Morgunblaðið - 01.06.2018, Side 52

52 MORGUNBLAÐIÐ FÖSTUDAGUR 1. JÚNÍ 2018
Jón Agnar Ólason
jonagnar@mbl.is
S
jómannadagurinn í Bolung-
arvík stendur yfir í fjóra
daga og lýkur á sunnudegi
sem er hinn eiginlegi sjó-
mannadagur,“ útskýrir
Helgi. „Yfir sjómannadagshelgina er
boðið upp á fróðleik og skemmtun
fyrir íbúa og gesti. Það eru þó ein-
ungis þrjú atriði
sem hafa alltaf
verið í boði í
tengslum við sjó-
mannadaginn í
Bolungarvík en
þau eru skrúð-
ganga frá Brim-
brjótnum að
Hólskirkju, hátíð-
arguðsþjónustan í
Hólskirkju og sjó-
mannadagsballið.
Áður fyrr var ballið á sunnudeginum
en fyrir löngu hefur það færst yfir á
laugardag meðan skrúðgangan og
hátíðarguðsþjónustan hafa haldið
áfram á sjálfan sjómannadaginn.“
Hann bætir því við að sjómannadag-
urinn í ár er sá 79. sem haldið er upp
á í Bolungarvík.
Þuríðardagurinn til alls fyrstur
Sjómannadagshelgin í Bolungarvík í
ár hefst, líkt og venja hefur verið síð-
astliðin ár, með Þuríðardeginum sem
er haldinn fimmtudaginn fyrir sjó-
mannadag til heiðurs formóðurinni,
Þuríði sundafylli, sem seiddi fiskinn í
Djúpið sem hefur verið lífsbjörg Bol-
víkinga og íbúa við Djúp um aldir.
„Markmiðið með Þuríðardegi er
að gera landnámskonu Bolung-
arvíkur sýnilegri og tengsl hennar
við sjávarfang og sjávarútveg og
minnast kvenna í Bolungarvík allt
frá landnámi fram á þennan dag,“
segir Helgi um viðburðinn. „Þur-
íðardagurinn samanstendur af erind-
um um konur og störf þeirra og ýms-
um skemmtiatriðum. Ávarp flytur
Sigríður Hulda Guðbjörnsdóttir, ný-
kjörinn bæjarfulltrúi, og meðal er-
inda í ár er umfjöllun um Bjöggu
vatnsbera sem hét Aðalbjörg Þórð-
ardóttir og hafði atvinnu af því að
bera vatn til bolvískra heimila um
skeið, en Guðfinna Hreiðarsdóttir
sagnfræðingur segir sögu hennar.
Nemendur frá Tónlistarskóla Bol-
ungarvíkur flytja tónlist milli atriða
undir stjórn Tuuli Rähni en það er
Guðrún Stella Gissurardóttir for-
stöðumaður sem heldur utan um
dagskrá og býður gestum Þur-
íðardagsins upp á léttar veitingar úr
ríki hafsins. Þuríðardagurinn er
haldinn 31. maí og hefst dagskrá kl.
20.00 í Félagsheimili Bolungarvíkur
og eru allir velkomnir.“
Sagan í heiðri höfð á söfnum
Föstudaginn 1. júní hefst föst sum-
arviðvera í Ósvör sem er afar vinsælt
sjóminjasafn sem samanstendur af
tvöfaldri 19. aldar verbúð, salthúsi,
fiskreit og þurrkhjalli. Á meðal sýn-
ingagripa er áraskipið Ölver sem
gefur góða mynd af þeim skipum
sem notuð voru til fiskveiða fyrr á
öldum.
„Í safninu eru einnig til sýnis veið-
arfæri og ýmis tæki og tól sem notuð
voru við veiðar og fiskverkun á öld-
um áður. Safnvörðurinn tekur á móti
gestum íklæddur skinnklæðum lík-
um þeim er íslenskir sjómenn klædd-
ust áður fyrr og lýsir því sem fyrir
augu ber.“
Á sama tíma verður einnig opnað
Náttúrugripasafn Bolungarvíkur
þar sem spendýrum og fuglum á Ís-
landi eru gerð góð skil en einnig má
þar finna ýmsa flækinga. Þegar inn
er komið er gestum heilsað af blöðru-
sel og hvítabjörn er ekki langt und-
an, umkringdur selum, refum og
minkum. Í safninu er einnig steina-
safn Steins Emilssonar sem lengi var
skólastjóri í Bolungarvík en nátt-
úrugripasafnið er tileinkað honum.
