Morgunblaðið - 02.08.2018, Page 12

Morgunblaðið/Sigurður Bogi
Bíltúr Hjónin Einar Kárason og Hildur Baldursdóttir á ferðinni. „Vissulega eyða þessir bílar miklu og eru ekki
beint umhverfisvænir, en ég ætla nú samt að halda í mína sérvisku og vera á svona bíl,“ segir Einar í viðtalinu.
Sigurður Bogi Sævarsson
sbs@mbl.is
Bílar þurfa að hafa karakt-er,“ segir Einar Kárasonrithöfundur. Við erumstödd á fáförnum sveita-
vegi úti á landi þegar amerískur lúx-
usbíll kemur inn í rammann; dæmi-
gerð demókratadrossía þótt aðrir
vilji sjálfsagt kenna bílinn við repú-
blikana. Þetta er Dodge Charger og
framleiddur í bílaborginni Detroit
við Vötnin miklu í Bandaríkjunum.
Framleiddur árið 2008 og fluttur það
sama ár til Íslands. Rúm þrjú ár eru
síðan Einar eignaðist bílinn, sem
hann lýsir sem kostagrip. Áður átti
hann nokkra Dodge og Chrysler.
Hluti af sviðsmyndinni
Bílar koma oft við sögu í verkum
Einars og eru þar hluti af sviðs-
myndinni, svo sem í Djöflaeyjar-
bókunum og skáldsögunni Heimskra
manna ráðum. Nærtækt er auk-
inheldur að nefna bók Einars og
Ólafs Gunnarssonar Úti að aka – á
reykspúandi Kadilakk yfir Ameríku
sem kom út árið 2006. Þar segir frá
leiðangri þeirra félaga eftir Route 66
þvert yfir Bandaríkin og fékk bókin
góða umsögn á sínum tíma. Um
þennan leiðangur gerði Sveinn
Sveinsson hjá Plúsfilm heimild-
armynd og var hún sýnd á RÚV fyrir
nokkrum vikum.
„Þeim sem eru heillaðir af am-
erískum bílum má skipta upp í
nokkra hópa. Sumir eru Ford-menn
en aðrir GM-týpur sem vilja til dæm-
is Cadillac, Pontiac, Buick og Chevr-
olet. Sjálfur er ég Mo-Par – sem er
stytting úr motorpart og þar eru í
menginu bílar eins og Dodge og
Chrysler. Faðir minn Kári Gunn-
arsson, sem var bílstjóri lengst sinn-
ar starfsævi, átti svona bíla og þann-
ig vaknaði áhugi minn á þeim og
bíladellan almennt. Í dag er það hins
vegar þannig að svona drossíur
þykja hálfgerðar risaeðlur. Vissu-
lega eyða þessir bílar miklu og eru
ekki beint umhverfisvænir, en ég
ætla nú samt að halda í mína sér-
visku og vera á svona bíl.“
Sviplausar í löngum röðum
Einari Kárasyni verður tíðrætt
um að bílar þurfi að hafa bæði svip og
sál. „Síðasta árið hef ég bæði farið til
New York og Los Angeles og mér
finnst eitthvað vanta að nú eru leigu-
bílarnir þar ekki lengur amerískir
eðalbílar, heldur sviplausar Toyotur í
löngum röðum. Að vísu gular á lit en
eitthvað vantar samt. Steini vinur
minn í Svissinum, Aðalsteinn Ás-
geirsson, kallar svona bíla rúnstykki;
þau eru heldur óspennandi útlits eins
og fólk veit, þótt þau séu góð til síns
brúks,“ segir Einar og heldur áfram:
„Og það eru fleiri íslenskir rit-
höfundar aðdáendur amerískra bíla,
ekki bara Ólafur Gunnsson sem fyrr
var nefndur heldur átti Halldór Lax-
ness frægan stóran Buick. Og svo má
nefna Indriða G., en Bragi heitinn
Einarsson í Eden í Hveragerði, móð-
urbróðir minn, skrifaði um hann
minningargrein, þeir voru vinir og
drukku gjarnan saman morgunkaffi í
gróðraskálanum. Og Bragi segir að
það hafi alltaf verið jafn til-
komumikið að sjá Indriða renna í
hlað á sínum Chrysler New Yorker.
