Morgunblaðið - 14.06.2018, Blaðsíða 16

16 FRÉTTIRInnlent
MORGUNBLAÐIÐ FIMMTUDAGUR 14. JÚNÍ 2018
Rafport ehf • Auðbrekka 9-11 • 200 Kópavogur • Sími 580 1900 • rafport@rafport.is
Merkivélarnar
frá Brother eru
frábær lausn
inná hvert
heimili og
fyrirtæki
Komdu og kíktu
á úrvalið hjá okkur
Smart sumarföt, fyrir smart konur.
Holtasmári 1
201 Kópavogur
sími 571 5464
Str. 38-52
Sem fyrr segir var þetta þing
óvenju stutt. „Eins og við er að bú-
ast hafa störf þingsins mótast af
þessum aðstæðum. Ríkisstjórnin
hafði skemmri tíma til að undirbúa
mál fyrir Alþingi en ella hefði verið.
Þingmálaskrá ríkisstjórnar sem lögð
var fram í upphafi þings var því í
reynd yfirlit yfir mál sem voru í
vinnslu og kynnu að koma fyrir
þingið fremur en raunhæfur verk-
efnalisti,“ sagði Steingrímur J. Sig-
fússon, forseti Alþingis, þegar hann
frestaði þingfundum í fyrrinótt.
Þessar aðstæður hafi líka sýnt
betur en annað að bæta þurfi sam-
skipti ríkisstjórnar og Alþingis við
framlagningu stjórnarmála. Unnið
sé að því.
Steingrímur sagði einnig að þetta
þing, þótt stutt sé, hefði afkastað
miklu og leitt mörg stór mál til lykta
með farsælum hætti. Alls 84 frum-
vörp urðu að lögum og þingið sam-
þykkti 29 ályktanir.
Þingforseti sagði í ræðu sinni að
skipulag þingstarfanna og starfs-
hætti á Alþingi þyrfti að taka til end-
urskoðunar, m.a. í því skyni að auka
fyrirsjáanleika í störfum þingsins.
Um það væru allir þingflokkar sam-
mála.
Hátíðarfundur á Þingvöllum
„Á þessu ári höfum við Íslend-
ingar fagnað því með margvíslegum
hætti um land allt að liðin eru 100 ár
frá því að Ísland varð frjálst og full-
valda ríki. Alþingi mun af þessu til-
efni koma saman til hátíðarfundar á
Þingvöllum 18. júlí nk., en þann dag
fyrir einni öld var samningnum um
fullveldi Íslands lokið og hann und-
irritaður hér í þessu húsi,“ sagði
Steingrímur.
Þingfundurinn verði undir berum
himni líkt og áður þegar Alþingi hef-
ur komið saman á Þingvöllum á há-
tíðarstundum í sögu þjóðarinnar.
Talaði lengst og spurði mest
 Alþingi var frestað í fyrrinótt  Björn Leví Gunnarsson þingmaður Pírata talaði mest og var með
flestar fyrirspurnir  Engin kona á „topp 10“ ræðulistanum  Fundur verður á Þingvöllum 18. júlí
Morgunblaðið/Kristinn Magnússon
Lokafundur Alþingis Mörg mál voru afgreidd á síðasta findi Alþingis í fyrrakvöld. Þingmenn gáfu sér engu að síður tíma til að kíkja á símana sína.
Björn Leví Gunnarsson 1.025 mín (17 klst)
Helgi Hrafn Gunnarsson 971 mín (16 klst)
Þorsteinn Víglundsson 934 mín (15 klst)
Bjarni Benediktsson 643 mín (11 klst)
Willum Þór Þórsson 630 mín (10 klst)
Ólafur Ísleifsson 613 mín (10 klst)
Þorsteinn Sæmundsson 555 mín (9 klst)
Smári McCarthy 526 mín (9 klst)
Gunnar Bragi Sveinsson 502 mín (8 klst)
Birgir Þórarinsson 485 mín (8 klst)
1
2
3
4
5
6
7
8
9
10
1
2
3
4
5
Þingmenn sem töluðu lengst á Alþingi
Þingmenn sem skemmst töluðu
Páll Magnússon 48 mín
Anna Kolbrún Árnadóttir 79 mín
Áslaug Arna Sigurbjörnsdóttir 88 mín
Rósa Björk Brynjólfsdóttir 89 mín
Halla Signý Kristjánsdóttir 96 mín
FRÉTTASKÝRING
Sigtryggur Sigtryggsson
sisi@mbl.is
Björn Leví Gunnarsson, þingmaður
Pírata, var ræðukóngur á nýliðnu
þingi. En það sem meira er, hann
var einnig ókrýndur fyrirspurna-
kóngur með 93 fyrirspurnir alls.