„Hægt er að kaupa sameiginlegan
aðgang að náttúrugripasafninu og
sjóminjasafninu en frítt er í Ósvör á
sjálfan sjómannadaginn,“ bendir
Helgi á.
Dorgveiðikeppni, tónleikar og
skrúðganga til heiður hetjum
Það sem eftir lifir af hinni löngu sjó-
mannadagshelgi er stöðugt eitthvað
um að vera og engum í Bolungarvík
þarf að leiðast, eins og sést þegar
dagskráin er skoðuð.
„Dorgveiðikeppni hefst á Brim-
brjótnum á föstudeginum 1. júní kl.
17.00 fyrir krakka á öllum aldri og
verða verðlaun í boði fyrir afla, fjölda
fiska og fleira. Margir fiskanna sem
veiðast fara síðan á sædýrasýningu
sem verður við hafnarvogina en þar
verður hægt að sjá ýmsa fiska synda
um í sjóbúrum,“ segir Helgi.
Á föstudagskvöldinu verður mikið
um að vera í Einarshúsi við höfnina
því kl. 18.00 hefst Þorskurinn sem er
tónlistarhátíð þar sem ýmsir koma
fram og boðið er upp á fiskihlaðborð
og er ráðlegt að panta sér borð í Ein-
arshúsi þetta kvöld. Kvöldinu lýkur
svo með tónleikum Bjartmars Guð-
laugssonar en hann er flestum að
góðu kunnur fyrir tónlist sína og ef
til vill hefur hann týndan tíma í far-
teskinu. Tónleikar Bjartmars hefjast
kl. 22.00.
Laugardagurinn hefst kl. 10.00
með hátíðarsiglingu til móts við ís-
firsku skipin úti á Djúpinu en að
þessu sinni mun varðskipið Týr taka
þátt í siglingunni og verður til sýnis
síðar um daginn. Hin eiginlega sjó-
mannadagsdagskrá hefst svo kl.
13.30 með kappróðri, flekahlaupi,
koddaslag og fleiri skemmtilegum
leikjum og uppákomum. Sveppi og
Villi bregða á leik kl. 15.00 og deg-
inum lýkur með hátíðarkvöldverði í
Félagsheimili Bolungarvíkur og Sál-
inni hans Jóns míns á sjómannadags-
balli.
Sjálfur sjómannadagurinn
Sjómannadagurinn hefst svo með
skrúðgöngu frá Brimbrjótnum að
Hólskirkju kl. 13.30 og svo hátíð-
arguðsþjónustu í kjölfar hennar.
„Við það tækifæri verða bolvískir
sjómenn heiðraðir og að lokinni
guðsþjónustu verða blómsveigar
lagðir að minnismerkjum sjómanna í
Grundarhólskirkjugarði. Kaffisala
kvennadeildar Landsbjargar hefur
alltaf verið vel sótt og verður hún í
Félagsheimili Bolungarvíkur kl.
15.00. Kómedíuleikhúsið sýnir Ein-
ars leik Guðfinnssonar í Einarshúsi
kl. 17.00 en í ár eru liðin 120 ár frá
fæðingu Einars Guðfinnssonar hinn
17. maí 1898 og var leikurinn saminn
og settur upp af því tilefni. Einar
Guðfinnsson er eini heiðursborgari
Bolungarvíkur og á minnisvarða um
hann og Elísabetu Hjaltadóttur,
konu hans, er letruð tilvitnun til
hans: „Ég erfði ekki fé, ég erfði
dyggðir.“
Sjómannadeginum í Bolungarvík
2018 lýkur svo með því að Haukur
Sigvaldason segir frá tilurð heim-
ildamyndarinnar Brotsins sem
fjallar um mannskaðaveðrið sem
brast á í dymbilvikunni í byrjun apríl
1963 og tók sextán mannslíf en þar af
fórust sjö Bolvíkingar í blóma lífsins.
Fjallað er um slysin og afleiðingar
þeirra á samfélagið en Haukur er
einn af handritshöfundum og leik-
stjórum myndarinnar. Að lokinni
umfjöllun Hauks verður myndin
sýnd í Félagsheimili Bolungarvíkur.
Umfjöllunin byrjar kl. 18.00.
Að sögn Helga eru viðburðirnir
skipulagðir svo allir, allt frá barna-
fjölskyldum til eldri borgara, geti
fundið sér eitthvað við hæfi
„Söfn, tónleikar, leikrit, hátíðar-
guðsþjónusta og heimildarmynd eru
allt atriði sem ættu að höfða vel til
eldri kynslóða meðan yngri kynslóð-
unum ætti að líka hátíðarkvöldverð-
urinn og ballið enda seldist upp í
hvelli á kvöldverðinn sumarið áður.
