Morgunblaðið - 02.08.2018, Page 32

32 FRÉTTIRErlent
MORGUNBLAÐIÐ FIMMTUDAGUR 2. ÁGÚST 2018
Þorgrímur Kári Snævarr
thorgrimur@mbl.is
Lýst hefur verið eftir sænskum
krúnudjásnum sem stolið var um há-
bjartan dag úr dómkirkju í Sträng-
näs á þriðjudaginn. Frá þessu er
sagt á sænska ríkismiðlinum SVT og
á fréttamiðlum Aftonbladet og The
Guardian. Náist þjófarnir gæti sex
ára fangelsisdómur beðið þeirra.
Krúnudjásnin tilheyrðu Karli 9.
Svíakonungi og Kristínu Svíadrottn-
ingu, sem ríktu hvort um sig yfir
Svíþjóð frá 1604 til 1611 og frá 1632
til 1654. Um er að ræða tvær kór-
ónur og veldishnött sem geymd voru
í læstum sýningarskáp inni í dóm-
kirkjunni. Dómkirkjan stendur uppi
á hæð vestan við Stokkhólm.
Svo virðist sem tveir þjófar hafi
brotið glerið á skápnum um hábjart-
an dag á meðan kirkjan var opin
gestum og hádegismatur reiddur
fram í hliðarherbergi kirkjunnar.
Flótti á vélbáti
Atburðarásin, sem þá þegar
minnti helst á glæpamynd frá sjö-
unda áratugnum, varð enn fjar-
stæðukenndari í kjölfarið. Talið er
að þjófarnir hafi komist undan með
ránsfenginn á vélbáti sem beið
þeirra fyrir neðan hæðina á bakka
Mälaren-vatnsins. Síðan hafi þeir
komist undan með því að sigla um
fjölmörg stöðuvötn vestan við
Stokkhólm og út á haf.
Sænska lögreglan fékk tilkynn-
ingu um þjófnaðinn klukkan 11:44 og
sendi báta og þyrlur til að leita að
mönnunum en hefur enn ekki haft
erindi sem erfiði. Lýst hefur verið
eftir krúnudjásnunum í gegnum
Interpol.
Í samtali við Aftonbladet sagði
talsmaður lögreglunnar, Thomas
Agnevik, að þjófunum gæti reynst
erfitt að græða nokkuð á ráns-
fengnum. „Það er erfitt að hagnast
raunverulega á svona hlutum. Þetta
eru einstakir munir. Það sem gerist
venjulega í svona tilvikum er að
hlutirnir finnast fyrr eða síðar því
mjög fáir treysta sér til að taka við
þeim. Við erum vongóð um að endur-
heimta þá.“
Tæknimenn sænsku lögreglunnar
hafa rannsakað svæðið í kringum
kirkjuna niður að vatnsborðinu í von
um að finna vísbendingar um þjófn-
aðinn. „Þeir finna yfirleitt ýmislegt
sem þeir greina síðan. Við höfum jú
talað við þá en við myndum gjarnan
vilja fá meiri upplýsingar ef einhver
annar vill tjá sig um málið.“
Krúnudjásnum hefur áður verið
stolið í Svíþjóð, síðast árið 2013. Þá
fundust þau fáeinum dögum síðar.
AFP
Svíþjóð Lögreglurannsókn stendur yfir fyrir utan kirkjuna í Strängnäs. Lögreglan er vongóð um að djásnin finnist.
Krúnudjásnum stolið
úr sænskri kirkju
 Þjófarnir komust undan á vélbáti á Mälaren-vatni
Rán Krúnudjásnin stolnu tilheyrðu Karli 9. konungi og Kristínu drottningu.
Þorgrímur Kári Snævarr
thorgrimur@mbl.is
Noregur er enn í sárum eftir að hin
þrettán ára gamla Sunniva Øde-
gård fannst látin á mánudaginn.
Norska lögreglan hefur nú lýst því
yfir að um morð hafi verið að ræða.
Frá þessu er sagt á norska ríkis-
miðlinum NRK.
„Sjitt!“ var síðasta orðið sem
heyrðist frá Sunnivu Ødegård áður
en hún hvarf síðastliðið sunnudags-
kvöld. Var hún þá í símtali við kær-
asta sinn og tilkynnti honum að hún
væri komin heim til sín úr heim-
sókn til vinkonu sinnar þegar hún
hrópaði þetta upp yfir sig. Síðan
rofnaði sambandið og ekkert gekk
að hringja til baka í hana.
Braust inn í leikskóla
Lík Sunnivu fannst um 150 metra
frá heimili hennar á mánudags-
morguninn. Sunniva fannst við göt-
una Møllevegen, sem er á milli
göngustígs og íbúðahverfis í miðju
þorpsins Varhaug á Rogalandi.
