Morgunblaðið - 14.05.2018, Page 21

UMRÆÐAN 21
MORGUNBLAÐIÐ MÁNUDAGUR 14. MAÍ 2018
Miðflokkurinn legg-
ur áherslu á betri
rekstur, aðhald og
skynsamlega nýtingu
fjármuna Kópavogs-
bæjar í stefnu sinni í
komandi sveit-
arstjórnarkosningum
en þó með skýra sýn
á forgangsröðun
ákveðinna málefna,
sérstaklega þegar
kemur að fjölskyldum með ung
börn. Það vekur athygli að laun
kjörinna bæjarfulltrúa og bæj-
arstjóra hafi á yfirstandandi kjör-
tímabili hækkað um 75% skv. árs-
reikningum bæjarins, en það er
mesta hækkun launa á því kjör-
tímabili meðal sex sveitarfélaga á
höfuðborgarsvæðinu.
Álykta má af þessari
hækkun að bæj-
arfulltrúar í Kópavogi
sinni verkefnum sín-
um því í fullu starfi. Á
skrifstofum Kópa-
vogsbæjar starfa um
150 manns sem fram-
fylgja stefnu bæj-
arstjórnar undir
stjórn bæjarstjóra.
Svo öflug starfsemi
kallar varla á að bæj-
arfulltrúar sem sinna
stefnumótun auki starfsgildi sitt.
Skref í átt að betri og hag-
kvæmari rekstri væri að endur-
skoða 75% hækkunina til 11
manna en laun þeirra með launa-
tengdum gjöldum fóru úr 76 millj-
ónum króna árið 2014 í 133 millj-
ónir króna árið 2017. Ef gert er
ráð fyrir að laun og launatengd
gjöld bæjarstjóra hafi verið á
fjórða tug milljóna króna á starfs-
árinu 2017, má sjá að aðrir bæj-
arfulltrúar hafi fengið að meðaltali
tæplega 10 milljónir króna í árs-
laun 2017 og þá eru líklega ekki
talin með laun fyrir setu í sumum
nefndum. Þessi hækkun um 57
milljónir króna á ári frá 2014 til
2017 til 11 manna telst vænt-
anlega óhófleg á öllum almennum
mælikvörðum og telja verður að
hún endurspegli ranga forgangs-
röðun bæjarfulltrúa. Þeir hafi ein-
faldlega brugðist þeirri skyldu að
ganga fram með góðu fordæmi og
fara vel með fjármuni almennings.
Með því að draga til baka a.m.k.
fjórðung þessarar hækkunar á
launum bæjarfulltrúa og bæj-
arstjóra má spara a.m.k. 150 millj-
ónir króna á næstu fjórum árum
komandi kjörtímabils. Fái Mið-
flokkurinn brautargengi í komandi
kosningum mun hann leggja fram
tillögu í bæjarstjórn um að launin
verði lækkuð auk þess að öll laun
bæjarfulltrúa og nefndarmanna
verði birt opinberlega jafnhliða
ársreikningi ár hvert. Til að ná ár-
angri í fjármálum Kópavogsbæjar
þurfa bæjarfulltrúar að ganga á
undan með góðu fordæmi og þókn-
anir þurfa að vera gagnsæjar.
Skilgreina þarf vel starfshlutfall
bæjarfulltrúa og miða við t.d.
ákveðin flokk reiknaðs endur-
gjalds skv. ákvörðun ríkisskatt-
sjóra eða meðallaun starfsmanna
Kópavogsbæjar frá fyrra ári. Gott
væri að bæjarstjórn birti skýringu
á þessum upphæðum fyrir kom-
andi kosningar til að auka
gagnsæi og koma í veg fyrir mis-
skilning, sé hann til staðar, en erf-
itt er að greina þessar tölur án
þess. Þetta eru einfaldlega það há-
ar upphæðir að bæjarbúar eiga
rétt á skýringum.
Eftir Geir
Þorsteinsson » Þessi hækkun um 57
milljónir króna á ári
frá 2014 til 2017 til 11
manna telst væntanlega
óhófleg á öllum almenn-
um mælikvörðum og
telja verður að hún
endurspegli ranga
forgangsröðun bæjar-
fulltrúa.Geir Þorsteinsson
Höfundur skipar 1. sæti á framboðs-
lista Miðflokksins í Kópavogi.
Óhóf í launum bæjarfulltrúa og bæjarstjóra í Kópavogi?