Semsé; Indriði á sínum Chrysler var
Mo-Par maður eins og ég.“
Eins og í draumi
Að lokum örstutt um bíl Einars,
Dodge Charger. Vélin er 190 hestöfl
og 6 cl. Eyðsla um 12 á hverja 100
kílómetra. „En annars spái ég ekki
svo mikið í eyðsluna, þetta er einfald-
lega draumabíll og mitt val. Fljótur
að komast á skrið og hægt að halda
góðri siglingu og líða áfram eins og í
draumi, sama á hvernig vegi er ek-
ið,“ segir Einar.
Einar Kárason rithöfundur leynir ekki aðdáun sinni
á amerískum bílum. Hann ekur um Dodge Charger
og hefur átt marga svipaða bíla áður. Í sögum hans
eru bílar oft hluti af sviðsmyndinni.
Dæmigerð drossía frá Detroit
AFP
Ameríka Núna eru leigubílarnir í New-York gjarnan
japanskir, enda þó svo guli liturinn fái að halda sér.
Eðalbíll Dodge Charger sem er árgerð 2008. Einar
eignaðist bílinn fyrir um þremur árum og líkar vel.
12 DAGLEGT LÍF
MORGUNBLAÐIÐ FIMMTUDAGUR 2. ÁGÚST 2018
Bláu húsin v/Faxafen
Sími 553 7355 • www.selena.is • Selena
undirfataverslun • Næg bílastæði
Full búð af
fallegum sundfötum
Morgunblaðið/Sigurður Bogi
Strandarkirkja Góður tónleikastaður.
Syngja lög við ljóð Kiljans
Englar og menn í Strandarkirkju
Yfirskrift næstu tónleika á tónlist-
arhátíðinni Englar og menn í
Strandarkirkju í Selvogi næstkom-
andi sunnudag 5. ágúst, kl. 14, er
Kiljan í kirkjunni. Þar koma fram
Hildigunnur Einarsdóttir mezzósópr-
an, Jón Svavar Jósefsson barítón og
með þeim leikur Guðrún Dalía Sal-
ómonsdóttir á píanó og orgel. Þau
flytja dagskrá helgaða Nóbelsskáld-
inu Halldóri Kiljan Laxness, það er
syngja lög við ljóð hans. Lögin eru
meðal annars eftir Jórunni Viðar,
Þorkel Sigurbjörnsson og Jón Ás-
geirsson. Allir eru þessir söngvarar í
fremstu röð, eiga langt nám að baki
og hafa komið fram með kórum,
hljómsveitum, unnið til verðlauna,
gefið út efni og unnið til verðlauna
svo nokkuð sé nefnt.
Á Veiðisafninu á Stokkseyri verður
Páll Reynisson veiðimaður og safn-
stjóri með leiðsögn um safnið alla
verslunarmannahelgina, föstudag til
og með mánudag kl. 14. Þar mun hann
hafa yfir ljóna- og lygasögur að hætti
hússins og bjóða uppá, eins og hann
segir sjálfur, sögur af gíröffum, grá-
gæsum, byssusmiðum, sauðnautum
og hvítabjörnum. Veiðisafnið er ein-
stakt á landsvísu, segir í tilkynningu,
en hvergi á Íslandi er finna jafn fjöl-
breytt úrval uppstoppaðra veiðidýra,
skotvopna og veiðitengdra muna. Þá
má á safninu fræðast um um veiðidýr,
skotvopn, veiðar og náttúruvernd.
Veiðisafnið um verslunarmannahelgi
Sögur af gíröffum og grágæsum
Veiðisafnið Páll Reynisson tekur á
móti gestum og segir frá ýmsu.