Morgunblaðið - 16.08.2018, Síða 38

38 FRÉTTIRErlent
MORGUNBLAÐIÐ FIMMTUDAGUR 16. ÁGÚST 2018
Framleiðsla á þessu undratæki hófst í Sviss fyrir
meira en 60 árum og hefur verið í stöðugri þróun síðan.
Bamix töfrasprotinn er nánast hljóðlaus, titrar varla og verður
samstundir besti vinur þinn í eldhúsinu því hann leysir ólíkustu
verkefni með stæl: þeytir, jafnar, saxar, hakkar, malar...
Bamix minnir helst á svissneska vasahnífinn og dæmi eru
um að hann endist áratugum saman.
Verð frá 27.900 kr.
Töfrasproti
www.kokka.is kokka@kokka.is
Teitur Gissurarson
teitur@mbl.is
Alls hafa 39 verið staðfestir látnir
eftir að hluti úr stórri dalbrú hrundi
í Genúa á Norður-Ítalíu í fyrradag.
Slysið varð þegar hellirigning var
í borginni og er m.a. verið að rann-
saka hvort eldingar hafi orsakað
hrun brúarinnar.
Um 280 metra langur hluti úr dal-
brúnni féll um 45 metra á byggingar
og lestarteina þar fyrir neðan, og féll
fjöldi bíla og fólks með.
Brúin, sem er hluti af A10-
hraðbrautinni, er kennd við verk-
fræðinginn Riccardo Morandi sem
lést árið 1989 en hefur á síðustu ár-
um sætt gagnrýni, m.a. vegna
merkja um vandamál í brúm eftir
hann.
Möguleg vanræksla
á starfsskyldu
Á fréttavef breska ríkisútvarps-
ins, BBC, er greint frá því að Anton-
io Brencich, prófessor við Háskól-
ann í Genúa, hafi fyrir um tveimur
árum sagt vandamál hafa birst í
brúnni strax eftir byggingu. Hann
sagði Morandi einnig hafa misreikn-
að hvernig járnbent steinsteypa elt-
ist.
„Hann var verkfræðingur með
mikla innsýn en skorti raunsæja út-
reikninga. Það eru vandamál við
þessa brú. Fyrr eða síðar mun þurfa
að endurnýja hana. Ég veit ekki hve-
nær,“ sagði Brencich í samtali við
ítalska fjölmiðla árið 2016.
Danilo Toninelli, samgöngu-
ráðherra Ítalíu, lýsti því yfir í gær að
ráðamenn hjá Autostrade per
L’Italia, einkafyrirtæki sem séð hef-
ur um viðhald á brúnni, ættu að
segja af sér. Hann sagði fyrirtækinu
hafa láðst að framfylgja samnings-
bundnum skyldum sínum og að hann
myndi sjá til þess að það yrði sektað
duglega og starfsréttindi þess aftur-
kölluð.
Segir á fréttasíðu AFP að ríkis-
stjórn Ítalíu ætli að sekta fyrirtækið
um 150 milljónir evra, jafnvirði um
19 milljarða króna.
„Hægt hefði verið að komast hjá
[harmleiknum],“ sagði Luigi Di
Maio, staðgengill forsætisráðherra, í
gærmorgun og bætti við: „Auto-
strade átti að sinna viðhaldi og gerði
það ekki.“
Þá hefur héraðssaksóknari í
Genúa hafið rannsókn vegna gruns
um manndráp vegna vanrækslu á
starfsskyldu.
Stjórnendur Autostrade per
L’Italia hafa í kjölfarið lýst því yfir
að fyrirtækið hafi vaktað brúna árs-
fjórðungslega, eins og lög gera ráð
fyrir. Fyrirtækið viðurkenndi þó ár-
ið 2011 að ástand brúarinnar hefði
versnað vegna mikillar umferðar um
hana.
„Kom ekki á óvart“
Sláandi frásagnir vitna af slysinu
hafa ratað í fjölmiðla víða og sagðist
íbúi í grennd við brúna það ekki hafa
komið sér á óvart að heyra að brúin
hefði hrunið. „Ég bý nálægt brúnni
og geng yfir hana á hverjum degi.
Ég treysti henni aldrei alveg. Maður
heyrði hávaðann í hvert skipti sem
vörubílar óku yfir hana,“ sagði Ibou
Toure, 23 ára íbúi Genúa.
Davide Capello, fyrrverandi
markvörður ítalska knattspyrnuliðs-
ins Cagliari, var einn þeirra sem
voru inni í bílum sínum þegar brúin
hrundi. „Ég var að keyra yfir brúna
þegar ég sá allt í einu veginn fyrir
framan mig hrynja, og ég fór niður
með bílnum. Ég skil ekki hvernig
bíllinn minn kramdist ekki,“ sagði
Capello í samtali við Sky TG24.
Léleg hönnun
eða vanræksla
á starfsskyldu
Brú hrundi í Genúa
Heimildir: Ingegneri.info, maps4news.com/©HERE
Í TAL ÍA
Miðjarðarhaf
RÓM
Genúa
Var smíðuð frá 1963 til 1967
Byggingarefni: járnbent og forspennt steinsteypa (brúarpallur)
járnbent steinsteypa (stöpull)
Tekin í notkun árið 1967
Hæð stöpuls
90 m
Lengd: 1.182 m
50 m
280 m
AFP
Hrundi Eins og sjá má vantar nú stóran hluta í brúna, sem stendur yfir
borginni Genúa. Lestarteinar og vöruhús urðu undir brotum brúarinnar.