Undarlegt mál er nú
til umfjöllunar á Al-
þingi, umskurður
drengja sem er bein-
tengdur trúar-
brögðum í kristnitöku
okkar Íslendinga, sem
var enginn dans á rós-
um, heldur blóðroðin
og sálsýkisköstum
stráð. Þeir sem trúar-
leiðtogar töldu and-
snúna trúnni, voru úthrópaðir sem
galdramenn og á valdi þess illa. Slíkt
fólk var tekið, bundið á höndum og
fótum og brennt á hrískastarbáli.
Konum var haldið í ísköldu vatni
Drekkingarhyls á Þingvöllum, þar
til lífið fjaraði út. Við þessar athafnir
átti fjölmenni að vera svo fólk gæti
séð hvernig fyrir því færi, hlýðnaðist
það ekki sínum æðri boðurum, um
kristilegt líferni.
Allt var þetta gert til að þóknast
trúnni, sem átti að vera okkar and-
lega leiðarljós í mannlegum sam-
skipum og kristilegu hugarfari. Þar
sem íslenska þjóðin átti ættir sínar
að rekja, að stærstum hluta, til af-
kastamikilla fjöldamorðingja og
stórþjófa, sætti hún sig ekki við
þessa kúgun og reis upp gegn kristi-
legu ofbeldi, tók þá er erfiðastir voru
og sneið af höfuðin, svona til öryggis.
Í framhaldi af þessari hreinsun voru
aflagðar trúarlegar aftökur og þróuð
þjóðfélagslega hagkvæmari trúar-
stefna sem byggðist aðallega á mild-
ari hugleiðslu og hjálpsemi við van-
máttuga, börn og fullorðna. Það að
afleggja aftökur, virtist ekki hafa
andlegar afleiðingar til hins verra,
né refsingar af hálfu guðanna, eins
og mönnum var hótað, heldur
styrkja trúarsamfélagið.
Ofbeldisvaldið hafði samt ekki
lagt árar í bát. Umskera skyldi
stúlkur og drengi. Hinn mannlegi
þáttur nýrrar trúarstefnu náði ekki
til mállausra barna og hinir há-
menntuðu stjórnsýslufulltrúar á lög-
gjafasamkomu þjóðfélaga, skrikuðu
á manndómnum til að verja rétt
þessara málvana þegna þjóðfélaga
og stöðva misþyrmingu trúar-
leiðtoga á kynfærum ungbarna.
Síðan vaknar samkennd með
þjáningum barna gagnvart um-
skurði og varð sú andstaða svo öflug
í fjölmennum þjóðfélögum að aflagð-
ur var umskurður stúlkna. Án þess
að heilagur andi hafi
refsað þeim er að bann-
inu stóðu. Enn er samt
haldið í hálmstráið og
umskurður drengja
staðreynd. Lögð hefur
verið fram tillaga á al-
þingi okkar um að
banna umskurð drengja
og hafa fjölmargir heið-
arlega hugsandi stutt
þá tillögu. Aftur á móti
telja kerfiskóngar slíkt
hættulegt viðskipta-
hagsmunum landsins
og sumir látið að því
liggja að hætta gæti stafað af
hryðjuverkamönnum ef bannið yrði
samþykkt.
Í framhaldi af þessu var haldin al-
þjóðleg ráðstefna í Norræna húsinu
þar sem mættir voru fulltrúar þeirra
trúfélaga sem mestan áhuga á því
hafa að halda umskurði sem réttlæt-
isatriði í sínum trúarbrögðum. Án
þess að hugleiða þann sársauka sem
þolandinn þarf á sig að taka. Það er
umhugsunarvert að menn ferðist yf-
ir hálfan hnöttinn í þeim tilgangi að
halda hér ráðstefnu um getnaðarlim
ungbarna og reyni að stöðva laga-
setningu á Alþingi okkar Íslendinga.
Þarna hafa harðlínumenn fengið vís-
bendingu um að hægt sé að hafa
áhrif á hvaða lög séu sett á Alþingi.
Þeim alþingismönnum sem standa
gegn banni á umskurði á þjóðin að
vísa af Alþingi. Umskurður er ekk-
ert annað en barnaníð.
Trúartáknið
Eftir Guðvarð
Jónsson
Guðvarður
Jónsson
» Það er umhugs-
unarvert að menn
ferðist yfir hálfan hnött-
inn í þeim tilgangi að
halda hér ráðstefnu um
getnaðarlim ungbarna
og reyni að stöðva laga-
setningu á Alþingi okk-
ar Íslendinga.
