta.
Þar fenguð þið góðan mann.“
Reid hefur nokkrum sinnum kom-
ið til Íslands. „Flugið er alls ekki svo
langt, bara fimm tímar frá Toronto,
og ég reyni að koma eins oft og ég
get, til að rækta frændsemina. Land-
ið er líka dásamlega fallegt og hefur
haft mikil áhrif á mig. Það er mjög
gott að skrifa hérna enda er eitthvað
sérstakt við andrúmsloftið í Reykja-
vík og líka á landsbyggðinni. Náttúra
landsins er engu lík og ég kann vel að
meta veðurfarið. Ég er heimakær að
upplagi og Ísland er eini staðurinn,
utan Kanada, þar sem ég gæti hugs-
að mér að búa.“
Þá hefur hann mikinn áhuga á ís-
lenskum bókmenntum. „Ég er mikill
aðdáandi Sjóns og fleiri rithöfunda,
auk þess sem ég hef lesið margar af
Íslendingasögunum. Það er heillandi
efni.“
Spurður hvort hann gæti í framtíð-
inni hugsað sér að skrifa skáldsögu
sem gerist á Íslandi er Reid fljótur til
svars. „Algjörlega. Ísland í myrkrinu
um hávetur er upplagt sögusvið fyrir
spennubók. Sú saga gæti orðið mjög
ógnvekjandi. Eins kæmi til greina að
skrifa handrit að kvikmynd sem
gerðist á Íslandi. Landið er svo sjón-
rænt.“
Spásserað um heilabúið
Það er persónulegra að skrifa skáldsögu en sjálfsævisögu, að dómi kanadíska
rithöfundarins Iains Reids, enda býður höfundur lesandanum þannig að
spássera um heilabú sitt. Fyrsta skáldsaga Reids er komin út á íslensku.
Orri Páll Ormarsson orri@mbl.is
Iain Reid ásamt Guðna Th. Jóhannessyni, mági sínum og forseta Íslands. Reid gæti vel hugsað sér að búa á Íslandi.
Morgunblaðið/Stella Andrea
’ Sagan er um margtopin fyrir túlkun ogfyrir vikið hefur veriðrætt talsvert um hana.
Það spyrst út og eitt
leiðir af öðru.