Yngri kynslóðirnar hafa mjög gaman
af sýningum leikhópsins Lottu ekki
síður en foreldrar, afar og ömmur.
Þá eru börnin alltaf spennt fyrir sjó-
mannadagsdagskránni og taka
gjarnan fullan þátt í þrautum eftir
því sem þau hafa vit og þroska til.“
Mikilvægi sjómannadagsins
Sjómannadagurinn á sér djúpar ræt-
ur í íslensku samfélagi að sögn Helga
og þá ekki síður í Bolungarvík sem
hefur byggst upp á sjósókn dugandi
manna.
„Án þeirra væri saga Bolung-
arvíkur önnur en hún er í dag. Upp-
haflega voru það sjómenn sem sáu
um daginn en í dag er það sveitarfé-
lagið sem skipuleggur dagskrána
meðan Björgunarsveitin Ernir sér
um framkvæmd og sjómönnum gefst
færi á að njóta dagsins í faðmi fjöl-
skyldu og vina. Þá er hægt að
skemmta sér yfir óförum annarra
sem detta kannski í sjóinn eða tapa í
kappróðri eða reiptogi eða fagna
með sigurvegurunum og gleðjast yfir
velgengni þeirra,“ bætir hann við.
Friður og ró til að njóta dagsins
„Mín upplifun af sjómannadeginum
snýst fyrst og fremst um að upplifun
gestanna verði í einhverju samræmi
við væntingar. Í því sjónarspili á
veðrið alltaf stórleik og hefur mest
um það að segja hvernig fer,“ segir
Helgi um stóra daginn framundan og
um leið helgina alla. „Það er reyndar
gömul saga og ný hér í Bolungarvík
og víðar. Það er helst í hátíðarguð-
sþjónustunni sem gefst friður og ró
fyrir mig til að njóta dagsins og það
verður ánægjulegt að geta tekið þátt
í því að heiðra bolvíska sjómenn í
guðsþjónustunni. Annars væri gam-
an að heyra erindin og tónlistina á
Þuríðardeginum og ég er nokkuð
spenntur fyrir Einars leiknum sem
hefur verið sýndur nokkrum sinnum
hér og látið hefur verið vel af. Einnig
vil ég gjarnan heyra Hauk Sigvalda-
son segja frá Brotinu og sjá myndina
á eftir en þegar ég var 5 ára gamall
fórst bróðir minn, Guðmundur Hró-
mundur Hjálmtýsson, með Sæfara
BA 143 frá Tálknafirði í ársbyrjun
1970 en hann var þá 18 ára gamall.
Þeir voru sex sem fórust og Mummi
var yngstur.“
Það er þó eitt sem allir, stórir sem
smáir, ungir sem aldnir, geta sam-
einast um að sé alltaf jafn skemmti-
legt, og það hefur meira að segja
veðrið lítið um að segja, bendir Helgi
á, en það er heimsókn í sundlaug Bol-
ungarvíkur. „Fátt er jafn vinsælt í
Víkinni fögru og nágrannabyggðum
og sundlaugin og íþróttahúsið. Þess-
um vinsældum hefur bæjarstjórnin
ákveðið að mæta með því að hafa op-
ið lengur en sundlaugin og íþrótta-
húsið verða opin í sumar á virkum
dögum frá kl. 6 til kl. 22 og um helgar
frá kl. 10 til kl.18. Geri aðrir betur!“
„Án sjómanna væri saga Bolungar-
víkur önnur en hún er í dag“
Sjómannadagurinn í
Bolungarvík á sér langa
og merka sögu. Sjó-
mannadagshelgin er
einn af stóru menning-
arviðburðunum í bæn-
um ár hvert enda er Bol-
ungarvík ein elsta
verstöð landsins, segir
Helgi Hjálmtýsson,
markaðs- og kynning-
arfulltrúi Bolungarvíkur.
Ljósmynd/Helgi Hjálmtýsson
Barnagaman Ávallt er næg skemmtun fyrir alla aldurshópa þegar deginum er fagnað.
Hátíðlegt Skrúðgangan frá Brimbrjótnum að Hólskirkju er meðal ómissandi
fastra liða á Bolungarvík þegar sjómannadagurinn er haldinn hátíðlegur.
Helgi
Hjálmtýsson
Hafnarhlaup Enginn er verri þó hann
vökni, stendur þar, og ósjaldan á það
betur við en á sjómannadaginn.