Höfundur er eldri borgari.
Það fer vel á því að
fyrsta framboð Frels-
isflokksins fari nú
fram til borg-
arstjórnar Reykjavík-
ur hinn 26 maí nk. En
flokkurinn var stofn-
aður í júní á sl. ári og
hefur uppbygging
hans staðið yfir frá
þeim tíma. Þetta eru
því merk tímamót fyr-
ir flokkinn. Auk þess að vera eina
trúverðuga stjórnmálaaflið sem
býður sig fram á þjóðlegum grunni
á Íslandi í dag.
Skýr stefna í borgarmálum
og þjóðmálum
Frelsisflokkurinn hefur skýra
stefnu til borgarmála og þjóðmála.
En þrír efstu frambjóðendur flokks-
ins til borgarstjórnar skrifuðu sam-
eiginlega grein í Morg-
unblaðið 26. apríl sl. um
stefnu flokksins eftir að
flokkurinn kynnti fram-
boð sitt opinberlega við
Ráðhús Reykjavíkur
23. apríl sem vakið hef-
ur mikla athygli. Ekki
síst fjölmiðla, enda er
sérstaða Frelsisflokks-
ins mikil í íslenskum
stjórnmálum eins og
áður sagði.
Sníðum stakk eftir
vexti
Helsta vandamál íslenskra stjórn-
mála og þar með þjóðarinnar eru
sjálfir stjórnmála- og embætt-
ismennirnir sem neita ætíð að horf-
ast í augu við fámenni íslensku þjóð-
arinnar. Sníða aldrei stakk eftir
hennar vexti. Líta á hana sem marg-
milljóna manna þjóð með tilheyr-
andi ofurbákni hjá ríki, borg og
sveitarfélögum. Við þetta bætist svo
allt reglugerðafarganið frá Brussel
sem oftar en ekki er í engu sam-
ræmi við íslenska hagsmuni. Auk
löngunar til að bjarga öllum um-
heiminum. En eftir situr svo al-
menningur borgandi brúsann með
tilheyrandi kjaraskerðingum og
versnandi opinberri þjónustu. Gegn
öllu þessu berst Frelsisflokkurinn
og býður sig nú fram í höfuðborg-
inni gegn ofurbákninu þar. En þar
er af nógu að taka sbr. borgarstefnu
flokksins sem vill að þar, eins og á
landsvísu, verði stakkurinn sniðinn
eftir vexti, almennum borgarbúum
til heilla.
Röddin verður að heyrast
Já, rödd Frelsisflokksins verður
svo sannarlega að heyrast í borg-
armálum, ekki síður en á landsvísu.
Öðruvísi rödd! Rödd skynsemi og
fyrirhyggju. Á þjóðlegum nótum þar
sem m.a. virðing fyrir 17. júní verði
endurvakin í Reykjavík eftir til-
raunir vinstrimanna til að gera sem
minnst úr honum og að spornað sé
gegn andþjóðlegum öflum, s.s. íslam
og moskubyggingum, á grundvelli
þjóðaröryggis. Rödd fyrir þá sem
minna mega sín! Já, rödd fyrir alla
Íslendinga í eigin landi, í borg og
byggð! Eða eins og leiðtogi flokks-
ins, Gunnlaugur Ingvarsson, orðar
það í ávarpi sínu. „Frelsisflokkurinn
er þjóðlegt, borgaralegt stjórn-
málaafl. Alls staðar í Evrópu hafa
slíkir flokkar verið í bullandi sókn
og aðeins tímaspursmál hvenær sú
frelsisbylgja nær Íslands strönd-
um.“
Já, höfum kjark og þor til að
kjósa Frelsisflokkinn!
Rödd hans verður að heyrast!
Rödd Frelsisflokksins
verður að heyrast
Eftir Guðm. Jónas
Kristjánsson
Guðm. Jónas
Kristjánsson
» Frelsisflokkurinn er
þjóðlegt, borgara-
legt stjórnmálaafl. Alls
staðar í Evrópu eru slík-
ir flokkar í bullandi
sókn.
Höfundur er bókhaldari og situr í
flokksstjórn Frelsisflokksins.
gjk@simnet.is
Fíknsjúkdómurinn
er algengasti og
hættulegasti sjúk-
dómur ungs fólks á
Íslandi í dag. Hann
herjar á einstaklinga,
börn þeirra, foreldra,
ástvini og samfélagið
allt. Hann er skæður,
jafnvel banvænn og
mikill fjöldi fólks er í
brýnni þörf fyrir sér-
hæfða heilbrigðis-
þjónustu til að eiga von um bata.