Alþingi Íslendinga, 148. löggjaf-
arþinginu, lauk klukkan 00.38 í fyrri-
nótt og var þingfundum þá frestað.
Þetta var fremur stutt þing. Það
kom ekki saman fyrr en 14. desem-
ber, að loknum alþingiskosningum,
þremur mánuðum seinna en venju-
lega.
Það bar til tíðinda á þinginu að
engin kona komst á „topp 10“ ræðu-
listann yfir þá þingmenn sem lengst
töluðu í vetur. Menn rekur ekki
minni til þess að það hafi gerst í
seinni tíð, þ.e. eftir að kynjahlutföll
fóru að jafnast á Alþingi. Árið 2012
komst t.d. aðeins ein kona á listann,
Vigdís Hauksdóttir.
Að þessu sinni var Oddný Harð-
ardóttir Samfylkingu næst því að
komast á listann. Hún talaði í sam-
tals 423 mínútur og varð í 11. sæti.
Á listanum eru tveir stjórnarliðar
og átta fulltrúar stjórnarandstöð-
unnar. Píratar og Miðflokkur eiga
flesta þingmenn á listanum, þrjá
hvor flokkur.
Öflugur endasprettur hjá Birni
Samkvæmt yfirliti á vef Alþingis
talaði Björn Leví Gunnarsson í sam-
tals 1.025 mínútur eða í 17 klukku-
stundir samtals á 148. löggjafar-
þinginu. Hann flutti 152 ræður og
gerði 231 athugasemd. Næstur kom
félagi hans Helgi Hrafn Gunnars-
son, sem talaði í 971 mínútu. Lengi
vel í vetur hafði Helgi Hrafn afger-
andi forystu en Björn Leví tók mik-
inn endasprett og skaust fram úr
Helga Hrafni.
Þingmenn í nýju flokkunum
tveimur, Flokki fólksins og Mið-
flokki, náðu inn á „topp 10“ listann.
Páll Magnússon Sjálfstæðisflokki
talaði minnst á nýliðnu þingi, eða í 48
mínútur. Hann var eini þingmað-
urinn sem náði ekki að tala í heila
klukkustund samtals. Með Páli á
listanum ertu fjórar konur. Í fyrra
þingi talaði Páll í 32 mínútur og lenti
í 2. sæti á eftir Sigmundi Davíð
Gunnlaugssyni. Sigmundur bætti
heldur betur í á nýliðinu þingi og tal-
aði í 335 mínútur.
Samkvæmt yfirlitinu á vef Alþing-
is voru fluttar 4.232 ræður og gerðar
3.649 athugasemdir á þinginu. Með-
allengd þingræða var 3,4 mínútur og
athugasemda 1,5 mínútur.
Fyrirspurnir til ráðherra voru
alls 396 á nýliðnu þingi. Þar af
bárust 11 nýjar fyrirspurnir á
lokasprettinum.
Búið er að svara 273 fyr-
irspurnum, 124 er ósvarað og
ein var afturkölluð, samkvæmt
yfirliti á vef Alþingis.
Björn Leví Gunnarsson, þing-
maður Pírata, lagði fram lang-
flestar fyrirspurnir, eða 93. Enn
er 25 fyrirspurnum þingmanns-
ins ósvarað.
Björn Leví hefur lagt fram
ófáar fyrirspurnir sem hefur
kostað stjórnsýsluna margar
vinnustundir að svara.
Einni slíkri beindi Björn Leví
til dómsmálaráðherra á loka-
sprettinum. Hún hljóðar svona:
„Í hvaða tilvikum í kosningum
til Alþingis, forsetakosningum
og sveitarstjórnarkosningum
frá 2009 hafa kjósendur þurft
að fara út fyrir sveitarfélag sitt
á kjörstað til að greiða atkvæði
utan kjörfundar, sbr. 1. mgr. 58.
gr. laga nr. 24/2000? Hve langt
þurftu kjósendur að fara í fram-
angreindum tilvikum til að
greiða atkvæði utan kjör-
fundar? Óskað er eftir upplýs-
ingum um vegalengdir í kíló-
metrum.“
Ráðuneytið hefur sumarið til
að svara fyrirspurninni.
sisi@mbl.is
Lagði fram 93
fyrirspurnir
BJÖRN LEVÍ FRÓÐLEIKSFÚS
Morgunblaðið/Eggert
Í ræðustól Björn Leví Gunnarsson
talaði lengst og spurði mest í vetur.