Morgunblaðið - Sunnudagur - 22.04.2018, Blaðsíða 19

„Já, mér finnst það alveg flippað. Við erum
svo blessunarlega langt frá stríði. Maður hefði
ekki getað ímyndað sér að menn gætu bara
skráð sig í andspyrnuhreyfingu á Facebook.
Haukur fór reyndar aðra leið, en þetta er
svona auðvelt. Menn mæta svo á staðinn, fá ör-
fárra vikna herþjálfun og þá eru þeir farnir að
berjast við menn sem hálshöggva blaðamenn á
götum úti! Þetta er of ævintýralegt til þess að
maður nái upp í það, en þetta er raunveru-
leiki.“
Tilbúinn að deyja fyrir málstaðinn
Nú átti Haukur danskan vin þarna úti, er sá
maður kominn heim?
„Nei, og það gæti tekið langan tíma. Menn
eru bara skotnir ef þeir fara yfir landamæri á
hættulegum stað, þeir eru ekkert að fara í
gegnum vegabréfaeftirlit. Haukur átti að vera
í þessum hópi sem er á leiðinni heim. Hann var
lagður af stað þegar þeim var snúið við og hann
beðinn um að fara til Afrin,“ segir Eva.
Hún segist vera í sambandi við fjölskyldu
þessa danska manns.
„Þegar hann kemur heim ætlar hann að
segja okkur allt sem hann getur en hann veit
ekki hvað varð um Hauk. Þeir skildu að skipt-
um, þessi danski og aðrir félagar Hauks, um
mánaðamótin janúar-febrúar , voru sendir á
sitt hvort svæðið og enginn þeirri hitti Hauk
eftir það. Við höfum ekki náð sambandi við
neinn sem hitti Hauk síðustu vikurnar áður en
hans var saknað.“
hjálpa fólki sem er að byggja upp lýðræðislegt
samfélag til að losna undan ógnarvaldi skelfi-
legra kúgara. Það þarf einhver að gera það.
Maður vill helst ekki að einhver sem maður
elskar geri það, heldur einhverjir aðrir.“
Að halda áfram að lifa
Hvernig líður þér í dag?
„Mér líður auðvitað eins og öðru fólki sem er
að fara í gegnum sorg,“ segir Eva og segist
ganga í gegnum tímabil afneitunar, sorgar og
reiði.
„Kannski tekur sorgarferlið lengri tíma þeg-
ar maður er í óvissu svona lengi. Við höfum
ekki sannanir fyrir því að hann sé látinn og á
meðan er mögulegt að hann sé á lífi,“ segir
hún.
„En það er fullt af Íslendingum sem hafa
aldrei fengið fullvissu um afdrif ástvina sinna
og ég er ekkert ein í þessari sorg. Haukur á
kærustu, pabba, systkini og fjölda ættingja og
vina sem eru í sama limbóinu, og við mætum
samúð og skilningi alls staðar.“
Eru einhver næstu skref í þessu máli?
„Við erum komin í hring með að afla upplýs-
inga og ég hef litla von um að fá staðfestingu á
því hvað gerðist. Ef Haukur hefur látist í loft-
árás á svæði sem er nú undir stjórn Tyrkja er
líklegast að líkið verði sett í fjöldagröf og finn-
ist aldrei,“ segir Eva.
„Eina vonin um að við fáum eitthvað á hreint
er að þessi hópur fari til Afrin, sem verður von-
andi ekki fyrr en farið að róast. En þótt þau
fari er ekkert víst að það skili neinum árangri.
Þannig að það eru engin skref framundan,
nema að vona það besta og halda áfram að
lifa.“
Eva hefur skrifað Erdogan Tyrklandsforseta nokkur hatursbréf og segir það sinn rétt.
„Á meðan við höfum engar sannanir um að
hann sé látinn er auðvitað von. Ég vona að ég
muni sjá hann aftur en reikna ekki sérstaklega
með því,“ segir Eva Hauksdóttir, móðir Hauks
Hilmarssonar sem talinn er hafa fallið í Sýrlandi.
Ljósmynd/Brian Sweeney
Heldurðu að Haukur hafi gert sér grein fyr-
ir því að hann væri að leggja sig í lífshættu?
„Já, já. Þeir eru látnir gera myndbönd sem
eru bara birt ef maðurinn fellur. Það er gert til
þess að fjölskyldan velkist ekki í vafa um það
að menn hafi farið út í þetta sjálfviljugir. Hann
gerði sér alveg grein fyrir hættunni.“
Hann er þá í rauninni tilbúinn að deyja fyrir
málstaðinn?
„Já.“
Það kemur smá hik á samtalið.
„Já, hann var tilbúinn að deyja til þess að
Haukur Hilmarsson er enn ófundinn.
22.4. 2018 MORGUNBLAÐIÐ SUNNUDAGUR 19