Fjöldi barna á Íslandi er í þeirri
stöðu að eiga foreldri eða uppal-
endur í neyslu. Talið er að eitt af
hverjum fjórum til fimm börnum
búi þannig við óheppilegar fé-
lagslegar aðstæður og stundum al-
veg óbærilegar. Tölfræði unnin úr
gagnagrunni SÁÁ staðfestir að
fjölskyldulægni sjúkdómsins er
svo mikil að erfðaþátturinn einn
og sér getur ekki útskýrt stærðar-
gráðu vandans sem bítur kynslóð
fram af kynslóð. Hægt væri að
grípa þessi börn og hafa þannig
áhrif til góðs með því
að bæta fyrstu stig
skólakerfisins. Börnin
okkar koma inn í
þetta skólakerfi úr
mismunandi góðu um-
hverfi og skólinn
þyrfti að hafa vit og
afl til jafna möguleika
þeirra og lífsgæði. Við
þurfum að hlúa betur
að þessum skólum
þannig að þeir geti
sinnt því hlutverki
eins vel og skyldi.
SÁÁ hefur staðið
þessa vakt núna í 40 ár. Þjónusta
SÁÁ fyrir börn og ungmenni
skiptist í tvo meginþætti. Annars
vegar er meðferð fyrir ungmenni
með áfengis- og vímuefnavanda og
hins vegar sálfræðiþjónusta fyrir
8-18 ára börn áfengis- og vímu-
efnasjúklinga sem eru í áhættu-
hópi en hafa ekki þróað með sér
vímuefnavanda. Sálfræðiþjónustan
veitir börnum opnun og viður-
kenningu á stöðu sinni og að-
stæðum í fjölskyldu þar sem
áfengis- eða vímuefnavandi er til
staðar. Hún hjálpar þeim að skilja
betur eigin aðstæður og aðstæður
foreldranna og aðstoðar þau við að
greina á milli fíknsjúkdómsins og
manneskjunnar sem þjáist af hon-
um. Sálfræðiþjónustan er því bæði
hugsuð til að rjúfa einangrun
barna sem búa við þessar að-
stæður og sem forvörn. Um 1.300
börn hafa þegar fengið þjón-
ustuna. Til mikils er að vinna.
Þegar rætt er um leiðir til úr-
bóta fyrir fólk með fíknsjúkdóm
gleymist stundum hið augljósa:
Það getur ekkert komið í stað
meðferðar. Fíkn er heilbrigðis-
vandi og einstaklingur með alvar-
legan fíknsjúkdóm þarf að komast
í skjól og undir læknishendur.
Meðferð er allt í senn, forvörn,
skaðaminnkun og upphaf bata-
göngu til betra lífs.
Álfasala SÁÁ er mikilvægasta
fjáröflunarleið samtakanna. Í 28
ár hefur álfasölufólk fyllt stræti
og torg og fengið frábærar við-
tökur hjá þjóðinni. Íslendingar
hafa sameinast um að kaupa álf-
inn, smellt honum á mælaborðið
og þannig hefur okkur í samein-
ingu tekist að byggja upp sam-
fellda og heildstæða heilbrigðis-
þjónustu um forvarnir, afeitrun,
eftirmeðferð, göngudeildir, bú-
setuúrræði og félagsstarf sem tug-
þúsundir hafa nýtt sér til góðs.
Það eru ekki ofurhetjur sem
breyta heiminum heldur venjulegt
fólk sem ákveður að leggja sitt af
mörkum. Án meðferðar verður
enginn bati. Og án álfasölunnar
verður lítil meðferð. Íslenska þjóð-
in hefur gjörbreytt heimi fólks
með fíknsjúkdóm. Batinn hefst á
Vogi.
Enginn getur hjálpað öllum en
allir geta hjálpað einhverjum. Þú
getur breytt heiminum – til dæmis
með því að kaupa álf!
Eftir Arnþór
Jónsson
Arnþór
Jónsson
» Þegar rætt er um
leiðir til úrbóta fyrir
fólk með fíknsjúkdóm
gleymist stundum hið
augljósa: Það getur ekk-
ert komið í stað með-
ferðar.
Höfundur er formaður SÁÁ.
Langar þig að breyta heiminum?