Sautján ára drengur hefur verið
hnepptur í tveggja vikna gæslu-
varðhald og liggur undir grun um
að hafa banað Sunnivu. Drengurinn
neitar sök en viðurkennir þó sekt
sína af öðrum glæp, þeim að hafa
brotist inn í leikskólann Trekløver-
en í Varhaug fyrr um kvöldið. Inn-
brotið mun hafa átt sér stað fáein-
um klukkustundum áður en lík
Sunnivu fannst snemma á mánu-
dagsmorgni. Yfirheyrsla yfir
drengnum fór fram bak við luktar
dyr í gær.
Óvíst um ásetninginn
Einkaspæjarinn Finn Abraham-
sen, sem hefur fengist við morðmál
í 13 ár, sagði í viðtali við NRK að
miklu máli skipti að lík Sunnivu
hefði fundist svo fljótt. „Það þýðir
að fundarstaðurinn er nokkuð
ósnertur. Það rigndi ekki þetta
kvöld og fáir voru á ferli á svæðinu.
Þetta er ferskur fundarstaður sem
gerir það auðveldara að rekja spor
stúlkunnar og rannsaka gróðurinn í
kring.“
Abrahamsen sagði það einnig
mikilvægt að vita að stúlkan hefði
talað í farsíma sinn á tilteknum
tímapunkti. Hann sagði að erfitt
væri að vita með vissu hver ásetn-
ingur morðingjans hefði verið.
„Þetta gæti hafa verið hefnd,
þetta gæti hafa verið af kynferðis-
legum ástæðum, eða kannski greip
hún morðingjann í miðju innbroti.
Það eru margir möguleikar fyrir
hendi.“
Í gær girti norska lögreglan af
tvo ruslagáma milli Esso-bensín-
stöðvar og Spar-verslunar í miðbæ
Varhaug. Þetta ku hafa verið gert í
tengslum við morðrannsóknina.
Jafnframt lokaði lögreglan inn-
ganginum í Spar-verslunina. Lög-
reglan stöðvaði einnig vikulega
sorphreinsiferð ellilífeyrisþega í
Varhaug til þess að sönnunargögn í
nágrenninu yrðu ekki fyrir hnjaski.
Lögreglan auglýsir enn eftir
ábendingum frá almenningi í rann-
sókninni sem stendur yfir.
Þrettán ára stúlka myrt í Noregi
Myrt Sunniva Ødegård fannst myrt í þorpinu Varhaug á mánudaginn í 150
metra fjarlægð frá heimili sínu. Hún hvarf á sunnudagskvöldið síðasta.
 Hvarf í miðju símtali við kærasta sinn  Sautján ára drengur í varðhaldi vegna gruns um morðið
 Fannst 150 metra frá heimili sínu á mánudagsmorguninn  Morðið hefur vakið óhug um allan Noreg
Emmerson Mnangagwa, forseti Simbabve, hefur kallað eftir því að lands-
menn haldi ró sinni í kjölfar forseta- og þingkosninga sem fóru fram fyrr í
vikunni. Frá þessu er sagt á fréttasíðum AFP og Reuters.
A.m.k. þrír menn biðu bana þegar hermenn hleyptu af byssum á mótmæl-
endur úr röðum stjórnarandstæðinga í Harare, höfuðborg Simbabve, í gær.
Stuðningsmenn stjórnarandstöðuflokksins MDC og frambjóðanda hans, Nel-
sons Chamisa, saka Mnangagwa og stjórnarflokkinn ZANU, um kosn-
ingasvindl. ZANU hefur lýst yfir afgerandi sigri í þingkosningunum en tölur
úr forsetakjörinnu milli Mnangagwa og Chamisa hafa enn ekki verið birtar.
Ofbeldi í kjölfar forseta- og þingkosninga
SIMBABVE
Sindragata 12c | Ísafirði | Sími 456 1300 | smidjan@velsmidjan.is
HLÍFÐARHÚÐ Á RÚÐUR
u Kemur í veg fyrir að óhreinindi safnist
á rúðuna / sólaselluna
u Eykur öryggi og útsýni allt að
tvöfalt í bleytu og rigningu
u Kemur í veg fyrir að flugur, drulla,
snjór og ísing safnist á rúðuna
u Heldur regnvatni frá rúðunni
u Býr til brynju á rúðunni fyrir
leysiefnum og vökvum
u Þolir háþrýstiþvott
u Virkar við -30°C til + 30°C
u Endingartími er 6 – 12 mánuðir
Frábært á bílrúður – gluggarúður – sólasellur